معامله زواج عن بعد 2021

Question

السلام عليكم ورحمه الله وبركاته

حابه افيد كل الي معاملتهم عن بعد واطلب منك الدعاء


معامله زواج سعوديه من اجنبي مقيم

اول شي قدمنا عن طريق موقع محافظه جده

وبعده بيومين رسلو رساله بمعنى نحضر لماحافظه جده وناخد الطلبات

الطلبات للطرف السعودي

كانت برنت من الاحوال ومشهد من العمده وتعريف من الراتب اذا كانت تشتغل اذا لا مشهد من العمده الحي انه ربه منزل
وطبعنا التحاليل في مختبر جده الاقليمي تروحو بدري معاكم صورتين شخصيه وخطاب الي من شرطه جده
و ورقه مواقه ولي الامر
الرف الاجنبي 1200 والسعودي مجانا

بنسبه للطرف الاجنبي

شهاده ميلاده ومشهد من العمده ماسبق له الزواج من سعوديه تعريف براتب وفي اشياء جديده لانهم كل فتره يطلع شي جديد

زي موقف صارلي صدقت ورقه العمده وكمان لازم تختموها من شرطه الحي الي  ساكنين فيه  بعد مارحت واعطيتهك الطلبات قالو انو نموذج مشهد العمده اتغغير ورجعت اعيد كلو اصدق من العمده ومن الشرطه

وكمان نسيت للطرف الاجنبي ورقه خلو سوابق  من بلاده

بعد ماتخلص الطلبات تنصحطك تصورو كل الاوراق صورتين احتياط لو ضاعت ورقه ولا شي لاه كمان ضاعت مني اوراق واطريت اعيد من جديد تاني

الطرف العودي يسلم الطلباتسم الشرطه

بعدها با اسبوع تجي رساله انها صدرت للاماره تجلس بي الاماره من 15 لي 20 يوم وعلشان تقدرو تستعلمو عنها في اي قسم تكون ترسلو رساله من شريحه اس تي سي رققم871111دا الرقم ترسلو عليه رقم معاملتكم وتجيكم رساله تبين المعامله في اي قسم
لو وصلت معاملتكم الصادر الخطي ابشرو با الخير بعد ماتلف كل الاقسام اخر شي تجي رساله موقعه من سمو الامير
لوجات كدا خلاص تعتبر موافقه بعد 10 ايام كمان تجي رساله انها صدرت لكتابه عدل

عاد هنا انا تعذبت عذاب لانه نظام جديد وماحد يعرف عنو شي
المهم تستنو من تاريخ الرساله 10 ايام وبعدها تقدمو طلب من موقع وزاره العدل توثيق عقد زواج الخدمات النهاىيه تدخلو تعبو بيانات الزواج بربت من الاحوال والي مو مولود في امملكه خطاب تعريف الموافقه والتحاليل وتكون مدتها 6 شهور تكون ساريه المفول وبنسبه لخطاب الموافقه انا ما اعرف كيف يجيبوه لان خطيبي مولود في السعوديه وتنبيه تنبيه مهمممم مره انا عطلني جداالارقم الي بتحطوها في البيانات لازم تكون كلها مسجله في ابشر علشان تجيكم الرسايل لو انها م مسجله حتطرو تعيدو الطلب كبلو من جديد وكمان انتبو اكتبو المهر رقما يعني مثلا كدا 30000 علشان مايرسلو لكم ملاحظات وتتاخرو

بعد كد بيوم او يومين تجيكم رساله مصادقه للعروس العريس والوالي والشهود الارقام الي سجلتوها ومدة الرساله24 ساعه لازم كل الاطراف يدخلو الرابط ويصدقو عليه  تاني يوم بتجيكم رساله بموعد الجلسه وانهم حيرسلو لكم رابط الجلسه ولازم الوالي والشهود كلهم  وتدخلو في الموعد الي يرسلوه لكم عن طريق التيمز وتعقدو وبس




وبس صح تعذبت لكن صلو عل النبي والحو في الدعاء وربي بيسعدكم ان شاء الله وبعد ماتعقدو يرسلو لكم العقد


اتمنى اكون افيدكم لو شي بسيط والي عندو سوال يتفضل وان شاء الله اقدر اساعدو وما ابا منك اله الدعاء بذريه الصاله والتوفيق

المامله كلها اخذت ممكن 4 شهور وسلامتكم

Comments

وعليكم السلام ورحمة الله وبركاته

شكرًا جزبلاً على وقتك وجهدك، معلومات مفيدة وقيمة
الله يسعدك ويوفقك..

