ماذا بعد تقديم المعاملة بالمحافظة

Question

قمت بتقديم المعاملة ولله الحمد في محافظة جدة ووصلتني رسالة بتسجيل الطلب

ماهي الخطوة التي ستحصل وكم المدة بين كل خطوة وخطوة ؟؟

بنسبة لشروط :

سالت عنها قالت مافي شي وسالتني كم عمر العريس وكم عمرك قلتلها قالت طيب خلاص تابعي رسايل الجوال ..

للعلم في مكة وحده قالت انها راحت ورفضو ياخذو منها المعاملة قالولها راجعي بعد اسبوعين ..

Answer 1

جدة ومكه نفس الاماره غريب..
تابعي المعامله حتصدر للشرطه بكرا او اليوم
تروحي تاخدي الطلبات وتكمليها وبعد كدا
يدخلوها البحث الجنائي تجلس شهر ونص
تقريبا، بعدين اماره وداخليه..

Comments

الان وصلني خبر ان العمر صار 30 للسعودية
والسعودي 40 هذا الخبر من شخص في امارة مكه


لكن ابغى اعرف ايش وضع معاملتي هل حيطبق فيها الموضوع او لا ,,

بنسبه للمتابعه في موقع معين اشوف فيه برقم الطلب اللي وصلني ولا لازم انتظر رقم المعاملة بعد تحويلها لشرطة .؟

---

انتي لمى قدمتي قدمتي ع الشروط القديمه وانشالله تمشي بما انك قدمتي موضوع العمر سمعت فيه كثير بس للان مافي شي رسمي انشالله تتيسر امورك

---

تابعي بعد ماترجع من الشرطه ع موقع الاماره واذا تحولت ع الداخليه ع موقع الداخليه برقم قيد جديد تدقي عليهم وتاخذيه

---

انا لسى امس قدمت وامس تسجل الطلب ليا ما ادري كيف توتررررت

---

انتي لمى سجلتي ماقالوا فيه شروط جديده وسجلتي معاملتك ووصلك رسالك  لو في من الشروط الجديده ما استقبلوا معاملتك انشالله تتيسر

---

شوفي واسالي وخبرينا ايش يصير معك اتصلي ع الاماره واساليهم

---

الله ييسر الامور يارب ..

ننتظر بكره واشوف او اراجعهم

في رقم للامارة اتصل علية ؟

---

الله ييسر الامور
والله ما اعرف رقم الاماره
شوفي وخبرينا ايش يصير معك

---

عزيزتي هذا رقم امارة مكه اتصلي واطلبي مكتب الزواج 012 572 2727

---

الرقم طالع ملخبط مدري ليش انتي انسخيه زي ماهوا..

---

تقدري تتابعي معاملتك بالمحافظة بالرقم الي عندك
عن طريق موقع محافظة جدة استعلام عن معاملات..

---

شيكت على المعاملة مكتوب أحيلت في 09/01/1438هـ إلى مركز الاتصالات الادارية، بإجراء : موقعة.   ايش يعني..؟؟؟؟؟

---

يعني حتصذر بعد شويا للشرطه شيكي عليها وحتلاقي مكتوب صدرت لشرطة محافظة جده

---

بجد ؟؟؟؟ الله يطمن قلبك ياشيخ ويسهل امرك وربي على اعصااااااابي

---

الحمدلله وصلت الرسالة تحولت للشرطه

---

روحي للشرطه بكرا اذا تبغي عشان تاخدي الطلبات وتبدأي تجهزيها

---

قالولي اصبري يومين ثلاث وبعدين روحي عبال ماتكون وصلت لهناك

---

هيا توصل تاني يوم بالكتير بس صحيح انتظري احسن ..
الله يسهلك يارب

---

الحمدلله ...

بس سؤال هل كذا معناته ان القرار الجديد ماشملني ولا ممكن توصل هناك ويوقفووها ..؟

---

والله ما اعرف بس هما لو عندهم تعميم كان ما استقبلوها !
احسن شي تتصلي على امارة مكه مكتب الزواج وتسأليهم
ان شاء الله يارب ربنا يسهلك وتبشرينا

---

المشكله اني خوافه خايفه اتصل وانصدم بانها ممكن توصل هناك وتنرفض عشان الشروط الجديدة ..

---

هيا مطوله الين توصل الاماره لانك لسا حتسوي طلبات الشرطه والتحاليل
تاخد اسبوعين.. بعدين شهر ونص تقريبا بالبحث الجنائي بعدين تروح الاماره
يعني دي مده طويله انتظار الأحسن انك تتطمني.. وان شاء الله مافي الا الخير

---

ماعندي مشكله في الانتظار بس ابغى اطمن هل حتشملني الشروط الجديدة او لا لان لو على الشروط القديمه باذن الله مطمنه رح تمشي معايا تمام


ربنا يسهل الامور من عنده دعووواتكم ...

واشكرك على طولت البال معايا والله يسهل امورك

---

الله يبشرنا ويبشرك بصدور الموافقه
ولو اذا عندك اي استفسار نحنا بنساعد بعض هنا
و الله يوفقنا اجمعين

---

امين يارب العالمين

لكن دعواتي الصادقه بتسسهيل اموركم

---

اختي إنتي متأكدة صار ٣٠ للسعودية ؟ طيب مولود ولا مقيم ولا للخارج .. واللي قالك شخص موثوق فيه بامارة مكة ولا

---

ع كلام قريب خطيبي فالامارة حق مكه بس انا ٢٧ وقدمت واخذوها توكلو على الله

Answer 2

اليوم أتصلت ع الداخليه وسألتهم ع الشروط الجديده وقالو م في اي شروط

Comments

والله يا اخ ريان تعبووونا يلا عساها ماتنزل اي شروط وتتسهل للجميع يارب ..

---

وحدة من الاثنتين يا اما الداخلية تنفي لان للان ماصار شي رسمي يعني لسى يبتون بالقرار او ان الشروط الجديدة بس على المواليد وكلها من الامارات او انه الموضوع كله اشاعة وانا بصراحة استبعد انه اشاعة لان مافي دخان بدون نار بس يارب ان القرار يتعطل قبل يصير رسمي وتبقى الشروط على ماهي عليه قبل لان والله حرام صعبوها مره زي اللي يقول روحوا خالفوا ادعوا بس انه مايتغير شي ونبقى على الشروط القديمة

Answer 3

كيف تعبوكي ايش طلبو منك وايش قالو لكي ؟

Comments

اقصد تعبوونا نفسيا كل ساعه احد يقول شي ناس يقووولو نزلت وناس لا ناس يقولوو شافوها في امارة منطقة وناس لا

انا الان في قلق بدات اتوتر ان يوقفووها الله ييسسر

---

لا تتوتري ان شاء الله ميسره يااارب