السلام عليكم ،،
1- كيف احجز للتحليل الطبي حق الزواج
دخلت على موقع وزارة الصحة - عند خانه الفحص الطبي الكوقع مايشتغل
www.mohj.gov.sa
2-في طريقة تانية اون لاين او اروح مكان تاني احجز
3-وفي اي مستشفى وفين مكانها ؟
4- هل المواعيد قريبة ولا تطول ومتى تطلع النتيجة ؟
واعتذر على الاطالة :)
الحمد الله رحت اليوم وحقولكم بالضبط ايش صار :
رحت انا وخطيبي ولازم نكون مع بعض طلبو هويتي الاصل وصورة واقامته الاصل وصورة
صورتين شخصية لكل واحد فينا .
مع الخطاب الي اخدناه من الشرطة
رحنا بدون موعد لانه موقعهم خربان واتوقع ماصار يشتغل وقفوه
كنا هناك 8 بالضبط ، دخلنا الاستقبال اول ناس اعطوني ورقتين الورقة البمبي ليه والازرق للعريس عبيناها ونادو عليه اعطاهم الورقتين الملونة وصور والهويات واعطاني ورقة صغيرها فيها رقمي ورحت القسم النسائي واستنيت ربع ساعة وجا دوري وخطيب خلص قبلي .
خرجنا 9 الحمد الله
الموضوع ما اخد ساعة الحمد الله اتسهلت وجزاكم الله خير في دا الموقع افدتوني بكل المعلومات والمستندرات الي احتاجها وحبيت انا كمان افيدكم واقول تجربتي .
للعلم ،، النتيجة حتتحول على الشرطة بعد 10 ايام مانحتاج نروح ناخدها .
الله يوفق الجميع
