السلام عليكم ورحمة الله وبركاته,
انا ابن مواطنة سعودية متزوجة من والدي(بحريني الجنسية)ومقيمين فالبحرين لأكثر من 30 سنة, في كل مرة تسافر امي الى السعودية لزيارة اهلها تواجه مشاكل في طريق العودة الى البحرين, يطلبون منها الجوازات السعودية عالجسر قبل دخول البحرين تصريح فال"نظام", المشكلة الوالد بحريني و مسن وصعب عليه السفر ولا عنده رقم سجل مدني وسمعت من احد اقاربي(خليجي ومتزوج من سعودية) وهو يواجه مشكلة مشابهة ان حتى لو كان عنده رقم سجل مدني وسجل في ابشر اسم زوجته مايظهر فخدمة ابشر ولا يقدر يصدر لها تصريح سفر عن طريق ابشر, ف يضطر يزور مكتب الجوازات فالدمام لاصدار تصريح فالنظام يسمح لزوجته بالسفر.
المشكلة ان ابوي مايقدر يروح السعودية لأتمام هالاجراء, عندنا تصريح ورقي صادر سفارة المملكة فالبحرين يسمح للوالدة بالسفر (ساري حتى انتهاء جوازها) لاكن جوازات جسر الملك فهد يرفضونه لما امي ترجع البحرين ونضطر ندخل مكتب الجوازات ونشرح الموضوع كله علشان يوافقون لها ان تدخل البحرين.
هل يقدرون السفارة السعودية فالبحرين ان يدخلون التصريح في نظام الجوازات ؟ , اتمنى تفيدونا جزاكم الله خير
