الداخلية مهم جدا

Question

معاملتي راحت للداخلية من شعبان وللآن مافي اي خبر عنها
بس يقولو ماشية مع انو الخاطب مواليد السعودية وفِي من أهله سعوديين ..
رحنا لهم في الرياض وقالوا عشان سرية مانقدر نعرف رقمها ولا شي عنها
بس اموركم تمام ويمكن اتحولت للإمارة او المحكمة ..
الان في ورقة اعطونا هيا لما رحنالهم عن سير المعاملة وأنها راحت للأرشيف
ولما ادخل رقم القيد المكتوب عالورقة يقولي المعاملة في حفظ دائم !!!
انا اتفاجات وخفت ممكن خلاص مافي امل ..
حابة احد يفيدني لو اتكرمتوا وهل فيه امل او معناته خلاص ..
وربي يعطيكم العافية

Comments

ليش في حفظ دائم
هل الشروط كلها متطابقة اختي

---

كم عمرك؟  احتمال عشان العمر اترفضت

---

لا تمام فوق ٣٠

---

ما اعرف بس كل شي تمام وكامل ونفس الموظف قال معاملتكم ماشية

---

اقصد الزوجه كم عمرها

---

عمرها ٣٠ سنة

---

العمر مناسب جدا

---

مرحبا
ممكن سؤال كم جلست المعامله في الشئون الامنيه بصادر برقي سري لانه انا معاملتي نفس الشى صاربها اسبوعين هناك ارجوكم افيدوني عشان اعرف متى اؤاجعها او اراجع المحكمه

Answer 1

اذا جاتك حفظ دايم معناها اترفضت

ومالك الا تبدا كلشي من جديد

Comments

يلا مافي مشكلة والعوض عند ربنا

Answer 2

بس انا اعتقد انو المعاملة ماشية
وكل معاملة تجيهم يكون لها نسخة محفوظة في الارشيف ( الله اعلم )
لانو الورقة هذي أعطاه هيا موظف الارشيف بالداخلية
وقالوا عندي مبين انهاماشية لكن بدون رقم
 ولا شي وانتظرها او اسال عنها بالامارةً ..
وربي يعين ويساعد

Comments

اختي كم رقم معاملتك.  معاملات ٧ شعبان ما فيها حفظ.  انا متابعها كلها تقريباً.  والحمد لله اغلقت معاملات كثيرة وتحولت للامارات والخارجية.   اذا معاملتك ٧ شعبان علميني وانا ابحث لكي عنها.

---

معاملتي تحولت من ٢١ شعبان في الصادر السري
مالها اي رقم او قيد

---

اختي لابد اي معاملة تصدر من الامارة يكون لها رقم صادر.  هذا الرقم تعطيه للداخلية يعطوكي رقمها في الداخلية وتتابعي به المعاملة.  
لابد من رقم.   حاولي تشوفي كيف تحصلين على الرقم.  هذا طبيعي ومن حقك.

---

لا حتى هنا كمان نفس الطريقة الي تتحول صادر سري مالها رقم
ويقولو مالك الا الانتظار ..
لدرجة رحنا الداخلية في الرياض عشان رقم القيد وبرضو قالوا مانعرف شي
ومانقدر نقول شي بس قدامنا معاملتكم ماشية وراحت كم قسم
ويمكن راحت الإمارة او المحكمة روحو شوفوها ..
والموضوع ماعرف كيف بس اتمنى انها تفرج يااارب

---

بس الشي الي محيرني انو لما رحنالهم الداخلية
 اعطانا الموظف ورقة عن بحث عن معاملة
وكان فيها رقم قيد ولما ابحث عنه على موقع الداخلية
يطلعلي حفظ دائم .. ومستغربة

---

واذا ممكن تشوف الموضوع برقم القيد الي اعطانا هو الموظف
اكون لك من الشاكرين

---

اخوي انت تقول المعاملات من شهر ٧ اغلقت انا معاملتي من ١٦/٧ والى الآن تحت الاجراء ايش تعتقد السبب علما انها رجعت للمره الثانية بسبب النواقص وكملناها يعني دحين قربت سنة وايش نسوي في الحالة هذي

---

لا اختي انا قلت معاملات شهر ٨ فعلا أغلق منها الكثير. وانا معاملتي مثلك تماما تقريبا صار لها سنه ورجعت علشان النواقص وكملناها ورجعت الداخلية في شهر ٨ يعني بعد منك والى الان ما اغلقت.  نقول خيرونسأل الله الفرج.

طيب هل اغلقت عندك او لسة.

