محكمة الاحوال الشخصية - وزارة الداخلية

Question

السلام عليكم و رحمة الله و بركاته

الحمدلله على نعم الله و فضلة تحولت معاملتي لمحكمة الاحوال الشخصية لعقد القران
اشكر كل شخص في الموقع افادني او ساعدني في اي سؤال
واقول لكل شخص باقي ينتظر موافقة ربي يفرحكم و يتمم لكم فرحتكم يااارب و يسهل لكم معاملاتكم
 
بس عندي استفسار مكتوب صدرت لمحكمة الاحوال الشخصية و تحتها كلمة وزارة الداخلية ايش يعني ؟
و ليه مكتوب وزارة الداخلية ؟ علماً بأن اخو خطيبي قال لبابا المعامله راحت للمحكمه خلاص  
و اي احد حاب يستفسر على شي يسئل و رح اجاوبه ❤

Comments

الف مبروك جود والله يسعدكم ويوفقكم ويتمم لكم ع خيرر..

بعد ماسلمتي اوراق الطلبات للشرطه بجاتك رساله فيها رقم المعامله ولا لازم احد يروح مركز الشركه وناخذ رقم المعامله !؟

انا قالت لي بعد اسبوع احد من طرفك يجي قسم الرجال وياخذ رقم المعامله فبستفسر ايش صار معاكم علمًا انا من جدة مثلك

---

الله يبارك فيكي يارب
قالت لي خلال 3 اسابيع تجيكي رسالة انو وصلت للمحافظة وجاتني الحمدلله بعد اسبوعين ونص رساله من المحافظة

بس بعد اسبوع يروح احد يشوف مدام قاللت لك يجي احد من طرفك

---

خلود ممكن اعرف وش صار عليكم و ايش مشكله التحليا لان عندي نفس الوضع بس بدون معقب

---

ههههههه حبيبتي تزوجت في جماد حكمل سنتين وخلفت كمان  

انا مشكلتي تحليل زوجي عنده انيما الفول مشيناها بمعقب اخذ مننا ١٧ الف والحمدلله بعد ماطلع عيوننا طلعت الموافقه

---

ما شاء الله تبارك الله  الله يبارك لك يارب

طيب تذكرين وش الخطوات اللي مشى فيها المعقب او كيف حل الموضوع لان دايم مشاكل التحليل يعقدوها

Answer 1

الف مبرووووووووووووووووك اخت جود والله يتمم لكم على خير يارب
- كم لها معاملتك من يوم بدأتى فيها  - وكم كان راتب خطيبك بخطاب تعريف الراتب - وايش اخر جهة صدرت منها هل هيه سكرتارية لجنة الزواج ولا غير

Comments

الله يبارك فيك يارب اللهم اميين وعقبال الجميع يارب
معاملتي لها ٥ اشهر بس رسميا بدينا فيها لنا ٣ اشهر و نص لظروف مارحنا اول ماتحولت للشرطه راتبه ٤٧٠٠
معاملتي من المحافظة للشرطه للمحافظة و اخر شي الاماره منها للمحكمه
طبعا مره رجعت من المحافظه للشرطه بسبب شهادة الميلاد و مره من الاماره للشرطه عشان تحليل السموم
لا صدرت من الاماره للمحكمه الحمدلله م راحت الداخلية

---

يسلمو للرد ومليون مبروك اختى الله يتمم لكم على خير وعقبال الجميع يارب امين امين امين اللهم امين

---

الله يبارك فيك يارب و عقبالكم يارب ربي يبشركم و يفرحكم

Answer 2

الف الف مبروك يارب الله يتمملكم على خيييير
وعقبالنا ياااارب
بس ليش مكتوب وزارة الداخليه هذا جديد !

