تغيير اسم صاحب العمل من المؤسسه الى اسم الزوجه

Question

انا زوج مواطنه وعلى كفالة مؤسسة زوجتي ومكتوب صاحب العمل نفس المؤسسه واللي ابغاه تغير اسم المؤسسه وحط بداله اسم زوجتي .. مع العلم اني رحت لمكتب العمل وقالو رح للجوازات والجوازات يقولون رح لمكتب العمل وفي الاخير رحت لمساعد مدير الجوازات وقال لي جيب تنازل من مؤسسة زوجتك وامر الزواج وعقد الزواج وبطاقة احوال الزوجه والاقامه حقك وتروح زوجتك لقسم النساء وهم بيخلصو الاجراءات ,, سؤالي هل هذه تعتبر نقل كفاله من مؤسسة الزوجه الى اسم الزوجه,,,, مافيه طريقه اخرى لحل هذه المشكله ,, ارجو من لديه معلومه ان يفيدني وجزاكم الله خيرا ..

Comments

تسلم اخي akram بس مافيه طريقه تغيير المسمى دون الرجوع الى النقل ,, لأن النقل اجراءاته تطول وفيها رسوم وعلى قول المساعد انها تروح للرياض .. يعني يبيلها وقت .

Answer 1

ایوا مساعد مدیر الجوازات کلامه صحیح مئه في المئه..هذا یعتبر نقل کفاله من مؤسسة الزوجه الی اسم الزوجه نظامیا..و هذه الطریقه الوحیده..

Comments

بخصوص كلام مساعد المدير : اليوم رحت انا وزوجتي وراحت قسم النساء وشرحت لها كلام المساعد فكان الرد من المديره بقسم النساء ,, هذا الكلام غير صحيح واللي قالك ماعنده سالفه هنا مانقدر نسوي شي لاااازم تروحون مكتب العمل واذا خلصو اجراءاتكم ترجعون هنا ونسوي طباعه فقط ,, طبعاً رحنا لمكتب العمل ونفس الكلام مافيه فايده وكان جواب المسؤل مانقدر نغير شي وخلك على المؤسسه لأنو اهم شي المهنه عندك زوج مواطنه والمؤسسه بأسم زوجتك .. هذا اللي صار والظاهر اني بخليها ع المؤسسه لين مايجي حل .....