---

فضلًا عندي مشكلتين بخصوص الأرقام،

الأولى الرسالة ما وصلت للرقم المدخل أصلًا.
والثانية وصلت الرسالة لكن رمز التحقيق ما يوصل.

السؤال.. هل في طريقة أحل فيها المشاكل اللي فوق؟
وهل في مجال نتواصل معهم لإعادة إرسال الروابط وإتاحة الفرصة لتعديل الأرقام؟
وفي حال ما ينفع ولازم نعيد تقديم الطلب، هل أقدر أعيده من الأن ولا لازم تمر 24 ساعة؟

وشكرًا مقدما

---

متاكده انو الارقام المدخله كلها مسجله في ابشر

اذا لا ولسا صلاحيا الرابط ما انتهت

اقرب جهاز ابشر روحي وعدلي الرقم

بعد كذا ادخلي من اي رابط اترسل لا اي جوال.
وحطي هويه الشخص الي عدلتي رقمو في ابشر
وبكدا تجيكي رساله التحقق الرمز وتدخليه
اذا انتهت مدة الصلاحية حقت الرابط
الله يعينك تعيدي من جديد بس لازم الارقام كلها مسجله في ابشر علشان توصلكم الرسايل

---

هل في حال انتهت الصلاحية يوصلك تنبيه؟ ولو تم تصديرها لكتابة العدل يوصلك مباشرة تنبيه؟

فتحت طلب جديد وكان ردهم: يوجد طلب صادر أخر برقم...الخ
ووضحت لهم موضوع أبشر لكن ما وصلني أي رد على الطلب الجديد ولا تم إلغاء الطلب القديم..


احتاج اتواصل معهم لو عندك اي وسيلة تواصل ياليت تشاركيها معي

---

اتواصلي معاهم عن طريق الايميل او تويتر تويتر يردو عل طول

بس مافهمت عليكي صلاحيه الرابط انتهت اول شي اذا انتهت تعيد الطلب من جديد

واذا ما انتهت تعدلي الرقم من ابشر ويترسلك رمز التحقق

شوفي حسابهم في تويتر وارسلي لهم موضوعك بزبط يردو عل طول

---

انتي مو متاكده انها في كتابه عدل ولا لا ؟؟!

---

‏⁦‪1950@moj.gov.sa‬⁩
‏
دا ايميلهم تواصلهم سريع ويردو عليكي تاني يوم او نفس اليوم باليل

قولي لهم بزبط ايش المشكله

---

مايوصل تنبيه هما حاطين الصلاحيه 24 ساعه لو انتهت تقدمي من جديد

---

لا ما انتهى بس مرت أكثر من 24 ساعة عشان كذا قدمت طلب جديد..

عمومًا انحلت المشكلة بتحديث أبشر على قولتك،
أما بخصوص عدم وصول رمز التحقق فكان الحل إخراج الشريحة وإعادة اداخالها والحمد لله تيسر الحال.

شكرًا جزيلاً على لطفك ودعمك

---

حبببتي الحمدلله دعوة من تكفي ❤️❤️

---

الله يتمم على خير انشالله.
لو تفيديني انا قدمت معاملتي عن بعد و اتحولت للاماره من ٣ رمضان اليوم شفت رسالتك و سويت زي ما قلتي و رسلت على رقم STC و جاني الرد انها في الصادر الخطي بإجرا: توقيع المدير العام! يعني ايش
و كمان عندي استفسار معليش استحمليني اذا مو من مواليد السعودية بعد الاماره وين تروح ؟

---

اذا مو مواليد السعوديه تروح الداخلية

وشيكي كل يومين او ثلاثه لو جاتك في الصادر الخطي بعدها تجيكي  با اسبوعين اعتقد موقعه من سمو الامير لو جاتك كذا 10 ايام وتتحول للمحكمه وتشيكي براضو عن طريق الرسايل
ذا لو انو مولود هنا
اذا مو مولود هنا تروح الداخليه وللامانه مااعرف كم تجلس يا شهر اوشهرين

