الوالد والوالدة غير سعوديين وانا سعوديه اش الطرق لكفالتهم

Question

السلام عليكم
الوالد عمره فوق ال70 والوالدة فوق ال 50
وهم غير سعوديين
وانا سعوديه واريد ان اكفلهم او اجعلهم مرافقيين ما ادري اش المطوب وهل يوجد هالشي ..
علما ان اختي حاولت تسوي معاملة اعاله ورجعت بالرفض من الجوازات . ما ادري لماذا رفضت .. هل لها شروط معينه كوجود ابناء ذكور او انها لازم تكون موظفه .. ارجوكم انتظر ردكم للاهميه

Answer 1

نعم تقدر
بمهنة ( ام مواطنه)

الطلبات
إقامة الأم والأب.
جوازات السفر.
خطاب تنازل من الكفيل الحالي
صورة بطاقة وشهادة ميلاد البنت الا هيا انتي.
صورة من عقد النكاح للأم والأب أو أي شي يثبت الزواج.
صور شخصية للوالده والوالد.
وأذا فيه صك أعاله يكون أفضل.

تجمعني جميع الأوراق الا ذكرتها وتروحي للجوازات ويرفعو لك المعاملة.
بقلك شغله لازم تتكلمي يعني تدخلي على مدير الجوازات وتشرحي الوضع انه مالهم الا الله من بعدك وتقولي الا بخاطرك  يعمي لاتنزلي من الجوازات الا وانتي معاكي خبر اكيد وان شاء الله تتسهل امورك


راح تكون لهم أقامه مستقله بدون دفع رسوم الدوله تتحملها الرسوم

اسئل الله ان يسهل علينا وعليكم يارب وتمشي الأمور

جارتنا سوت نفس المعاملة وانا كنت شاهد في المحكمة انها هي المعيله لامها والحمد لله الان عندها إقامة مستقله بدون رسوم.

وان شاء الله تبشرينا بالأخبار الزينه.
 لازمي الاستغفار في كل أوقاتك وراح تشوفي العجب.

دعواتك في ظهر الغيب