زواج سعوديه من أجنبي غير مقيم بالسعوديه

Question

أنا تونسي الأصل وعايش في فرنسا وجنسيتي فرنسيه وطلبت الزواج من سعوديه بنت خالتي عايشه في السعوديه من سنه تقريباً وما نعرف إيش صاير مع المعامله ولا اخبار ولا شئ إلا من اسبوع اعطونا رقم اخيرا المعامله تتحول على الاماره المدينه المنوره ، حد يعرف إيه المراحل بالضبط لزواج اجنبي غير مقيم بالسعوديه من سعوديه ، تعبونا والله وراهم ومافيش اخبار ولا شيء ومش عارفين مصيرنا . ياريت حد يقدر يرد عليا ويفهمني

Answer 1

السلام عليك...بعد ماتقدم المعاملة على الشرطة لازم تراجعهم الين يعطوك رقم المعاملة ويقول لك تحولت للإمارة ومن الامارة لوزارة الداخلية وهكذا لازم تمشي معاهم حبة حبة الين تنتهى معاملتك باذن الله لازم تابعهم وتصبر

Comments

خلاص تحولت من أقل من أسبوع إلى الاماره هذا إلي قالونا عليه في الشرطه واعطونا رقم المعامله ، بس مش عارفين ايه إلي حيحصل بعيدين ، إيه هيا طلباتهم الجايه ،محنا فاهمين ولا شئ ، وأنا لدحين ما طلبوا مني ولا شيء .

---

طيب كويس الله ييسر أموركم ويوفقكم
انت ما حيطلبوا منك شي غير صورة جوازك اللي أكيد خطيبتك قدمتها مع الأوراق للشرطة ..

---

أيوا فاكر أنها قدمت نسخه من جواز السفر حقي بس اضن إلي طلبو منها .
يعني بعدين ماعندهم طلبات تانيه خلاص كده ؟
اصلو سمعنا انهم يطلبون أوراق هنا في السفاره في فرنسا بس مش عارفين ايه  الأوراق بالضبط ، سمعنا انهم يطلبون الراتب واذا كان عندي سوابق أو شيء ...
وخطيبتي ماحدش يعرف كيف تيجي هنا فرنسا هما إلي يعطوها أوراق تقدر تسوي بيها الفيزا ولا كيف تقدر تيجي هنا وهل سهل أنها  تسوي الفيزا لفرنسا علما أنها ما تشتغل ولا عندها راتب .

---

هما ما يعطوها اوراق ولا اي شي ، هيا تتابع المعاملة الين ما توصل للسفارة في باريس وقتها هيا تقدم على الشنغن وتجي زيارة وتروحو للسفارة مع بعض حيعطوكم ورقة عشان تعقدوا مدني في فرنسا وبعد كدا ترجعوا بالعقد للسفارة عشان يوثقولكم هوا وبعد كدا في اوراق تانية مطلوبة وفي خطوات حتعملوها عشان انت تدخل السعودية كزوج مواطنة ، وفي السفارة حيقولو لكم كل المطلوب

Answer 2

ممكن عشان الجنسية غير عربية اتأخر الموضوع بس كمان سنة كثير جداً أو ممكن انتو طلبتو العقد داخل السعودية

اذا طلبتو العقد في باريس فالمفروض الآن سيرها الطبيعي من الأمارة الى الداخلية ومن الداخلية الى الخارجية ومنها إلى السفارة السعودية في باريس ويتم العقد هناك

هذا في حالة طلبتوا العقد يتم في باريس ، لكن اذا طلبتوا العقد في السعودية فالمعاملة تاخد فترة طويلة

Comments

احنا ما طلبوا منا ولا شيء ، ما سالوناش لو نبغى نتزوج في السعوديه او في باريس ،
وبالنسبه للجنسيه الفرنسيه ماكنتش أعرف إنو اسهل بالجنسية العربيه ،عشان أنا هنديه الاثنين الجنسيه التونسيه والفرنسيه لو كنت أعرف كنت طلبت بالجنسية التونسيه لو اعرف انها اسهل ، وعشان أنا عايش في فرنسا ،
وهوا الزواج فيه باريس يكون في القنصليه السعوديه او في فرنسا في الأحوال المدنيه هنا ؟
وهيا خطيبتي تيجي هنا هنأ فرنسا كيف فيه طريقه هما يرسلوها ولا تسوي فيزا لوحديها ؟
آسف مرررررررا عندي اساله كتيره مش لاقي اجابه ليها ولا معلومه حتى على النت ، وكلمت السفاره السعوديه هنا عشان أسأل ما يردو ، يعني صعب والله ومررررررا طولت علينا .