---

مساء الورد،

تمت مصادقة كل الأطراف يوم الخميس 22 ابريل ولسى الطلب تحت الإجراء..
عادة كم تاخذ يوم؟ ويرسلوا رسالة ولا يتصلوا؟ والعقد يرسلوه مباشرة بعد نهاية الجلسة ولا باقي فيه اجراءات؟

والله يسعدك ما قصرتي

---

يرسلو رساله بموعد االعقد بيوم او يومين يعني اذا الخميس الاحد او الاثنين وفي نفس اليوم نعقدو يعني مثلا تجيكي رساله انو اليوم راح يتم عقد قران عن بعد الساعه 9.30 مثلا
والعقد حق الزواج يترسل لكم ثاني يوم من عقد القران

---

يعطيك العافية

---

أحيلت في 1442/9/14

إلى مكتب وكيل الامارة

بإجراء : توقيع سمو الامير

لها يومين على نفس الحاله اش الاجراء الي بعد ما تتوقع وين تروح ومتى تتوقع الله يعطيكي العافيه

---

مشاءلله تبارك الله مبروك مقدما 10 ايام وتتحول الي موقعه من سمو الامير بعدها اسبوع وتتحول للكتابة عدل

---

السلام عليكم، عندي مشكلة،
انا مقدمة من فبراير العام في مكة ومعاملتي خلاص وصلت الاحوال، وهو بيقدم من جدة، قعدوا انا على ورقة والله ماني عارفة ايش اسوي، روحنا طلعت. طالبين خلو سوابق من بلده. جابها من سفارة الهند من هنا والشهادة جاية من الهند. قالوا لا لازم تكون مختومة من سفارة السعودية في الهند. فراح وزارة الخارجية ختموها له قالوا ان شاء الله تمشي ما عليك روح لهم. لما رحت طارت فيّا الموظفة تقولي هذه جايبها من هنا ! لازم يروح يجيبها من هناك. طيب انتوا شايفين الاوضاع! طيب نفس الورقة موجودة ومختومة من وزارة الخارجية؟ ايش الحل؟ ترا كله من اعمارنا.
عندك فكرة؟ هو مو من مواليد السعودية.
والله اني ماني عارفة راسي من رجولي. معلقين.
وبالنسبة للتقديم الالكتروني، ايش الموقع؟ ولا ايميل ولا كيف؟

والف مبروك وجزاك الله خير

---

حبيبتي لا تشيلي هم واذكري الله وصلي عل النبي كتير

بنسبه لشهاده خلو السوابق هو لازم تكون من بلدو شوفي احد من اهله يجيبها له من هناك
انا براضو قالو ليا من نفس البلد لازم شوفي اهله قرايبه اي احد يكون هناك ويجيبه له
انا عن  نفسي ما قدمت شي الكتروني اله بس سلمتهم الطلبات
يمكن ذا نظام جديد التقديم اون لاين
بس صدقيني بتهون باذن الله صلي عل النبي وكثري دعاء وشوفو احد يكون من نفس بلده يساعدكم وان شاءالله بتتسهل عليكم

---

يعني ااتقديم اون لاين بس كان بدايه المعامله من المحافظه بس

---

أحيلت في 1442/9/17

إلى مكتب وكيل الامارة المساعد للحقوق

بإجراء : موقعة من وكيل الامارة

الحين خلاص هذا اخر شي وتروح المحكمه ولا باقي في شي ثاني

---

مثل ما قالت الاخت الموضوع مرا بسيط انا سويتها من السفارة حقتي وارسلتها وختمتها من السفاره السعوديه الي في بلدي بدون ما اروح هناك ولا شي والختم كان في نفس اليوم واستلمت الورقه والوضع بسيط وعادي الدعاء والاستغفار وربي يفرجها عليكم

---

ايوا تقريبنا كدا خلاص بس تجيك رساله موقعه من سمو الامير بعدها 10 ايام او اسبوعين وهي في كتابة عدل باذن الله

---

مرت الأن 10 أيام بدون جديد.. ورفعت طلب ثاني لعل وعسى

ياليت تفيديني هل الخطوات اللي اتبعتها تحت  صحيحة:
- الدخول لموقع وزارة العدل
- الخدمات الإلكترونية
- تقديم طلب للدوائر الانهائية
- طلبات الحالات الاجتماعية
- الدخول للخدمة
- مصادقة طلب مكتمل.

