معاملتي في امارة مكه ادارة الحقوق الخاصه

Question

معاملتي في امارة مكه زواج سعوديه من يمني مولود في السعوديه
لها 10ايام ودحين لها 4ايام في قسم ادارة الحقوق الخاصة بإجراء تأشير كنها طولت في ادارة الحقوق تبع الاماره ومتى تتحول على المحكمه ؟

Answer 1

السلام عليكم .. معليش ابغى اسألك كيف تستفسر عن المعامله في الاماره ؟ انا معاملتي صارلها 4 ايام عندهم ولما استفسر بالرسالة النصيه مكتوب انها معامله جديده ومحاله الى .... وباقي الرساله فااضيه انت يطلعلك كذا ؟
ولما استفسر من الموقع يطلع لا توجد بيانات
ولما استفسرت من برنامج امارة منطقة مكه حملته من الاب ستور يطلعلي معامله جديده فقط بدون اي بيانات

بس لما اخذت رقم القيد منهم قالو انها في ادارة القضايا والحقوق الخاصه
كم تجلس في هذي الاداره ؟

وشكراً

Comments

شوفي ي اختي الموقع والتطبيق معلق
مافي حل لي الاستعلام الا انك ترسلي رقم القيد الى 7111 من رقم STC
ايوا حتى انا في البداية م كان يطلعلي شي عشان المعاملة جديده يمكن تاخد حق اسبوع من يوم وصولها بعدها تستفسري يطلعلك وين وصلت
بنسبة لي ادارة القاضايا والحقوق الخاصه قعدت 7ايام والحقوق الخاصه لها 4ايام الين دحين

---

ايوا يمكن لانها لسى جديده ما تطلعلي البيانات ان شاءالله برجع اشوف الاسبوع الجاي ..
انا زي وضعك خطيبي يمني من مواليد السعودية خبريناا باللي يصير معاك اذا راحت للمحكمه او للداخليه

وبإذن الله تروح المحكمه

---

ان شاء الله يارب يسهلي ويسهلك ربي ويسهل للجميع

Answer 2

بالنسبة لسؤالك قرأ في احد التعليقات ان المعامله اذا كانت من ادارة القضايا والحقوق الخاصة الى الحقوق الخاصة الى الوكالة المساعدة للحقوق الى الصادر الخطي هذي بتروح للمحكمه بإذن الله

وفيه فرق بين الصادر الخطي والصادر العام والصادر البرقي السري

الصادر الخطي : تروح من الاماره للمحكمه ع طول .
الصادر العام : تروح من الامارة للداخليه او من الامارة للمحكمه بعد ما تكون رجعت وخلصت من الداخليه
الصادر البرقي السري : تروح للشؤون الأمنيه في الداخليه

اتمنى اكون افدتك .

Comments

يعطيكي العاففيه على معلومتك وان شاء الله ربي يسهلي ويسههلك ويسسسهل لكل المقبلين وتتتحول كلنا ع المحكمه دغري

---

الله يعاافيك يارب ..
الله امممين

---

اللهم امين ***

---

معليش ايش يعني صادر خطي  وصادر عام معاملتي في الادارة العامة للحقوق الخاصة ب اجراء تاشيره هل ممكن تروح الداخليه او تتحول المحكمة

Answer 3

بالعكس كل ماطولت كل ماكان أفضل وخلاص ان شاء الله تتحول على الصادر الخطي بإجراء موقعه وتأخذ يوم او يومين وبعدين ان شاء الله على المحكمه

وتفرحنا بعقد القران

بالنسبه للصادر ترى من معامله لمعامله تختلف يعني مو شرط الصادر الخطي وبعده محكمه ممكن تتحول الداخليه مثل معاملتي
انت تابعها على 87111 تبين التحويلات الداخليه

والله يفرحنا بالأخبار الطيبه جميعآ

Comments

من امس لما ارسل رقم القيد على 871111 يطلع فشل وكان شغال معاي اول

اشبهم طفشو من كثر ما ارسلهم واعطوني حظر ههههههه ولا عند الكل معلق !

---

يمكن فعلآ معلق
بس بإذن الله يوم الأحد حتلاقيها وصلتهم وحيعطوك رقم قيد تتابع فيه سير المعامله هي تأخذ اسبوع الين ماتوصلهم من المحافظه

---

رقم القيد موجود عندي اخذته من الاماره وصار عندهم من 4 ايام .. بس يمكن الاستفسار بالرقم مو شغال

ننتظر والله يفرجها علينا وعلى الجمميع

---

موقعه يعني موافقه صح ؟

---

طلعتلك انها موقعه ؟ يعني خلصت من الاماره وبتروح لمكان ثاني استنى شوي وتابع وياااارب تروح للمحكمه

---

لا باقي  بس اسال ؟

دعواتتكك

---

موقعه يعني اعتمدت من اللجنه اللي هي فيها لأنها كانت بإجراء للتأشير وتتحول للجنه الثانيه وفي معاملتك اذا طلعت من الحقوق الخاصه على طول للصادر
متابعين معاك وان شاء الله تبشرنا ونبشرك

---

25 هلله على كل رساله ههههههههههه

Answer 4

عادي حبيبي الوضع طبيعي استني كم يوم  وشوفي

Comments

الحين الرساله النصيه ياخذون من الرصيد ؟ هههههههه وانا اقووول ليش فشل طلعو يسحبون من رصيدي الى ما صار صفررر ويطلعلي فشل

---

ايه ياخذو من رصيدك ههههههههههههه ماعليه

---

هههههههههههه

Answer 5

استعلمت عن معاملتي الحين وطلعت مثلك في ادارة الحقوق الخاصة بإجراء التأشير دوبها قبل شوي تغيرت ،،

ان شاءالله يوم الاحد بتتغير ونشوف وين تروح
انا وانت معاملتنا تمشي زي بعض

Comments

خلاص ادعيلي ودعيلكً♥️♥️ ربنا يسسهلنا ي اختي

---

اممين ياارب
الله يسهلنا جميعاً ونسمع الاسبوع الجاي خبر يفرحناا

---

اللهم امين ♥️

Answer 6

تاخذ من اسبوع لاسبوعين وتتحول لجهة. حجوميه اخرى

Comments

دحين لها 10ايام في الاماره 6ايام في المطالبات و4ايام في الحقوق