اولا:تقديم موافقة الزواج من امارة الرياض الموظفات جدا لطيفات وذوق قدمت اوراقي واخذت اوراق التحليل وخلصتها خلال عشرايام بالضبط مستشفى الملك سعود الشميسي سابقا استلام نتيجةالتحليل خلال يومين او اربع ايام ومستشفى الملك سعود للامراض الصدريه استلام النتيجه بنفس اليوم بعدالظهر بالضبط الساعه وحده .ثانيا:صدرت لوزارة الداخليه وجلست بالضبط شهر وطلعت الموافقه وصدرت لوزارةالخارجيه الى السفاره السعوديه بالكويت ،،زوجي كمل بقية الاجرئات بالكويت طلبو تحليل زواج ولاحكم عليه من دولة الكويت لانه مقيم فيها تقريبا شهر على ماطلعت ولله الحمد ،،(على فكره السفاره السعوديه المفروض تعطي خطاب لاامن الدوله حتى تسهل المهمه ولكن الحمدلله كان لزوجي معارف وطلعت خلال شهر حتى هذي فيها واسطه بس عدت ع خير الحمدلله) بعد كذا السفاره كلموني وقالو اروح الكويت واعقد هناك لانه ممكن استقدام زوجي لرياض تطول (الاوراق المطلوبه هناك(حصرورثه في حال وفاة الوالد+التقريرالطبي )مصدقين من السفاره الكويتيه بالرياض ووزارة الخارجيه بالاضافة الى حصرالورثه يصدق من المحكمه الكبرى بالرياض اجباري طبعا عشان وزارة الخارجيه تصدقهاوتعتمدها ) اجرائات الزواج هناك اسهل بكثييييروموظفي السفاره السعوديه ذوق واخلاق شالوني من الارض شيل للامانه، حولونا ع المحكمه بنفس اليوم وعقدنا :) رجعت الرياض بالسلامه وعلى طول قدمت خطاب استقدام من مكتب الوزير الامير محمدبن نايف ونفس الشي الموظفات جدا طيبات واخلاق انتظرت بالضبط شهرين وطلعت الموافقه وصدرت لاستقدام الرياض والحمدلله موظفين الاستقدام كانو اخلاق جدا بنفس اليوم اللي رحت فيه استلمت التاشيره مااخذت ربع ساعه طبعا. تسديد رسوم ٢٠٠٠ريال ،اخيرا :حظرزوجي واجرائات الاقامه كالتالي :تامين طبي ٥٠٠ريال ٢-تحليل ٣-رسوم الاقامه ١٠٠٠ريال سنتين .. طبعا في استثناء حتى ماتدفعو رسوم التاشيره لكن احنا مستعجلين:) واستلمنا الاقامه بنفس اليوم الحمدلله ،رغم انو قسم النساء بالجوازات ماعندهم سالفه قالت تعالي بعداسبوع ومعامله سيئه جداجداجدا كانت بتاخذ الجواز عندها :( سحبته منها وركض عنداخوي فخلصها من الرجال بنفس اليوم :) وبس وشكراكثيييييير ادمن مستشار اول والعمراني مررره كانو متعاونين معايا وكنت خطوه بخطوه اسالهم واروح واناواثقه وعارفه الاجرائات الله يوفقهم ويسهل امورهم ولاتنسوهم وتنسوني من دعواتكم :) وربي الامور يبغالها ثقه بالله اولا وشوياصبر موفقين يارب .وماننسى انو كل اجراء تختلف من اماره عن اماره ومنطقه عن منطقه.