وتمت المصادقة بنجاح من كل الأطراف،  لكن مافي أي جديد ولي الحين 10 أيام


(معاملة زواج سعودي من أجنبية مواليد)

---

لا يا اخوي مو نفس الطريقه الي انا اعرفها
موقع وزاره العدل -الخدمات النهائيه -توثيق عقد زواج -وتعبي البيانات المهر والشهود والتحاليل كتابه العقد كامل -بعدها اذا كل الامور تمام يومين با الكثير وتجي لكل الاطراف رساله مصادقه ولمن تصدقو عليها يومين كمان وتجي رساله في موعد كتابه العقد لكل الاطراف
وبس دا الي صار معي

---

ي الطريقه النهائيه الي لمن معاملتك خااص تكون في كتابه عدل لها 10 ايام تسوي توثيق عقد زواج نفس الطريقه الي ارسلتها لك

---

لو اتبعتي الخطوات اللي تحت بتحصلي انها تمامًا زي اللي انتِ تقصديها:
-  الدخول لموقع وزارة العدل
- الخدمات الإلكترونية
- تقديم طلب للدوائر الانهائية
- طلبات الحالات الاجتماعية
- الدخول للخدمة
- طلب جديد.

وإذا كل شي تمام نطبق نفس الخطوات اللي فوق ومكان ( طلب جديد) نختار (مصادقة طلب مكتمل).



كل اللي فوق تم لين (مصادقة كل الأطراف على العقد) بعدها ما جاني أي شي.. لي الأن 10 أيام ومو عارف وين المشكلة.

---

طيب ايش حالة الطلب عندك ؟

---

توثيق زواج (حالة الطلب في انتظار المصادقة )

طريقة وصولي للحالة (ناجز + الاشعارات + الدخول على رابط الطلب الموجود في الاشعارات).

---

+ كل طرف من أطراف العقد صادق وطلع له ( تمت المصادقة بنجاح).

---

دام حاله الطلب تمت المصادقه بنجاح معنتو خلاص كل شي تمام بس يمكن ضغط استنى كم يوم وان شاءالله بكرا تجيكم الرساله

---

تمت المصادقة بنجاح هذا لما تضغطي على (قبول المصادقة)

لكن الحالة العامة أعلى الصفحة هي: (حالة الطلب في انتظار المصادقة )


عاد الله كريم وتفرج إن شاء الله..

---

كدا معنتو في شي غلط في احد ماصدق لانه بمجرد مايصدقو كل الاطراف عل طول تتحول حاله الطلب كدا المفروض يكون حاله الطلب محال الى الاسناد المركزي للتوثيق
في شي غلط صدقني كيف تمت المصادقه من الكل وحاله الطلب من 10 ايام با انتظار المصادقه

---

واصلن مدة المصادقه 24 ساعه لا تسكت في شي غلط قدم من جديد واتاكد انه كل الارقام وصلتهم الرساله وصدقو عليها لا تنتظر اكتر

---

اتفق في شي غلط 100% بس لو يردوا علينا بنعرف ايش الحكاية محد يرد وإذا رد ما يفيدك..

ولما أرفع طلب جديد يرسل موظف الدعاوي (تم اصدار طلب سابق لك برقم كذا) أو (من خلال بوابة ناجز اختر مصادقة طلب مكتمل)
وطبعًا أوضح وأشرح لكن بدون فايدة.

وراهم بحول الله وربنا المستعان..

---

كلمهم عل تويتر وبرجع اسالك متاكد انو الرسايل وصلت لجميع الاطراف

---

يمكن عندهم ضغط بسبب الظروف كلمهم عل تويتر سريعين ويرد بسرعه ويفيدوك باذن الله
الله يعينهم ويعيننا ان شاءلله بتلقى الخير وراح يساعدوك صدقني

---

والله بحاول بكل الوسائل الممكنة وبإذن الله خير..

