خطوات تصديق شهادة الميلاد للزواج

Question

السلام عليكم ،،

 من ضمن الطلبات الي طلبتها شرطة محافظة جدة انه نجيب شهادة ميلاد للخطيب الاجنبي مصدقة واعطونا خطاب للاحوال المدنية .
سؤالي هو : هل يحتاج ياخد موعد للاحوال لانه مالقينا لمن دخلنا موقع الاحوال اي خانه موجود فيها توثيق ولا اصلا يروح عادي بدون موعد ؟
ايش الاوراق الي ياخدها وكمان هل تصدق وهو واقف ولا فيها بهدلة ؟
وكمان معليش اخر سؤال هو ابن عمتي موطنة هل نحتاج اثبات قرابة وكيف نعمله ؟
وجزاكم اللله خير ،،

Answer 1

بالنسبة للتصديق

 اذا كانت شهادة الميلاد من وزارة الصحة تصديقها يكون من الشؤون الصحية في كيلو سبعة خلف مركز الدرن

واذا كانت من الاحوال المدنية فتصديقها من  الاحوال بس معرف كيف الطرقة بالزبط

بس على حد علمي مواليد 1408 وقبل من مركز الصحة و 1409 وبعد من الاحوال بس ماني متاكد من المعلومة

Comments

وبالنسبة للمحكمة في اثبات صلة قرابة درجة اولى بس معرف ايش الاجراءات بالزبط

---

الشهادة صادرة بتاريخ قبل 1408 وصادرة من الشؤون الصحية بس الشرطة اعطتنا خطاب موجه للاحوال مو للشؤون الصحية .
وبالنسبة لاثبات صلة القرابة هم ماطلبوها اصلا بس انا خايفة يطلبوها بعدين ونتعطل ابغا اتاكد انه كل شي جاهز وكامل

---

اول ماكان في خطابات

كانت الشرطة تقلك جيب صورة شهادة الميلاد مصدقة من مرجعها ماكان يعطيك خطاب او شي

عموما روحو الاحوال وهما ممكن هناك يصدقوها او هما اللي يحولوكم على الشئون الصحية
صلة القرابة بتفيدك اذا كان مو من مواليد السعودية وعمرك اقل من 25 سنة

Answer 2

الخطيب يحتاج يروح للاحوال في شارع الاربعين في قسم الارشيف ويعطيهم شهادة الميلاد الاصل مع صورة منها ويطلب منهم انهم يصدقوها ،ويرجع لهم بعد اسبوع او حسب اللي يقولوه وتكون جاهزة (هذا اللي حصل معايا ،حتى اخويا راح للاحوال نيابة عني وبدون موعد ،انا من مواليد 1409 وشهادة ميلادي صادره من الاحوال)