السلام عليكم ورحمة الله وبركاته
اخوكم يمني مواليد السعودية مولود بالطائف واعمل في جدة وخطيبتي من سكان الطائف
تقدم ابو البنت بخطاب لمحافظة الطائف وارفق خطاب يفيد برغبته بزواج ابنته مني ثم تحولت المعاملة لشرطة الطائف وهناك طلبوا أوراق المخطوبة من تعريف سكن، تحليل زواج.. الخ
خطيبتي كملت جميع أوراقها وعملت التحليل وطلع تمام الحمدلله
أبو البنت راح راجعهم واعطوه ورقة فيها رقم المعاملة واعطوه قائمة بالأوراق اللي انا لازم اجيبها وتحول ملف المعاملة إلى شرطة جدة وباقي الدور عليا اني اكمل أوراقي
الورقة مكتوب فيها:
شرطة جدة
٥٣٤٢ع
١٠/٢٦/١٤٣٨
الأوراق المطلوبة مني زي ما كلموا ابو البنت في الطائف:
1- صورة الإقامة
2- صورة زواج السفر
3- صورة شهادة الميلاد مختومة ومصدقة بتاريخ حديث
هنا عندي سؤال بخصوص شهادة الميلاد هل لازم اختمها واصدقها من مصدرها الطائف أو ينفع من جدة وهل لازم تكون طبق الأصل؟ وهل اروح اصدقها أو اختمها على طول بدون اي خطاب من جهة معينة؟ ممكن توضيح منكم
4- تعريف بالسكن من العمدة
5- تعريف بالراتب مختم من الغرفة التجارية
هنا عندي سؤال بخصوص تعريف الراتب يكون موجه الخطاب إلى أي جهة؟ شرطة جدة ولا امارة جدة ولا مين بالضبط؟
6- مشهد من القنصلية اليمنية بأن المذكور لا يوجد لديه سوابق
هنا عندي سؤال لو رحت القنصلية اليمنية هل يعطوني المشهد على طول ولا لها إجراءات معينة؟ وهل لازم يكون مصدق من الخارجية؟
7- تحليل الزواج
هنا عندي سؤال بخصوص التحليل اروح فين وهل لازم يكون معايا خطاب موجه إلى مركز التحليل؟
...
عندي سؤال بخصوص بصمات الأدلة الجنائية متى اسويها وكيف آليتها؟
الحين المعاملة متى توصل شرطة جدة عشان اروح لهم ؟ واي مقر شرطة بالضبط اروح؟
في مشكلة لو المخطوبة كملت جميع أوراقها من الطائف وبعدين تحولت إلى جدة وانا اكمل أوراقي من جدة ولا لازم نكون كلنا في نفس المدينة؟
سامحوني الأسئلة كثيرة احس نفسي ضايع وابغى احد يدلني على الطريقة الصحيحة وما خاب من استشار
اسأل الله ان يوفقنا وإياكم ويجعل مساعدتكم لي في ميزان حسناتكم