---

اخي الحبيب لازم تصبر وتتابع معاملتك الين ماتصدر موافقة الزواج
لان بالموافقة هذي تقدر بعد كدا تدخل السعودية عادي وتصدر لك اقامة وتصير على كفالة زوجتك طبعا هذا اذا انت حبيت تجي على السعودية وحتى لو ماترغب تجي مو مشكلة بس الموافقة ضرورية عشان حتى في المستقبل لوجاكم اولاد بيكون اطفالكم يقدروا ياخذوا تاشيرات اقامة للسعودية بسهولة
بالنسبة لزوجتك عادي بتجي لفرنسا بتاشيرة زيارة شنجن عادي وبعد ماتجيكم الموافقة تقدر تقدم اوراقها عندكم هناك في فرنسا وتعمل لها اقامة معاك بحكم انك زوجها

---

اذا ما سألوكم فخلاص تابعوا المعاملة وانتظروا الخطوة اللي بعدها ، العقد في باريس بيتم في الأحوال المدنية بباريس لكن بوجود ورقة موافقة من السفارة السعودية.

---

مررررررا أشكركم على الاجابه على سوالي وعلى التوضيحات إلي اعطيتوها لي ، عشان كنت والله ما فاهم ولا شئ خالص لا أنا هنا ولا خطيبي هناك ومش عارفين مصيرنا ولا شيء  ،
انشاء الله ياربي ما تطول كتير
في الشرطه قالو لنا بعد ما اعطوها رقم المعامله من أسبوع نعطيلكم أخبار بع شهر رمضان انشاء الله  مش عارف . يااااااااااااارب تتسهل .
إيش يعني تتبع المعامله ؟ كيف نقدر نتابع المعامله ؟ نروح للشرطه أو الاماره نسأل هناك ولا برقم المعامله نقدر نتابعها على أبشر أو موقع تاني مش عارف ؟

---

آه اكيد أبغى أدخل السعوديه مع زوجتي بعدين طبعا ، نروح نزور أهلنا هناك ، ونبغى نودي عيالنا أنشأ الله ، يعرفو أهلهم وبلد امهم وبلدهم الثاني شئ طبيعي .
زي ما قلت لكم من الأول خطيبتي هيا بنت خالتي وسنها دحين 33 سنه وما عندها وضيفه هناك في السعوديه ، وأنا عمري 48 سنه واشتغل هنا في باريس . وأنا مطلق وهيا كمان مطلقه . شويه تفاصيل زياده عشان تعرفو اكثر يكمن فيه حاجه خلت المعامله تتأخر بالشكل ده واحنا مش فاهمينها .
لأننا والله احيانا بقينا نفكر نتزوج من غير موافقه ، بس لسه صابرين . يااااااااااااارب تتسهل .
لو حد يعرف حاجه او معلومه عن المراحل إلي جايه من فضلكم اعطوني هيا عشان نقدر نمسك في حاجه ونصبر شويه كمان  .
اشكركم فعلا من كل قلبي على البيانات إلي اعطيتوها لي .

---

ايوا في طريقة تتابعوا فيها المعاملة اذا هيا لسا عند الشرطة فيسير خطيبتك كل أسبوع تتصل وتسألهم عنها برقم المعاملة اللي اعطوها هيا ، ولما يقولولها راحت للأمارة تاخد رقم المعاملة وتتابعها من موقع الأمارة
وبالنسبة لأعماركم ووضعكم الإجتماعي وصلة القرابة وهيا غير موظفة فإنتو مستوفين الشروط بإذن الله

وانتو كان المفروض من زمان تراجعوا وتشوفوا ايش المشكلة وليش التأخير لأنكم لو طلبتوا العقد في باريس المفروض ما تاخد اكتر من ثلاث شهور ولو طلبتوه في السعودية مو أكتر من ٦ إلى ٩ شهور  

الله ييسر أموركم ويجمعكم على خير

---

يااااااااااااارب
مررررررا شكرااا على المعلومات الي اديتوهالي ، أصلا كنت مش عارف ولا شيء ،ماكنتش اتصور أنها تطول كده ، الحمدلله  ، انشاء الله تتسهل يآرب  .
شكررررررررا⁦♥️⁩

---

السلام عليك الأخrudy  
الداخليه طالبين لما تملكهم خطيبتي رقم الصادر بس ماعندها ،عندها بس رقم المعامله عشان مش لاقين حتى بالاسم ولا برقم الهويه وقالولها تكلم الاماره ونفس الشيء هناك بقلولها مافيه عندنا .
مش عارفين ايه نسوي ، يمكن لسه ما وصلت الداخليه ولا مش فاهم ؟
وفي موقع أبشر دايما مكتوبه حاله القيد مغلق .
هل تعرف شئ عن الموضوع من فضلك ، عندك نصيحه ممكن تديهالي .الله يحفضك