---

الحمدلله اتحولت للمحكمة
واصلا ماراحت الداخلية على طول عالمحكمة بس صدورها في البرقي السريً
ورحنا المحكمة ولقيناها .. الحمدلله يااارب
ويارب تفرج معاكم

---

السلام عليكم ممكن اعرف كم تاخذ وقت المعامله تتحول من الأماره للداخليه

Answer 3

تاكد من رقم القيد

ممكن الرقم غير صحيح  او التاريخ

Comments

كلو صحيح .. لكن رقم القيد هنا الأشكال لانه صادر سري
ومافيه رقم قيد ..

Answer 4

اغلب المعاملات اللي تروح البريد السري تروح بدون رقم راجعيهم برقم السجل المدني  تبعك . اتصلي ع الشئون الامنيه أعطيتك قبل فتره التحويلات تبعهم وأعطيه رقم سجلك وهو حيدور او انك اتصلي ع الاماره وقولي لهم يشيكو برضو برقم سجلك المدني جربي دي الحركه يمكن راحت المحكمه وانتي ماتعرفي

Comments

عارفة واتصلت عليهم وماخليت رقم وحتى الإمارة ولدرجة رحنالهم الرياض في مقرهم الرئيسي ولا في فايدة الشؤون الأمنية مابيردو ابدا حفيت وراهم كل يوم اتصل ومافي فايدة والارقام الباقية وحتى حقون المساعدة اتصل و أقولهم برقم الهوية اي شي يقولو مانعرف ومالنا دخل الا اذا عندك رقم قيد نطلع فين معاملتك ومافي اي تجاوب .. اتمنى بس يقولو في ولا مافي عشان اخلص الانتظار جدا متعب ومؤلم ويجيب اكتئاب والنفسية عدم وأفكر انا اخلص من الموضوع كلو مدام مو باين له اي طريق ولا خبر ولا اي شي ..

---

والله حاسه فيكي الانتظار من جد شي صعب . بس برضو خلي عندك أمل هما مشكله الشئون الامنيه مايردو الا بطلوع الروح جربي تتصلي عليهم بدري مرا الصباح اول مايبدء دوامهم  . تعرفي ايش ماقدامك غير انك تكلمي معقب يروح الشئون الامنيه ويشيك عليها بس خلي المعقب اخر احتمال اتصلي عليهم الصباح بدري وان شاء الله يردو عليكي

---

أسبوعين وراء بعض من النجمة على قولتهم ٨- ١ وانا اتصل عليهم وبعد كم اتصال يعطوني مشغول الين ساعة ساعتين وارجع كدا كل يوم الين مليت ولما تضغطي 0 حقون المساعدة مايعطوك اي وجه وماعندهم اي كلام الا برقم القيد واهو بننتظر بس ماراح أطول كتير اذا هما بيمرمطوا الواحد عشان موافقة تعبت عن جد ..
واذا تعرفي رقم معقب كويس للشؤون دليني عليه اي شي بس افهم هل في امل او لا ..
ويسلموووو مرررة ماقصرتي معايا

Answer 5

الحمدلله وبعد طول عناء جات الموافقة .. وربي يجزاكم خير
شكرا لكل من أعطاني ولو كلمة وربي يوفقكم ويسهلها عليكم

Comments

الف الف مبروووووووك وعقبالنا يارب

---

ألف مبروك الحمدلله رب العالمين
الله يوفقكم و يسعدكم و عقبالنا

---

ما شاء الله تبارك الله

ربي يتمم لكم أموركم على خير

---

ماشاء الله تبارك الله
متى جات الموافقه
انا معاملتي من تاريخ 22-0-1438

---

اقصد معاملتي من تاريخ 22-8-1438

---

اللهم ااامين ياااارب تسلموووو
وعقبالكم يااارب وربي يسهلها لكم وتكون ميسرة وتفرحوا

---

الموافقة جات من رمضان وأتحولت المحكمة ..
من تجربة اي احد اتصدرت معاملته او راحت البريد السري ومايعرف عنها شي يراجع المحكمة  واحتمال كبير تكون هنااااك
لأنهم ماصاروا يقولوا في الإمارة شي فالافضل تراجع بنفسك ..
موفقين يااااااارب

---

الف الف مبروك تستاهل الخير فرحتنا

---

الف مبروك والله مرا فرحتلك
يارب يسعدك ويتمم لك ع خير
والله قلتلك شكلها تحولت للمحكمه وانتي ماتعرفي
بس الحمدلله ربي سهلها

---

الله يبارك فيك ويسعدك ياااارب
اللهم ااامين
دعيتلك من قلبي ربي يسعدك زي ماوقفتي معايا وييسر امورك يارب
الحمدلله يااارب على كل حال