---

100% وصلت لجميع الأطراف في الطلب الأول.

في الطلب الثاني ما وصلت أنا دخلت على (مصادقة طلب مكتمل برقم الطلب والهوية) وحصلت أخر الصفحة قبول أو رفض المصادقة سويت قبلول وطبقت نفس الشي على باقي الأطراف.

---

لكن ردهم كان نفس الشي (يمكنكم الدخول لبوابة ناجز والضغط على مصادقة طلب مكتمل)

مع إني متأكد إن صادقت على العقد ونفس الشي عند كل الأطراف..
لكن للتأكيد ممكن توضحي لي الطريقة فين أيقونة مصادقة الطلب في بوابة ناجز ما حصلتها..

---

انا مو فاهمه طيب ليش انت قدمت طلب تاني دام الاول كان تمام ممكن صارت لاخبطه
ايش. رايك تروح لهم افضل يساعدوك

---

لأني حسبت ال24 ساعة بالدقيقة وكان في مشكلة في واحد من الأرقام ولما انتهت ال24 ساعة رفعت طلب ثاني مباشرة، وبعدها انحلت مشكلة الرقم في الطلب الأول وصادقناالطلب الأول لكن بدون أي تجاوب بعد دخلنا على الطلب الثاني وصادقنا..الخ

ايوه أعتقد اللي سبب المشكلة هو الطلب الثاني وخيرة الله..

ياليت تفيديني وين مكانهم ما أتوقع محكمة الأحوال بتفيدني، أعتقد الاسناد المركزي هم كتابة العدل والله أعلم..

---

ايوا كتابه عدل معاملتك فين ايت كتابه عدل الاوله ولا الثانيه ومحل ماتكون معاملتك روحلهم ان شاءلله يفيدوك

---

كيف أعرف كتابة العدل الأولى أو الثانية؟

---

معاملتك فين ماتعرف !!!! ارسل رقم معاملتك من شريحه سوا عل رقم   871111
وتعرف فين معاملتك وصلت

---

سؤالي ماله علاقة بموقع المعاملة + رقم 871111 يفيدك بحالة المعاملة مثل (تحت الإجراء..الخ) بدون ما يحدد موقعها.

عموماً شكراً (.)

---

والله ما ادري ياخوي انا لمن عرفت المعامله راحت ايت كتابه عدل بذي الطريقه ارسلت رقم المعامله وعرفت هي في ايت محكمه
يمكن دحين صار شي جديد
العفو حبيت افيدك عل قد مقدر

---

اليوم وصلتني رسالة ان الطلب غير مكتمل  يرجى استكمال الطلب اقوم افتح الرابط اللي رسلوه ولايدعم اي ادخال باسوورد ورمز تحقق وجربت المتصفحات  والحين اراسل الدعم ''' عموما انت ذكرت انك تشوف حالة المعاملة في بوابة ناجز القديمة فيا ريت ترسلي الرابط لاني بحثت عنها ومالقيتها

---

رابط ناجز:
https://www.iam.gov.sa/authservice//userauthservice?lang=ar

سجل دخول واختر وزارة العدل تلقائيًا بيفتح لك صفحة ناجز القديمة، اضغط على (الإشعارات) وبعدها انسخ الرابط اللي في الاشعارات وسجل دخول باستخدام بياناتك.

---

انا معاملتي فالمحكمة صدقنا وكل شي وللحين كل ماادخل اشيك يطلعلي في انتظار التصديق كملت اسبوع وهيا ع الحالة دي للحين مارسلو لنا رابط هذا طبيعي ولا في شي غلط
اي احد يفيدني الله يسعدكم

---

يفترض ما ياخذ الإجراء أكثر من يومين وتتحول الحالة إلى: محال للإسناد المركزي.

متأكد كل الأطراف صادقوا؟ إذا ايوه أرفع طلب جديد، وإذا ردوا عليك بوجود طلب قائم اشرح لهم إنه معلق له 5 أيام.

