السلام عليكم ورحمة الله وبركاته ،
كل عام وأنتم بخير ؛
تكملة لموضوعي السابق والي هوا بإختصار كملت كل الأوراق المطلوبه
وخلصت وسير المعامله كالآتي ( الشرطه وبعدين المديريه وبعدين الإماره
ودخلت الحقوق الخاصه وبعدين مكتب الوكيل واعتقد كمان راحت مكتب الامير
وبعدين اخر يوم قبل اجازة
عيد الأضحى سأل خطيبي عنها قالوا عند مدير الحقوق الخاصه وبس )
الي ابغى افهمه دحين انه كدا اتأشرت من الوكيل ولا الامير
ورجعت للحقوق ولا ايش وكذا موافقه لو راحت للأمير او الوكيل
احسها المعامله طولت والمشكله اوراق تحليلي بس ٦ أشهر وتنتهي
وانا خلصت ٦ أشهر على اوراق التحاليل
مره قلقانه ومره متوترة الله يخليكم طمنوني وادعولي
والله ماصار زواج هذا صار جنازه
الواحد يجلس ايام وشهور بس معزول تفكيره بأوراق وموافقات
وربنا سبحانه وتعالى محلل في شرعه
يارب اعطينا الصبر ورزقنا بما نتمنى
اسفه على الاطاله للجميع ولكن الله وحده عالم كيف انا انام واصحى