Comments

الله يبارك فيك يارب
ان شاء الله باذن الله عقبالكم جميعاً يارب

شكلو كذا لان لما حطيت نفس رقم معاملتي و غيرت اخر رقم بس لقيت كل اللي معاملتهم تحولت للمحكمه مكتوب كذا
و في كم معامله مكتوب بس وزارة الداخلية

---

انتي معاملتك وين واصله ؟

---

بالداخليه في الشؤون الأمنيه :"( الله يفرجها

---

ربي يفرجها يارب و يسهلكم و تخرج من الداخليه و يتمم لكم علىى خير

Answer 3

الف مبروووك و الله يتمم لكم القعد على خير
حابة اسأل كم جلست معاملتك في الحقوق الخاصة في الأمارة؟
و كم يوم اخذت المعاملة داخل الأماره؟

Comments

اللهم امييين يارب
جلست في الحقوق 3 ايام و في الاماره
تقريبا 10 يوم مع الخميس و الجمعه

---

حبيبتي جود الان معاملتنا في الحقوق الخاصة بالامارة

طبعا رجعت المعاملة للامارة بعد 5 ايام بتاريخ 26/04

تقدري تقوليلي كيف كانت سير معاملتك بعد الخقوق الخاصة
وكم يوم اخذت يوم بعد الحقوق لحد ماوصلت للمحكمه

---

طيب تمام حلو
اخذت بعد الحقوق 3 ايام و كانت خميس و جمعه و السبت اتصدرت للمحكمه
سير معاملتي :  
كانت في اداره القضايا والمطالبات جلست 4 ايام و في الحقوق 3 ايام و و كم ساعه في الوكاله المساعده و 3 ايام الصادر الخطي و تصدرت من الصادر الخطي للمحكمه

احياتا تمر لادارات ثانيه بس م يكتبوها

Answer 4

مبروك . الف مبروك

Comments

الله يبارك فيك اخ بركات و شكرا على مساعداتك ليا طول فترة المعامله

Answer 5

ماشاء الله يا جود والله يتمم لك ع خير

والله فرحت لك واعطيتيني جرعة امل وتفائل

عندي سؤال بالنسبة للي تحولت معاملتهم للأمارة الاسبوع اللي فات متى نقدر نشيك عليها
لان لمن اشيك عليها في موقع الامارة برقم الصادر اللي من المحافظة مايطلع شيء في هذا الموقع

http://www.makkah.gov.sa/inquery/inquery

متى اقدر اشيك ؟

Comments

الله يسعدك يارب و عقبالك تفرحي و تبشرينا بصدور معاملتك للمحكمه

شيكي اليوم تكون وصلتهم تاخذ ٣ ايام و توصل المعاملات بس
اتصلي على الاماره و اعطيهم رقم الصادر من المحافظه اللي يكون ٦ ارقام و يعطوكي رقم القيد من ١١ رقم و فيه تراجعي في موقع الاماره
لان تاخد رقم جديد المعامله في الاماره غير رقم المحافظه تلاقي في الموقع تحت رقم الاماره مو المجاني اتصلي على الرقم اللي بدايه ٠١٢  و اختاري ٠ ويحولك على القسم

---

تحولت الثلاثاء اللي فات و رحنا الامارة يوم  الخميس < قالوا مره بدري ههههه لسه ماتسجلت ومافي اي بيانات عندهم
كذا ابا اسأل متى ينفع اتصل او اسأل عن رقم المعامله ؟

---

مايحتاج تروحي اتصلي عليهم و يعطوكي الرقم اليوم اتصلي تكون وصلت باذن الله تعالى

---

اوكي ان شاء الله ححاول اتصل عليهم ويااااارب :)

---

اتصلت الان وردت علي وقالت معاملتك مامداها توصل اعطيها اسبوع وارجعي كلمينا :(

---

وي غريبه ليه كدا اصبري لبكرا و اتصلي انا تحولت الاحد اتصلت الخميس اخدت الرقم  بكرا اتصلي ممكن تكون وصلت وماتسجلت لسه
لان اول مرا اتصلت الربوع قالي تتسجل المعاملات بعد الظهر و اتصلت الخميس لقيتها تسجلت

