مافي احد منهم صادق !!!
وزارة الداخلية مافي واسطه الا عن طريق الوزير ومكتبه ..
ممكن الواسطه بس للاستثناء ... وهذي قليل جدا جدا جدا !!
يعني يوجه الوزير او الامير باستثناء العمر فقط او المرض عشان تقبل معامله
لكن مرجعها ممكن تترفض لعدم توفر الشروط ويقولك الباحث الاجتماعي قرر هالشي
باقي المعقبين لعبته كلها يقولك سجل رقم جوالي بعد ماتقدم الاوراق ..
بيقولك سويت وفعلت وهذهي ماشيا وهو اصلا عارف الاجرائات بس ..
وبعضهم يقولك انا اقدم اوراقك ... هذا كذاب لانه مقدمها بالانترنت .. لو يروح الاماره يطردونه ...
معاملات الزواج في الاماره مايسمحون للمعقبين اطلاااقاااا
نصيحه نصيحه اذا عندك معاملة انت طرف السعودي ... لازم انت بنفسك تراجعها .. سيستم الاماره معاملتك مع معاملات ..
الا اذا حضرت بنفسك وقتها تروح انت مع مراسل لمكتب الوكيل للتوقيع بس .. الوكيل يشوفك يوقعها ... اذا انت مش موجود
المعامله تمسك سرا مع باقي المعاملات ... حتى يفضا الوكيل ويوقعلكم معاملاتكم ...
طول الاجرائات شي طبيعي .. بسبب .. انو يعرفون انكم لازلتو جادين او لا .. قسم الحقوق الخاصه مافيه شي اسمو معاملتي تعطلت
لان جميع معاملات الوضع طبيعي فيها تاخير ...
لاتتوقع انك بتشرح وضعك وبيوافقولك .. مافي هالشي .. الباحث الاجتماعي يبي اي سبب
عشان يرفض معامله .. يعني مثلا والله الولد عايش بدبي وعمره اقل من 30 .. بتنرفض عادي
لو والله الولد تزوج وجاب بنت واحنا خايفين على البنت .. عادي بتنرفض انتظر خمس سنين ..
الامراض ماتساعد اذا كانت تشفا منها .. واذا تم رفض معاملتك وقدمت ثاني لاتكتب ان سبق لك التقديم ..
لان بتروح معامله وبترجع وبيقولك وش سبب الرفض ...
وبالاخير كل معامله لها مسار خاص .. عليهم ضغط ودوها قسم الاحوال الشخصيه او سكرتارية الزواج
وفي معاملات تتحول للشؤون الامنيه .. الزواج اسهل وسيله لتجنيد المواطن .. لاتتسهلو الامور ..
تاخذ في الشؤون من ثلاث شهور الى سنه ومافي احد يدخل هناك عندهم يعقب .. معاملتك تطلع هناك برقم صادر
وبترجع برقم وارد ... بيجيك مسج اذا انت رقمك مثبت عندهم بالداخليه .. برنامج الصادر بالداخليه مربوط برقم الجوال
ماتتصدر الا لازم يعبي رقمك ... لكن احيان تكون المعامله ورقه بس فيها عدة اسامي .. هذي احيان مايجيك .. وهذي اصعب شي
لان الاماره يلقا اسم معاملة باول اسم في القائمه .. لكن الداخلية يبين معهم .. وقتها موظف الامارة مو موظف الوارد
هو اللي عارف السالفه ..
اذا حذفوك على الاحوال المدنيه ... الله يستر عليك ... دعواتي لك بالنجاح ولكن اعرف انك ضعت الحين بينهم ..
الداخل مفقود والطالع منها مولود .. لكن اذا طلعت منها معامله للداخلية .. اقدر اقولك مبروك .. امورك طيبه ..
اذا نقصت اوراق ماحد بيكلمك في الداخلية .. معامله تغلق وتتصدر للاماره ولاكمال نواقص ..
وتاخذلها شهرين في الدوره هذي التصحيحيه ,,,
لاتتفلسف كثير بالمعروض .. ابتزوج من فلان وبس .. قرقر واجد مايحبون لان كل ماكثر الكلام .. كثرت الاغلاط
سبق لك زواج بدون موافقه .. ليش ؟؟ جواب واحد بس بس بس اللي هو جهلا بالنظام ... غير كذى بيردون ليكون عبره لغيره ...
لماذا ترغب بالزواج من غير سعوديه .. سبب واحد بس بس بس كثرة الديون وغلاء مهور .. حتى لو راتبك عشرين
اكتب كثرة الديون ... اذا انت من اصحاب السمره البشراء ( الخوال ) اكتب لرغبتي في تحسين النسل وهم بيفهمون ...
اصحاب الامراض المزمنه تقريرك لازم يكون قوي قوي لان بتروح مستشفى حكومي وانت تتحول معاملتك على لجنه طبيه ..
اللي جاه رفض معامله .. لاتعصب ولا تسب الحكومه ... قدم من اماره ثانيه .. او انتظر فتره وقدم ثاني من نفس الاماره ..
السجلات ماتحفظ تروح للارشيف وتبقا بس ارقام صادر ووارد باسمك ...
اصحاب الوزن الثقيل .. وزنك ماهو سبب للزواج .. انت عطيتهم سبب يرفضون معاملتك .. لو بدون هالسبب كان معاملتك مشت ..
تذكر لذة موافقه الزواج بعد صدروها يكون طعمها غيررررر : )
