تصديق صحيفة السوابق من السفارة السعوديه في بلد الزوج

Question

بعد ما خلصت من جميع الطلبات الخاصه بالزواج من سعوديه واتحولت المعامله للاماره وجلست شهر بعدين ردوها وسبب ردها صحيفة السوابق من بلدي تحتاج الى تصديق من السفارة السعوديه ببلدي وتصديق الجهات الرسميه ببلدي وتصديق وزاره الخارجيه بالمملكه الله يسعدكم اي احد عنده معلومه عن الموضوع هذا يفيدني ولكم جزيل الشكر

Comments

أنا برضو من إمارة المدينة أنا سعودية و خطيبي بريطاني مقيم هنا في السعوديه..السفارة البريطانية وقفت تصدر صحيفة سوابق لمواطنيها  من تاريخ ١ سبتمبر ٢٠١٦ وطلبت من السلطات السعوديه تعتمد الجواز البريطاني والإقامة كإثبات هويه وكبديل .السفاره في جده أدتوه خطاب بهذا الكلام وعليه ختم السفاره البريطانية في الرياض وجده الشرطي قال خلاص بس تتصدق من وزارة الخارجية السعوديه وبالفعل صدقها من وزارة الخارجية في جده .والاسبوع الماضي رجعت الاماره الملف والملاحظة كانت صحيفة السوابق قصدهم الورقه ينقصها ختم السفاره السعوديه .الشرطي مستغرب من طلبهم  فروحت راجعت الاماره قسم النساء بس للأسف ما يفيدوا بولا شيء..ودحين احنا محتارين وضايعين ما ندري ايش نسوي وكيف يسير يطلبوا ختم السفاره السعوديه وهوه مقيم هنا في السعوديه وما راح بلده من كم سنه..الله يسعدكم فيدوني

---

المشكلهً ماعنده احد و عمله رافضين يدوه اجازة ..الله يسعدك لو صادفت حل تاني تقولنا وشاكره  اخويه ردّك ..ان شاء الله يفرجها

---

خليه يستفسر من السفارة يقدرو يرسلونها بلده يختموها من السفارة السعوديه وترجع امكن يسووها له

---

السلام عليكم اخواني انا استخرجت ورقة السوابق وجات وصدقتها من سفاره ومن الخارجية من كتابة عدل رفضوها بسبب عدم وجود ختم سفارة المملكة في بلد الاصل رافضين يختموها هل احد عنده حل ؟؟

---

لكن اخواني ما يشترط تصديق الخارجية السعودية. اهم شيء تصديق الجهات المعنية في بلد الأجنبي ومن ثم تصديق سفارة المملكة ببلده.   حتى في ورقة الطلبات والشروط لم يذكروا التصديق من الخارجية السعودية.   فقط سفارة المملكة في بلد الخاطب. وأحياناً الخارجية ترفض التصديق على الصحيفة وهذا حدث معي.  والإمارة قبلوا الفحص دون تصديق خارجية السعودية.

Answer 1

اش جنسيتك؟؟
ھو الشرط صح کذا..تاخذ شھادہ خلو سوابق  و تصدق من الداخلیه ببلدك و من ثم سفارة السعودیة ببلدك و اخیرا تصدیق خارجیة من السعودیه..
و اغلب الناس جابو شھاده خلو سوابق من سفارات بلدانھم ھنا في السعودیه..
بس ھنا یلعب دور انه اش جنسیتك..

Comments

جنسيتي مالي يعني اقدر أوكل اي واحد هناك يطلع لي صحيفة السوابق ويختمها ويرسلي هي ولا لازم اروح انا

Answer 2

انا حالتي مثل حالتك بالضبط تصديق صحيفة خلو سوابق من السفارة السعودية من اليمن وللاسف مع الحرب لا يوجد اي سفارة ولا يقبل اي تصديق من اي دولة مجاورة ... يقال ان اخذ صحيفة من السفارة وياخذ مني بصمات ثم تتحول عليهم ولا اعرف عن صحة هذا الامر

لكن انت من اي منطقة مقدم المعاملة ؟

Comments

عليها تصديق سفاره بلدي بجده وتصديق الخارجيه السعوديه في تصاديق ثانيه باقيه غير السفارة السعوديه

---

التصديقات التي تكون في الصحيفة  ( الجنائية + الداخلية + الارشيف + الخارجية في دولتك ثم السفارة السعودية في بلدك + ثم قنصيلة بلدك هنا + ثم الخارجية السعودية هنا

---

طيب انا الصحيفه اللي عندي كان عليها تصديق السفارة اللي بجده وتصديق الخارجيه السعوديه راحت الاماره وردتها وكاتبين تبقى تصديق السفارة السعوديه ببلده والموظف أعطاني نفس الورقه وقالي صدقها من السفارة السعوديه في بلدك فقط وجيبها وما قالي عن تصديق وزاره الداخليه والخارجيه ببلدي