---

طيب يصير اتصل عليهم كل يوم بعد الظهر ، الله يعطيكي العافيه

عندي سؤال كم معاملتك جلست في الأمارة من تحولت من المحافظة ؟

---

ان شاء الله .. الله  يعافيكي

 10 ايام من تاريخ 20 لتاريخ 30

---

حبيبتي جود

معليش كثرت اسئلة عليكي

الان لمن رجعت اوراقك لشرطة وكملتو الناقص ورجعو رفعوها للامارة

كم يوم اخذت فالامارة ,,؟؟

---

لا عادي حبيبتي مافيها شي

اخذت 10 ايام تماماً

من 20/4 الى 30/4 و في ناس تاخذ اقل من كدا ممكن 6 ايام

ربي يسهلك و ييسر لك

---

مزون طمنيني وصلت معاملتك للأمارة ولا لسة

---

اتصلت اليوم ع الاماره وقالت لي مافي شيء برقم الصادر؟

هذا اللي مكتوب لي من موقع محافظة جدة "

جهة المعاملة : محافظة جدة
جهة الورود : شرطة محافظة جدة
حالة المعاملة : صدرت إلى امارة منطقة مكة المكرمة برقم ******  في 27/04/1438هـ

الرقم من ٦ ارقام


واخذت الرقم واتصلت عليهم اليوم الصباح يقولون مافي اي معلومات و اشيك ع موقعهم الالكتروني برقم الصادر ومايطلع لي شيء

ما اعرف لو طريقتي صح ولا لا ؟

انا بروح ع دا الموقع
http://www.makkah.gov.sa/inquery/inquery

و البحث برقم القيد الوارد و اكتب فيه الرقم اللي من ٦ ارقام
الجهة : محافظة جدة
السنه ١٤٣٨

ولمن اضغط ع الاستعلام ما يطلع لي شيء !!

---

ايوا طريقتك صحيحة
مارح يطلع لك لما تدخلي الرقم اللي من 6 ارقام
غريبه ليه كذا عندك احد يروح لك الاماره يشيك لك ؟!

---

طيب تمام بس يارب يارب يارب ماتروح الداخلية مره خايفه انها تروح ..

الان انا من تاريخ 21 او 24 رجعها المعقب للامارة يعني ان شاء الله يارب مايجي الاربعاء الا وهي تحولت للامارة ادعولي يارب ..

---

مزون الارقام الصغيرة اعتقد انك تتصلي على الشرطة وتعطيهم الارقام وهم بيعطوكي الرقم الصادر اللي تشيكي فيه بالموقع تبع الامارة بس تاكدي من دي المعلومة

---

جود
لا ماعندي احد في الامارة يشيك عليها
بس انا اقدر اروح رحت الخميس اللي فات و قالت لي ماظهر شيء عندهم وقالت لي بدري اعطيها كم يوم برقم الصادر
ومثل ماقلت لك امس واليوم كلمتهم بالموبايل و قالوا مافي شيء :(

---

خلود
ليش اكلم الشرطة ؟؟

انا اخذت الرقم من المحافظة و لمن اشيك على موقه المحافظة مكتوب انها تحولت للأمارة من تاريخ
٢٧/٤/١٤٣٨

الله يوفقك ويوفقنا أجمعين
وان شاء الله ماتتحول معاملتنا للداخلية وتجي الموافقة بأسرع وقت

---

خلود احنا في جده تروح من الشرطة للمحافظه و المحافظة يرسلوها للاماره مو زي مكة

مزون خليكي وراهم اتصلي لين تعطيكي رقم القيد
غريبه ترد عليكي حرمة انا كل مره اتصل يرد رجال
اتصلي على ذا الرقم
 +966125722727
و اضغطي 0 لاتتصلي على اي تحويله

و شوفي اتصلي بكرا و ربي يسهلك و تبشرينا انتي و خلود بالموافقه

---

هههههههههه والله نسيت لاني ماطولت اواراقي بجدة شهر وانرفضت وكملنا بمكة ..

