اخي الكريم مبروك الوظيفة..
بامكانك العمل بدون نقل الكفالة.. وهذا قانون دولة وامر من الامير نايف وليس مسألة عابرة ويجلس يختلفون عليها..
القرار واضح للجميع ولا يتفلسف عليك اي مسؤول في المستشفى ويقولك ينفع وما ينفع..
لا تنقل كفالتك باي حال من الاحوال..
اصلا شرط ان تحسب كوافد خاص .. ان تكون كفالتك على زوجتك السعودية او امك السعودية..
بخصوص الراتب..
السعودي الحد الادنى لراتبه 3 الاف .. غير كذا ما تقدر تعمل شي لا انت ولا السعودي..
يعني لو جا سعودي طبيب وقالوله بنعطيك 3 الاف .. خلاص هم بالنسبة لهم قانونيين وله الحق بالرفض والقبول..
يجب ان تعلم بان الراتب يحدد عالخبرة وقوة الموظف اللي جاي يتوظف..
فيه غير سعوديين يشتغلون سكرتاريه برواتب تصل لاكثر من 35 الف ريال..
فيبقى الراتب هو بمثابة اتفاق بينك وبين الجهة اللي تتوظف فيها وطبعا لا تنسى ان تقنعهم ايضا وتضغط عليهم بالراتب بطريقتك..
تحياتي..