---

اذا السفر التابعة لبلدك في جده صدقتها والخارجية السعودية صدقتها اذن لا يبقى لا سوى السفارة السعودية في بلدك انت افضل من غيرك

---

لكن اخواني ما يشترط تصديق الخارجية السعودية. اهم شيء تصديق الجهات المعنية في بلد الأجنبي ومن ثم تصديق سفارة المملكة ببلده.   حتى في ورقة الطلبات والشروط لم يذكروا التصديق من الخارجية السعودية.   فقط سفارة المملكة في بلد الخاطب. وأحياناً الخارجية ترفض التصديق على الصحيفة وهذا حدث معي.  والإمارة قبلوا الفحص دون تصديق خارجية السعودية.

Answer 3

اذا كان عنده احد هناك خليه يرسل الورقه هناك يصدقوها ويردوها له انا راح أسوي نفس الشي ده عشان مافي حل غير هذا الحل او هو يروح يصدقها ويجي

Answer 4

اخ غندر وبقية الاخوان انا عندي استفسار ..دحين جاب فحص السوابق من بريطانيا من بلده وصدقه من السفارة السعوديه في لندن..ايش الباقي؟ وهل يلزم ترجمة الصحيفة ؟ وإذا تلزم الترجمه هل تلزم التصديقات على الصحيفه  الاصيله اللي بالإنجليزي وإلا ورقة الترجمه ؟؟الله يسعدكم فيدوني بأسرع وقت الله يخليكم

Answer 5

مع العلم ان السفارة السعوديه في لندن ختمت على الصحيفه الاصيله

Comments

خليه يصدقها من الخارجيه السعوديه ويقدمها ما اعتقد انه لازم يترجمها

---

عندي استفسار خطيبك سافر بنفسه وأخذ صحيفة السوابق وصدقها ولا وكل احد يستخرجها له ويصدقها

Answer 6

قدم الطلب الكترونيا بعدين وصى ناس  في بريطانيا يستلموها  على بريدهم لأنو مايرسلوها برا بريطانيا بعد كدا سافر هوه بنفسه لانه ماعنده احد في لندن واخدها  لمكتب زي وزارة الخارجية عندنا يعتمدوها  لان السفاره السعوديه قالت لازم هدا مكتب الحكومة يعتمدها اول وبعد كدا راح صدقها من السفاره السعوديه ..

Comments

السلام عايكم
لو سمحتي المكتب هاذا هو legislation office?
هل ارسلها لمحامي اولا وبعدها للمكتب او كيف عمل لانه عندي نفس الشمكلة الان
السفارة طالبة اصدق الصحيفة والحكومة البريطانية ما تصادق عليها
الله يسعدك افيديني

Answer 7

اخرمحمد لو اقدر اقترح عليك انك تكلم السفاره السعوديه في بلدك وتسال اذا كان ممكن توكل احد يروح عنك  لان في الاول هدا اللي سويتوه انا كلمت السفاره السعوديه في لندن وكانوا جدا خدومين ومتعاونين وكانوا ما عندهم مانع لو رسل احد من طرفه بس زي ما قلت اضطر هوه بنفسه يروح عشان ماعنده احد في لندن..

Comments

مشكوره اختي انا أخذت صحيفة السوابق من سفاره بلدي هنا بجده وصدقتها من الخارجيه السعوديه ورسلتها لبلدي ووكلت واحد اعرفه هناك يصدقها والى الان ما رد علي

Answer 8

لمن استفسرت من السفاره السعوديه بلندن عن الورقه اللي جبناها من هنا من السفاره البريطانية في جده قالوا مانقدر نصدق الا أوراق صادره من البلد (بريطانيا) ولكن ان شاء الله ربي يييسر اموركم وبالتوفيق اخويه

Answer 9

السلام عليكم ..اخ محمد  والاخوان بما انك برضه مقدم من إمارة المدينه حبيت أسالك لو تفضلت ايش محتويات الملف الكامل اللي الاماره ماتقدر ترده تاني للشرطه مع العلم انا سعودية وهو مقيم ..
المعروض  / تعريف من العمل والراتب للطرفين / برنت احوال  مدنيه للسعوديه/ هوية الوطنية  للمخطوبه والاقامه بالنسبة للخطيب / إذن من ولي الامر /إقرار موافقة المخطوبة/ إقرار موافقة ولي الامر/ طلب رسمي للزواج / خلو سوابق / تقارير المستشفى/ فحص المخدرات /كشف البصمات /) في اَي شيء تاني  يصروا عليه ويرجعوا الملف لو كان ناقص عشانه قولولي الله يخليكم ..وشكرا
(هل يلزم صورة من جواز الخطيب ؟ )

Answer 10

نعم لازم صورة جواز السفر ساري المفعول .