يارب الله يسهل لي ولمزون وللجميع وربي حاجة تتعب

---

من حقك تنسي والله يلا الحمدلله ربي يهونها عليكم انتي من جدة يعني  ?

ان شاء الله يارب و تبشرونا بالموافقة ان شاء الله

---

ايوا انا من جدة وخطيبي طلع عنده انيميا الفول عشان كذا انرفضت فقدمناه عن طريق معقب قالنا خلال شهر او اقل لكن حسبي الله عليه الان كملنا شهرين .. وماسوا شي غير انه عدلنا بس التحاليل لكن شايفين الاوراق بتمشي عادي بدون تدخل منه عشان كذا خايفه تروح الداخلية.. القهر اوراقنا كانت كامله حق جدة يعني ماجلسنا نطلع اوراق غير بس حللنا بمكه من جديد

---

الله يسهلكم يارب و يبشركم بالموافقة
لا ان شاء الله م تروح الداخليه

---

جود اتصلت عليهم قبل شويه و قالت لي المعاملة تسجلت عندهم بتاريخ ٢/ ٥

واعطتني رقم المعاملة من ١١ رقم
شيكت عليها من موقع الامارة مكتوب الإجراء جديد و الجهة داخلي

---

طيب تمام حلو هما يكتبو جديد بس هيا تكون في اداره القضايا و المطالبات الخاصه اعطيها يومين او 3 و تروح للشوؤن الخاصه و احيانا تمر على ادارات بس بدون م يكتبو  زي معاملتي م كتبو الا في 4 ادارات
و بعدين للمحكمه
ربي يسهلك يارب و ييسرها لكم و تبشرينا بالموافقة

---

خلود و مزون طمنوني ايش صار معاكم في معاملاتكم

---

هللا حبيبتي ..

والله اخر شي عرفناه امس انها توقعت من الوكيل بس جا واحد ثاني قالنا لا عليها ملاحظات ورجعت وما ادري والله

للان انتظر احد يجيب رقم المعاملة عشان اشيك واطمن بنفسي ..

دعوواتك يارب تتسهل

---

هلا جود

والله لسه ماتغيرت الحالة هذا اللي مكتوب لي :
 نتيجة الاستعلام :
- الاجراء: جديد الجهة: داخلي تاريخ الاجراء ٢ / ٥

ان شاء الله خير يااارب مع انه مررره قلقانة

---

خلود لو انتي اتصلتي و طلبتي الرقم احسن لك ولا تستني احد
اتصلي الاحد و اعطيهم رقم الخطاب و يعطوك الرقم .

....

مزون ربي يسهلك باذن الله هانت ان شاء الله على الاسبوع الجاي تتحول معاملاتكم للمحكمة

---

ان شاءالله يا جود

اللي قلقانة منه ماعرف وين حتتحول معاملتي و كم حتاخذ

خطيبي مقيم خارج السعودية ولا دخل السعودية ابدا ومن قدمت المعاملة وتحولت للشرطة  بس اخذو صورة جوازه + ورقة خلو سوابق من بلده  وقالوا مو لازم يحضر
وفي المحافظة اخذو صورة جوازه و معلوماته وقالوا مو لازم يحضر

فما اعرف ايش حيصير بعد الامارة حتجي الموافقة ولا راح تتحول لجهة ثانية وبعدها للقنصلية في بلده وفين العقد يكون ؟

---

لا تتشائمي ان شاء الله خير يارب
 
في الشرطة م قالو لك وين تبغي العقد ! هنا في جدة و لا عنده !

