هام وعاجل لنقل كفالة زوج المواطنة

Question

السلام عليكم ورحمة الله وبركاته
أخواني كلكم تعرفوا اني احاول انقل كفالتي على زوجتي من شهرين تقريبا وانا رايح جي لجوازات جدة
ابي اختصر عليكم الطريق وما في أسهل منه
الحمد له اليوم الصباح اخذت اوراقي نفسها ورحت جوازات مكة المكرمة وكانت معي زوجتي ورحت عند المعقبين اللي برة الجوازات هناك بمكة طبعاكشك ابيض بأعمدة وبجانبيه يوجد كلام بفليين المهم تروحوا عنده وقولوا له اجنا جين من جدة ونبي ننقل كفالتنا على زوجاتنا بياخد منكم الأوراق حقت جدة النمادج والتنازل وبيسوي لكم خطابين موجهه لجوازات العاصمة المقدسة اهم شي تجيبوا معاكم جواز السفر والإقامة والهوية الوطنية للزوجة وعقد النكاح كله الأصل وهو بيسوي لكم كل شي  انا بصراحة اعطيته 80 ريال من عندي ويقلك خلي زوجتك تمسك دور عند الباب وابشركم ما فيه زحمة كثير.هذا الكلام كان الساعة 9 الصباح
المهم دخلت زوجتي من مدخل النساء الساعة 10 صباحا وطلعت من هناك الساعة 10:55 والله يا اخوان ما اخذت منها ساعة والله يشهد علي .
اخواني جوا الجوازات لازم الحرمة اللي تدخل علشان تسوي نقل الكففالة بياخذ الأقامة القديمة ويقصها من الطرف ويد=بسها بالنمودج اللي مقدم لهم وبيعطي الإقامة الجدييدة لها وبتنتهي المشكلة
وابشركم سواء كانت اول نقل كففالة او ثاني او ثالث ما بيخصمو من سداد غير 2000 ريال لنقل الكفالة وبالنسبة للألف ريال اللي دفعناها لتغيير المهنة ما بياخذوها بيقلكم حاولوا تستردوها من جوازات جدة
بس اهم شي الزوجة لازم تشرح له انه بجوازات جدة معطل نظام نقل الكفالة وانه لكم شهرين على ذ1 المنوال وصدقوني ماشاء الله عليهم سمحيين وبيتفهموا الموضوع وما فيه أسهل منه والله يسهلها عليكم يارب ويفك ضيقتكم مثل ما فكت كربتي

وسلامتكم واسف للإطالة بس لأني عانيت وعارف أغلبيتكم عانا بجوازات جدة وحبيت افك كربة المحتاجين بهذا الموضوع
والله يحفظكم جميعا وبشكر كل من شارك بهذا المنتدى والقائمين عليه لانه فعلاً فادنا كثير

Comments

الف مبروك ,,

---

انا امس كنت بجوازات مكة المكرمة وقابلت الضابط المسؤول شخصيا اللي هو مدير الجوازات بمكة وقالي النظام موقف عندنا كمان !!!! والله شي غريب اقسم بالله انه قال كذا امس وحاولت وقالي ما اقدر افيدك اذا كان النظام موقف ايش اسوي ؟

---

السلام عليكم ورحمة الله وبركاته اخوي
ما عليك ولا تروح لمدير الجوازات مو مستاهلة
البارح بس بالموقع وانت شايف فوق الخمسة أشخاص تقريبا سووها عن طريق قسم السيدات ومو موقف وانا قبل البارح سويتها.
فروح الصباح عند اللي برة بيساعدوك لأنه لازم تغير نموذج نقل الكفالة أو تغيير المهنة من العاصمة المقدسة تختلف عن حقت جدة
وبعدها الحرمة تدخل جو وتخلصلك هيا بغذن الله بأقل من ساعة

---

سؤالي يا غالي: هل تستطيع الزوجة انهاء جميع الاجراءات من نقل كفالة وطباعة الاقامة من قسم السيدات ؟ او يلزمها ان تدخل إلى قسم الرجال لتكمل المعاملة؟

وشكرا لردودك السريعة يا غالي بارك الله فيك

Answer 1

الحمد لله .. وألف مبروك .. وعقبال الجميع يارب ..

Answer 2

انا عندي خطاب نقل الكفاله من كفيلي السابق موجه لجوزات جده,, اقدر اروح مكه وانقل كفالتي على زوجتي؟ بنفس الخطاب؟؟

ولا لازم  اسوي خطاب نقل كفاله جديد بدون ذكر اسم المنطقه ؟

Comments

والله يا اخوي انا بنفس الخطاب قدمته ومشي بس إذا تقدر تجيب تنازل موجه لشرطة العاصمة افضلك
بس التنازل حقي كان موجه لمدير جوازات منطقة مكة المكرمة بجدة زمشيت كذا وكلها لله

---

اشكرك .. ممكن بس مرة ثانيه تكتب قائمه بالاوراق المطلوبه؟

Answer 3

سؤال أخي الكريم...هل يلزم موظف الجوازات الزوجة تكشف وجهها للتحقق أم لأ....وجزاك الله خير

Comments

لا ياعزيزي لاتكشف وجهها
مجرد سؤال وجواب فقط لاغير
والموظف حتى لايرفع عينة في المرأة
لاتقلق من هالموضوع ابدا

---

والله يا أخوي انا حرمتي تغطي وما قالها اكشفي ماشاء الله عليه إنسان فاهم والله يسهل دربكم