ما بعد موافقة وزارة الداخلية على التصريح

Question

السلام عليكم ورحمة الله وبركاته

انا الحمدلله طلع تصريحي من وزارة الداخلية وتحولت المعاملة لوزارة الخارجيه

واتصلت على الخارجية واعطوني رقم المعاملة الجديد ولما سألته هل فيه شي المفروض اخذه معاي اذا رحت السفارة قالي نعم تاخذ نفس الاوراق اللي قدمتها بعد تصدقيها معاك.

سؤالي كيف احصل على الاوراق لاني انا سلمتها كامله وقت التقديم !!

الله يرضى عليكم ياليت احد يعرف الاجابه

Comments

الله يباركلك ويتمم ع خير
بس كيف عرفت الوجهه التي صدرت لها بعد الداخلية

---

امين جزاك الله خير

اغلق الطلب في وزارة الداخلية وبعدها بيوم جتني رسالة من الخارجية برقم المعاملة في الخارجيه … كلمت الخارجية وقالي الرقم اللي جاك بالرسالة تو نفسه اللي تراجع فيه السفارة وتاخذ معك اوراقك اللي قدمتها من الامارة

---

قبل شوي جتني رسالة بتسجيل معاملة جديدة في الجوازات ومكتوب في موقع الجوازات تحت الاجراء والمعاملة وردت من الداخلية.

فيه احد يقدر يفيدنا اذا كان هو سبق وطلع تصريح للزواج خارج المملكة ويوضح وش المفروض اسوي ☹️

---

الف مبروك ماشاء الله

بالنسبة لما تأخذه معك افضل شيء انك تتواصل مع السفارة.
بالنسبة للجوازات طبيعي ، بعد الموافقة ترسل المعاملة إلى الخارجية ونسخة للجوازات ونسخة للإمارة.  

اذا تسمح لي اسئلك كم الفتره بين إغلاق المعاملة واستلام الرسالة من الخارجية؟

---

الله يبارك بعمرك

اول شي شكراً على التوضيح

المعاملة اغلقت بالداخلية وبعدها بثلاث ايام جتني رسالة من الخارجية.

اي اسألة اخرى فيما يخص الموضوع انا جاهز

---

الف مبروك ما شاء الله الله ييسر لك ويسعدك ويوفقك اخي العزيز انا مثلك زواج من الخارج المعاملة كلها كم اخذت معك انا حاليا تقريبا شهر وكم يوم عند لجنة سكرتارية الزواج

---

الله يبارك بعمرك وعقبالك

المعاملة جلست في اللجنة أقل من 4 أشهر بكم يوم

الله ييسر أمرك وأمر كل مسلم

---

بالنسبة الى الجوازات ايش سويت اخذت من عندهم ورقت ولا ايش
ايش اخذت معاك الى المغرب

Answer 1

ماتحتاج الاوراق
رقم المعامله عندك والهويه الموظف من راسه جايب الكلام الا اذا فيه اجراءات جديده ما نعرفها ..

Comments

كلمت مره ثانية واكدوا لي المعلومه قالوا لي تروح الامارة اللي قدمت فيها وتاخذ الاوراق من هناك

فيه احد صار له نفس الشي ؟

---

مااقد سمعنا احد صار له كذا لكن راجع الاماره جرب

---

تواصلت مع الخارجية مره ثانيه وعطوني المتطلبات قالي لازم تاخذها من هنا معاك وهي كالتالي

1- نسخة من جواز السفر

2- نسخة من بطاقة الاحول

3- اربع صور شخصيه

4- في حال كنت متزوج موافقة الزوجه الاولى مصدقه من وزارة الخارجيه صوره مع الاصل
وفي حال كنت مطلق ترفق صك الطلاق مع صوره وتصدقه من الخارجية

5- تعريف بالراتب

6- صحيفة الادله الجنائية خلو سوابق

7- برنت احوال

8- مشهد سكن

9- كشف طبي

---

تواصل معي الله يعافيك للأهميه 0570570275