مدري احسبن على الادميه اللي قفلتها فوجهي ولا مو ذنبها !!
قالتلي بصريح العباره انتي زوجك مريض مدام اتحولت التحاليل للشرطه يعني في مرض خطير ويبدو عندو انيميا وللاسف بكدا معاملتك ماتترفع للابد وتتقفل وماراح يوافقو حتى لو جبتي واسطه امير!!
لانو لو كان سليم يستلمها بيدو من المختبر لو لا تتحول عالشرطه مع انو الاخت فالمختبر باركتلنا بأننا سليمين وهيا اللي قالتلنا روحو خلاص التحاليل اتحولت للشرطه !!
دمرتني والله سرت ابكي قدامها بحرقه وهيا تهدي فيا وتقلي اللله يعوضك
بعدين كلمت خطيبي وقلتلو كل شي راح قال انا متاكد اننا سليمين وراح بنفسو وجابلي هيا وطلعنا سليمين الحمدلله بس حسبي الله قفلوها فوجهي ولعبو فاعصابي وكرهوني فالزواج كلو
اللي اقصدو من كلامي دا لاتمشو ورا اي كلام تقولو لكم اي موظفه الا لو شفتو بعينكم مكتوب الشي
يعني لو انا دحين طنشت ومشيت على كلامها كان ما تم موضوعي مع اني سليمه وخطيبي سليم ومافي اي شي يعرقل الزواج دا
