مجرد فضفضة

Question

السلام عليكم
انا ماعندي اسئلة او استفسارات لكن حابة افضفض لاني مقهورة ومافي مكان انسب. من هنا
الكل يكرهنب وينبذني هنا لمجرد اني مقيمة والكل ينظر لنا اننا خطافين ارزاق وزاحمنا السعوديين على بلدهم
بينما لو بنظر للواقع الكل يطلب سعوديين ومحد يوظف اجانب ايش سر الحملة العنصرية من السعوديين ضدنا؟
حتى احنا ابناء المواطنات ماسلمنا منهم بتويتر بالهاشتاق الخاص فينا كلهم يقولون حتى لو امك سعودية مالك حق وانتي تبع بلد ابوك وانقلعي بلدك وسب وعنصرية
ومو بتويتر بس حتى بالواقع كم وظيفة اقدم عليها وانرفض بحجة اني لست سعودية
طيب وين قرارات مساواتنا بالسعوديين بالقطاع الخاص كله كلام على ورق ومحد يوظف الا سعودين فقطططط وندخل تويتر نلقاهم يقولون الاجانب خذوا مكاننا؟؟
طيب انا لو بيدي ارجع بلد ابوي والله ارجع بس امي مريضة وعايشة هنا كيف اتركها لحالها
يعني يرضي مين يضيع العمر بدون وظيفة عشان شي مالي ذنب فيه؟
والله احيانا اكره امي وابوي انهم تزوجوا
محد راضي يوظفنا محد يتزوجنا محد يقبل فينا منبوذذذين
الاجانب حالتهم ارحم بس لما يكون عندك جذر سعودي هنا مرتبط فيه (الام) صعب تقتلعه وترجع والحل تقعد تشوف حياتك تضيع ومنبوذ
والحين طلعوا بقرار التوطين مبدئيًا ينسف اي شي لنا يعني سعوديييين فقط
حسبي الله ونعم الوكيل بس

Comments

أختي العزيزة تذكري أن آلله سبحانه وتعالى إذا أحب عبدا ابتلاه ،،ولاتنسي انها دنيا وسميت دنيا لأنها أدنى درجات الدناء ولا تسوى عند آلله جناح بعوضه ،يعني ما تسوى الواحد يزعل نفسه لغرض من الدنيا

---

للاسف فضفضه في غير محلها ..

ريحي راسك ولاتدخلي تويتر

مابيجيك الا اللي ربنا كاتبه لك

سواء كان اللي تكرهينهم ابوك وامك او غيرتيهم

نصيبك ورزقك ربك كاتبه لك

إن الرضا يفرغ قلب العبد ويقلل همّه وغمّه فيتفرغ لعبادة ربه

تحياتي ..

---

اختي الكريمه ..

مو لازم تقرين التعليقات السلبيه ترى في ناس تناقز على قله معنى
وفي ناس مبسوطه ومرتاحه
تحياتي ..

https://twitter.com/jameela_30/status/756029762460590080

Answer 1

اللہ یعین کلنا و بس..
لیا سنه  ادور وظیفه  بس ما فيه

Answer 2

اعترض على كلامك اختك العزيزة رغم ان اللي قلتيه فيه نوع من الصحة
وماحد يقدر ينكر كمية العنصرية اللي في المجتمع لكن هذا لايعني التسخط فالفقر والغنى موجود في كل المجتمعات وممكن يكون هذا ابتلاء بل نجد كثير من السعوديين انفسهم في حالات لايعلم فيها الا الله .... الله طلب منا العمل بالاسباب والارزاق بيد الله .......... ولاحظت ناس مهما ابتلوا في هذه الدنيا فهم صابرين محتبسين لان عارفين انها دنيا فانية ماتستاهل كل هذا الزعل وعندا لله مافي شي يضيع ......... بس هذا لايعني انك ماتجتهدي وتعملي وتطلبي الاسباب وسوف يجعل الله لكي انشاء الله من كل ضيق فرجا ..........
اسال الله العلي القدير ان يفرج كرب المكروبين
والله الموفق

Answer 3

يمهل ولا يهمل

Answer 4

على فكره العنصريه بس عندنا شوفي كل البلاد عادي عندهم واخدين من جنسيات مختلفه وبالعكس شي بفتخرو فيه وبالنسبه للوظائف هالكلام غير صحيح انا قرايبي متزوجين من برا وكلهم متوظفين لان كل اولاد السعوديه ينحسبو سعوديين والرزق على الله ولو بتحطي في بالك كلام الناس ولاعمرك بترتاحي الناس ما يهمهم كنتي مبسوطه ولالا نصيحتي ارمي كلام الناس ورا ضهرك !

Answer 5

ياحبيبتي لا تلفين مدرستين وتقولين مالقيت انا وانا سعوديه ومتخرجه بامتياز جلست سنه في البيت واشتغلت براتب ١٦٠٠ ووحدو رواتب المدارس الاهليه لسعوديات ٥٦٠٠
ومع ذلك ماتجيني كامله ياخذ منها المالك ولا يفصلنا ومع ذلك ادفع
وحده من اقاربي بنت مواطنه وتشتغل في مكياجي وراتبها ٣٠٠٠
واختها في مشغل واختها الثانيه باستقبال مستشفى وهي تخصص رياض اطفال وماشاء الله مبسوطين
جربي تروحي الاسواق اذا اهلك عادي او اشتغلي بمشغل او معهد مو لازم على نفس تخصصك
او سوي لك حساب بالانستقرام ونمي موهبه عندك وبيعي
وان شاء الله ربي بيفرجها عليك

Comments

اشتغلي معلمه خصوصي متابعه وامسكي لك طفلين ابتدائي وخذي على النفر ١٠٠٠
ولا شوفي لك حضانه اشتغلي فيها

Answer 6

مع الاسف اننا في اكتر المجتمعات عنصريه. والعنصريه المقصوده هي عنصريات الجنسيات مع انو نشترك مع الجميع بالدين قبل اي شي والعروبه ثانيا لكن تبقى العنصريه موجوده وكمان تلاقيها بين السعوديين انفسهم حضر وبدو،  الحجاز ونجد وغيرها. الواجب علينا انو ما نحسس السعوديين اننا اقل منهم او اننا ناقصين لانو هادا الي خلاهم يتمادو. بالعلم والاجتهاد بنسير احسن منهم وانا اديكي اختي الفاضله مثال، شوفي كيف يحترمو المقيمين اصحاب المناصب في الشركات وخصوصا الخواجات زي الامريكان والبريطانيين ما يقدرو يقولو عنهم شي مع انو رواتبهم 10 اضعاف رواتب السعوديين محد يقدر يقول عنهم اخدو رزقنا يعني بالمختصر عايشين في البلد احسن من المواطنين انفسهم ولكن فرضو احترام الاخرين لهم لانو ما قللو من نفسهم او ومن امكاناتهم ودايما محسسين السعوديين انهم في حاجتهم وبدونهم ما يقدرو يستمرو. الله يحسن الحال عالجميع ودايما نتذكر انو أرض الله واسعه والرزق من الله والبحث عن بلد اخرى للعيش هو واحده من الحلول لكل شخص فقد الراحه او احس بالظلم او العنصريه. والله المستعان.