كل التوفيق

---

الاخ او الاخت JA
 
انا مريت بنفس تجربتك فعلا ينتظرون المصادقة من الموقع  وسهله عموما
  بمعنى ادخل على الرابط
 https://inhaatportal.moj.gov.sa/
 اختار
مصادقة طلب مكتمل
ادخل رقم الطلب
وبعدها رقم هوية  واحد واحد
مثلا  ادخل على الزوج  او الزوجة والشهود وولي الامر
كلمهم قبل ماتسويها لانهم بيجيهم رقم سري على جوالاتهم
لنجرب تحط هوية الزوجة  مثلا ورقم الطلب  وهويتها
بتفتح معلومات الزوجة واسمها وتشوفها امامك.
انزل لنهاية الصفحة فيه مربع اخضر. مكتب طلب مصادقة اضغط عليه  وشوي تلقاه تغير الى كلمة تمت المصادقة بنجاح ،،،
وهكذا. واحد ورا الثاني بس كلمهم قبل تبدا  عشان الارقام السرية

---

السلام عليكم ورحمة الله وبركاته،
شكرا لك ع طرح التجربة المفيدة جدا خصوصا انو حاليا اتغيرت بعض الاجراءات في المعاملة.
انا معاملتي الحمدلله اتحولت من ٦ ايام لمحكمة الأحوال الشخصية الدوائر الانهائية، ورحت راجعتهم وقالوا لازم تجينا بعد ١٠ عشان نطابق ونتأكد انو اوراق المعاملة كاملة! هل هذا اجراء روتيني؟ لاني شفتك تقولي بعد ١٠ ايام ترفعها اون لاين فقط.
وسؤال ثاني بعد ما ارفع اون لاين ووتم المصادقة ايش بيصير بالضبط؟ هل لازم اروح انا والمخطوبة لكتابة العدل؟ ولا فيه طريقة اجيب مأذون البيت؟ لاني سمعت انه صار ممكن تجيب مأذون.
وشكرا

---

الله يسعدك عادي تجاوبيني
الحين بعد ما يطلع العقد الالكتروني في خطوة بعدها ؟ احوال او جوازات

---

الف مبروك الحمدلله
طيب بسالك لما تدخل على رقم المعامله يطلع لي تحت بالاحضر مكتوب صدرت في تاريك كذا وكذا برقم كذا وكذا الى شرطة جدة اش اسوي الحين

---

يا روعه انت اللي حاط الرابط مره تمام بس المصادقة مو انتظرها يرسلون لي رساله او قصدك اذا طولت ما جت للكل نسوي كذا ؟؟

---

تشيك على المصادقه لكل واحد في اخر الصفحه في المربع الاخضر
حاول تحط رقم هويته ووتاكد سوا تنتظر او تشيك اول بإول
عن نفسي اشيك اول بإول في الموقع

---

الله يسعدك كيف طريقه العقد عن طريق الاون لاين
اول ماتجي رسالة من الامارة انها راحت كتابة عدل اش تسوو تنتظرو كم يوم ولاتقدمو ع طول رسالتي جات ثاني العيد؟ كل واحد يقول شي احس تلخبطنا
والله يوفقنا اجمعين يارب

---

وضروي ارقام الجوالات ولا

---

الاخ ZMM

اذا راحت وزارة العدل. تروح لهم يعطونك رقم   بحيث تعطيهم رقم هويتك او الرقم الصادر من الامارة اللي يجيك
 وبعدها تقدمو طلب من موقع وزاره العدل توثيق عقد زواج الخدمات النهاىيه تدخلو تعبو بيانات الزواج  وتجهز ورقة الفحص والهوية
طبعا بالكمبيوتر تعبون الاجراءات وليس عن طريق الجوال
واهم شي ان كل الاطراف جوالاتهم مسجله في ابشر
واضح

---

يعني مايحتاج انتظار عشر ايام زي ايام المحكمة وكذا
يب عندنا رقم صادر لوازرة العدل يتكون من ٦ ارقام
الله يسهلها ومشكور اخوي الله يسهل امورك

---

عطهم اسبوع وامورك بخير باذن الله

---

لمن تقدم الطلب بعد يومين توصل رساله عشان تروح تاخذ الطلبات ،لازم العروسه تروح ولا عادي ولي الامر  ،مره متوتره روحت زمان مع اختي وكانت المعامله جدا سيئة وقتها قلت مستحيل اتزوج من مقيم او اجنبي بس النصيب ماندري وين

---

لو سمحتي من لما تصدر للعدل ع طول اراجعهم ولا انتظر 10 اياام ولا اسبوع؟!

