السلام عليكم ورحمة الله وبركاته
أخواني انا لي مقدم على نقل الكفالة من 24/4/2013م
وكنت أخذ زوجتي لقسم النساء كل اسبوعين تقريباًولم نجد حل لتأخر المعاملة.
لكنني يوم السبت ذهبت إلى المقدم عصام الجهني مكتبه بجانب الشئون القانونية وهو مسئول العلاقات لقسم النساء والله انه محترم وملتزم ويحب النظام. اللي يدخلون عليه بالدور أو عن طريق تسجيل أسماء وينادي على كل إسم بالدور.
المهم دخلت عليه يوم جاني دوري وشرحت له القصة قاللي في لستة أسماء خارج المكتب معلقة بالخارج تقدر تشوف أذا فيه مشكلة معينة يوم تلقى أسمك...
وفعلا شفت الورق ولقيت بجانب إسمي كلمة ( شيك )
رغم أنني مسدد المبلغ نقل الكفالة وتغيير المهنة عن طريق سداد فرجعت له مرة أخرى وقال لي سوي شيك مصدق من البنك لمؤسسة النقد العربي السعودي بمبلغ 1000 ريال لتغيير المهنة وجيبه لي علشان أعطيك نموذج وأوقعلك عليه وتروح تسددها بصندوق الجوازات وفعلا رحت له اليوم ووقعلي على النموذج وسلمت الشيك لصندوق الجوازات واعطوني سند بإستلام الشيك وطبعا معاملتي كانت موجوده عن المقدم عصام وطول هالمدة حرمتي تسأل موظفة الجوازات تقلها معاملتك ماشية إذا ما لقيتي إسمك أو أسم زوجك.
على العموم الحمد لله خلصت هذه الإجراءات وقاللي تروح على نقل الكفالة بس أعتقد أنه النظام معطل لحين روح هناك وشوف متى بيرجع مسكت بالدور عن طريق الكراسي ولما وصلت عند الشباك قاالي موظف الجوازات انه النظام معطل لزوج المواطنة وأبناء المواطنات.
إن شاء الله بكرة بروح على نقل الكفالات وأردلكم خبر بإذن الله وأسف على الإطالة بس والله إني أرتحت يوم لقيت معاملتي وسويتها بنفسي وسلامتكم.
