افيدوني جزاكم الله خير

Question

انا ليا سنة وعليها مقدمة معاملتي راحت الداخلية كل شي وبعدين رجعت انو في ورقة ناقصة للامارة ومن الامارة للشرطة تاني والشرطة لقيت الورقة ورجعتها للامارة السوال
انا الوالد اتوفى من اسبوع قبل ماتجي الموافقة وكمان كنت اراجع من موقع الامارة الاقي معاملتي اليوم الخطيب راح لقيها تحت الاجراء من اسبوع في الامارة لاكن لمن افتح الموقع البيانات غير متاحة وفي الداخلية حالة القيد مغلق لاكن بدون رقم صادر ايش الاجراءات المتبعة في حالة وفاة الوالد وكمان معاملتي فين راحت انا سعودية والخطيب باكستاني مولود في السعودية

Answer 1

اي محافظه انتي اذا توفي تجيبي شهاده وفاه معك وينوب عنه أحد من الأقارب كالاخ والعم مغلق يعني خلصت لازم تكلمين اماره يعطونك رقمها متي تتحول محكمه

Comments

اليوم خطيبي كان في الامارة لقيها تحت الاجراء كل هاذا الوقت من رجعت من الداخلية وهيا عندهم مغلق امارة مكة يعني مرة وضعي ملخبط ومالها رقم صادر يعني كانها مو موجودة

Answer 2

انا معاملتي كانت تحت الاجراء في الامارة و في الداخلية يقولولي انها خرجت من عندهم و لقيتها في المحكمة
روحو المحكمة اسالو ان شاء الله تكون هناك
ربي يسهلك

Answer 3

عظم الله اجرك وغفر الله لابوكي اسال الله العظيم ان يجعله من اهل الجنه ويرزقه الجنه بغير حساب ..
ارسلي رقم المعامله من جوال STC الى الرقم 871111
بيجيكي المعامله اخر شي في اي قسم او فين اتحولت .. او الصباح اتصلي على رقم الاماره 0125722727
عادي اذا ما عندهم رقم الصادر الموظف يعملها بحث عندهم  للمعامله برقم هويتك او رقم هوية ابوكي الله يرحمه .. الله ييسرلك امورك يا رب دعواتنا معاكي والله يصبرك على فقد ابوكي الله يرحمه

Comments

امييين يارب الله يرحمه ويغفر له ان شاء الله حتصل عليهم الصباح واشوف وضعها

Answer 4

وبالنسبه لوفاة ابوكي الله يرحمه خلاص معد يحتاجون لا توقيع ولا اي شي .. لما تجي الموافقه باذن الله وتكون المعامله فالمحكمه ولي امرك اللي عنده صك الولايه عليكي هوا يعقدلك فالمحكمه وبس
لا تشيلين هم من الناحيه دي الله يسسرلك امورك يا رب

Answer 5

عظم الله اجركم والله يجعل مثواه الجنه يارب

Answer 6

موقع الإمارة تحت التحديث لا تقلقي اختي الف مبروك مقدما