---

السلام عليكم بس عندي سوال ياريت احد يفيدني ويطمني
 انا يوم21/8/1443 جات رساله لي ولي امري ( معاملتكم رقم ______ بمحافظة جدة صدرت الى اماره منطقه مكه برقم _____ وتاريخ 24/8/1443 هـ  ) طيب ايش حيسير بعدها يعني تقريبا كم كمان حتاخد وقت عشان تروح للمحكمه ولا كيف الموضوع احد يفيدني بعد اذنكم  للعلم انا السعودية وخطيبي مواليد السعودية .

Answer 1

الله يجزاك خير على كل حرف كتبتيه بتفيدين الجميع
ومبارك لكم عقد القران والله يجمع بينكم على خير

استفسار
راحت معاملتكم للداخليه او لا ؟؟

Comments

لا ياقلبي الي مولود هنا ماتروح الداخليه

---

هو مجرد استفسار لا اكثر .. بالتوفيق

---

ماعندك مشكله ياقلبي ❤️❤️

---

الف مبروك الله يتمم لكم ع خير بس حابه اسأل الحين بعد ماصدقنا شهادة الميلاد وتطبيق الهويات قالو لخطيبي تجيك رساله بعد عشرين يوم اش ممكن تكون هالرسالة والخطوات الجايه بما ان انتي مريتي فيها الله يسعدك

Answer 2

شكرا الله يجزاك خير والف مبروك الله يسعدك ويوفقك وعقبالنا  يارب يسهل امورنا

Answer 3

سلام عليكم بالنسبه الدخول على ناجز وزارة العدل  بحاسب ولي الامر ولا بحساب المخطوبه

Answer 4

تعديل
سلام عليكم بالنسبه الدخول على ناجز وزارة العدل  بحاسب ولي الامر ولا بحساب المخطوبه

الخاطب اجنبي والمخطوبه سعوديه

Comments

السلام عليكم يا اخواني قدمت على توثيق الزواج طلب مني خطاب الموافقه

Answer 5

قدمت على التوثيق وطالبين مني خطاب الموافقه وين اجيبه

Answer 6

الله يجزاك بالخير على نشر الاجراءات و على البركة .

Answer 7

ماشاء الله تبارك الله مبروك والله يتمم لك علي خير



أقولك بعد العقد الشيخ قال بتجي للعريس رساله فيها رابط العقد!


احنا عقدنا الحمد الله يوم الأحد

متي تيجي الرساله؟

Comments

الف مبروك الله يتمم لكم ع خير بس حابه اسأل الحين بعد ماصدقنا شهادة الميلاد وتطبيق الهويات قالو لخطيبي تجيك رسالك بعد غشرين يوم اش ممكن تكون هالرسالة والخطوات الجايه بما ان انت مريت فيه الله يسعدك اخوي

Answer 8

ماشاء الله تبارك الله .. الله يسعدكم
مره حلو طيب
انا خطيبي مو من مواليد المملكة
ومحتاجة افادة افادة افادة
اللي يقدر يراسلني رجااااااااءاً
هي حاليا في الداخلية وبس كذا علقت
ابغى فعلا احد يقدر يفيدني اذا سالت
وشكررررررا

Comments

قدمتي اكتروني او كيف سويتي انا ابو خطيبتي قدم في الاماره وصدرت لشرطة جده ومدري ايش صار علميني كيف سويتي

---

قدمت للشرطة وتحولت للامارة وراحو الشهود والعريس والولي وخلصوا من الامارة بعدين تحولت للداخلية وطبعا هنا كان انتظاااار المهم بعد عقد الزواج الكتروني هل فعلا اقدر اجيب المأذون للبيت ؟
وبعد تقديم عقد زواج الكتروني كم يظل وقت عشان تجي الرسالة