تصديق شهادة ميلاد الخاطب

Question

السلام عليكم

خطيبي ابن مواطنه من ضمن الطلبات كانت في شهادة ميلاد مصدقة من الأحوال المدنية
و اعطتني ورقة معاها صورة من شهادة ميلاده تروح للاتصالات الادارية و الاتصالات يرسلوها للأحوال

الأحوال اعطوة ورقة و قالو تروح للشرطة ! اليوم رحت اقدم اوراقي قالت ناقص شهادة الميلاد و رجعتني

احس ملخبطة ممكن احد يفهمني ايش نسوي او وين يروح و كيف يختمها ؟!

Answer 1

والله حبيبتي انا اللي فهمته ان يصدقوها له ويعطوها الصوره اليومين دي بيجينا خبر تصديق الشهادة ورح اردلك خبر


لان خطيبي راح لهم اخذو منه الصورة وقالوله راجعنا بعد كم يوم

Comments

فين راح ؟! و هل اخذو منه صورة للشهادة !!

طيب اعطوكي الشرطة ورقة الاتصالات الادارية !! و ايش وضعها  ؟!

Answer 2

كلمنا خطيبي قال ختمولو على صورة الشهادة مكتوب تم التدقيق على الختم ..

Comments

ماافهمت !! مين ختمها له و هوا اعطاهم الصورة ولا هما جاتهم من الشرطة لانها اخذت صورة شهادة ميلادو  ؟!

---

الان لمن عطوني الطلبات الشرطة كان في ورقة اخذوها مكتب الاتصالات الادارية وقالولي احنا نرسلها رسمي واعطوني بدالها ورقة صغيره مكتوب فيها رقم المعاملة وتاريخها

وبعد اسبوعين تراجعوهم في الاحوال بيطابقو الاصل مع الصورة ورح ياخذو صورة بعد مايشيكو وكل شي رح يصدقو عليها  وتستلمووها

وفي مناطق قالو ان الاحوال هم بنفسهم يرجعو يرسلوها لشرطه ف ما ادري

---

اخذو مني صورة شهادته بس حطوها فالملف عادي عندهم

لمن رحت الاتصالات الادارية ماطلبو صورة الشهادة بس اخذو الخطاب واعطوني بدالها ورقة صغيرة بس وكتبو فيها بعد اسبوعين الاحوال المدنية

---

انتي من جدة ؟!
انا اعطوني ورقة صغيره و اخذو الورقة الكبيره و قالو بيرسلوها للاحوال !
راح خطيبي يراجع الأحوال اعطوه ورقة من الاحوال مكتوب تذكرة موعد اليوم شافت الورقة قالت لا لازم تجيبي لي شهادة الميلاد المختومه !!
الاتصالات الادارية قالو م وصلتنا و جات هيا قالت لي روحو بنفسكم احسن لان لو استنيتو يرسلوها رح تطول وتاخذ وقت !  

معليه بسئلك طلبو من خطيبك ورقة خلو سوابق ؟ من سفارته و هل يختمها من الخارجية   ؟ ولا بس يكفي من السفارة !

---

ايوا حبيبتي من جدة ..

ايوا انا نفس الشي كاتبو في الورقة الصغيرة مراجعه بعد اسبوعين وراحلهم طابقو الصورة مع الاصل ورجعولو الاصل وقالوله راجعنا بعد كم يوم بعدها سلمو الصورة مختومه ..


ايوا طلبو منه ورقة خلو السوابق المفروض من اليمن هو عملها من السفارة بس لسى ماصدقها من الخارجية قلناله للاحتياط صدقها ,

طلبو منك تصدقوها ,؟

---

اها يعني هوا يروح بنفسو يجيب شهادة الميلاد ؟؟ لان قالو لبابا م وصلتنا و الحرمه قالت لي انتو جيبوها بنفسكم احسن لكم

لا م جابت هرجة التصديق بس هنا قريت الافضل تتصدق ؟

---

ايوا احسلكم بس هي فعليا ترى تاخذ وقت اسبوعين او اكتر حسب ماقرات ..

وانا برضو قلت نصدقها احسن للاحتياط عشان لاترجعلنا

---

اخت خلود . انا عندي الورقة الصغيرة من فين استلم صورة التدقيق حق الشهادة من الاحوال ؟ ممكن تسأليلي خطيبك من اي قسم فيةالاحوال لاني ضعت فيه ولا احد فاني . الله يوفقك رديلي .

---

احوال الصفا قسم الارشيف بس روحو بعد الظهر هذا وقت الموظف يكون في

---

بعد الظهر قسم الارشيف. الله يوفقكم يارب ويسهل امركم . الله يسهلها علي هناك تعبوني الموظفين وعشوائيتهم

---

امممين يارب .. ايوا هناك متعبين لو تعرفو احد حتخلصو بسرعه لو ماتعرفو الله يعين لازم نتمرمط

---

ايش ورقة الي اسلمها لهم الصغيرة حق الشرطة ؟ ولا الورقة الي عطوني ياها اتصالات الاحوال ؟ وهل لازم اجيب صورة من الشهادة ولا هم يعطوك ياها من عندهم تكون جاهزة ؟

---

الورقة الصغيرة ..
اصل الشهادة
صورتين من الشهادة
صورة من الهوية
خذو دي الاوراق كلها

لاهم اخذو منه الصورة وختم عليها

---

جزاك الله خير ووفقكم يارب .

---

اخت خلود . رحت اليوم الصبح قالي موظف الارشيف انه دام الخطاب يوصل رسمي من الشرطة يرجعلهم رسمي راجع الشرطة . ومارضى يسويلي اي شيء.

---

والله غريبه خطيبي استلمها بيده كان قال انها رح تروح رسمي ..

طيب ماقالكم متى يوصلوها ..؟

---

قالي راجعنا بعد اسبوعشان تتاكد اذا تختمت او لا . يعتمد اذا الشرطة ارسلوها بدري او لا حراجعهم هالاسبوع واشوف .