المشكله ماابغى افتي لك لان انتي خطيبك غير مقيم فوضعك مو نفس وضعي
بس ادعي كثييير و ربي يسهلها لك ياررررب

---

لا مو متشائمة بس ابغى المعاملة تنتهي وتجي الموافقه
لا ما سألوني وين يكون العقد وحتى في المحافظة انا سألت الموظفة قالت لي الامارة تحدد
انا ماعندي مشكله وين يكون العقد بس اتمنى تجي الموافقه بسرعه

---

كثري دعاء و ان شاء الله ربي يكتب لك الخير باذن الله
و تبشرينا بالموافقة

---

حبيبتي جود انا ماعندي ولا شي غير رقم المعاملة لمن رجعت من الامارة لشرطة قبل عشرة ايام ..

الشي الثاني المعقب اصلا عنده ناس بمكتب الزواج فالخوف نتصل ويبلغو بتصالنا عشان كذا احنا جالسين نشوف وضعها من بعيد لبعيد فالامارة لان ماعنده احد هناك ..

اخر ماوصلني انها الان بالصادر الخطي من الخميس تقريبا

كانت قبلها  بالوكالة المساعدة للحقوق وثاني يوم او بعد كم ساعه اتحولت على الصادر الخطي

المفروض اليوم تكون تحولت للمحكمه بس طبعا مارح نعرف الا بكره او اذا المعقب ربي هداه واتصل علينا يبشرنا لان مش عارفين رقم جوال مين مسجل

---

اها الله يسهل لك يارب
طيب تمام الحمدلله ربي سهلها لك تقريبا زي معاملتي الخميس كانت في الصادر الخطي و السبت العصر كتبو لي انو تحولت للمحكمه
مبروووووك مقدما حبيبتي
بشريني لما تتحول للمحكة

---

اميين يارب ..

بنصبر ان شاء الله لمن بكره الصباح وبشوف ايش صار

احاول اتصل حتى على الامارة اعطيهم رقم الهوية يعطوني الرقم

---

جود و خلود ابا اسألكم عن سير معاملتكم في الامارة ؟؟

انا مايطلع لي غير
نتيجة الاستعلام :
- الاجراء: جديد الجهة: داخلي تاريخ الاجراء ١٤٣٨/٥/٢ هـ
مو معقولة من الاسبوع اللي فات ومافي اي تحديث !!
انتو صار معاكم كذا ولا غير ؟؟

---

والله حبيبتي انا اوصل لرقم المعاملة وقدعا على الاخير ..

بس للامانة ما اعرف ايش وضعها اتصلي بكره عليهم ضروري تشوفي الوضع ممكن الرقم غلط

---

غريبه مرا طولت و هيا جديد اتصلي عليهم اسئليهم عنها

خلود لو غلط الرقم م بيطلع لها شي المهم اتصلي بكرا و شوفي ايش يقولو لك

---

اتصلت قبل شويه وشيكت برقم المعاملة و تأكدت من اسمي وقالت لي تحت الاجراء
قلت لها من الاسبوع اللي فات ماعليها اي تحديث تقولي يمكن ما تحدثت بس هي موجوده
ما اعرف مره غريبه

Answer 6

لا شكر على واجب. ربي يتمم لكم على خير

Answer 7

جووووووود ابشرك ولله الحمد صدرت الموافقة

Comments

ماشاء الله مبرووووووووك الف الف مبرووك والله فرحت لك زي مافرحت لنفسي
الحمدلله ربي يوفقكم و يبارك لكم و يتمم لكم على خير يارررب

---

الله يباررررك فيكي ياااارب اممين عقبال مزون والباقيين

---

خلووووود الف مبروك حبيبتي
الله يتمم لك ع خير يارب

---

اميييين يارب

---

الف مبروك خلود ربي يسخره لك ويسخرلك له ويتمم اموركم ع خير ..

 ابسالك بعد صدور الموافقه كم يوم ع ماتحولت للمحكمه !؟ و انتو حددتو يوم العقد ولا جاتكم موعد العقد برساله !؟

Answer 8

جود الحمدلله معاملتي وصلت المحكمه .. ربي يسعدك ويوفقك ويجزاك خير .. والله يسهل ويسر لكل ولي وليه يااااااارب

Comments

الف مبرووك الله يسعدكم و يوفقكم يارب