حاله القيد مغلق

Question

السلام عليكم ورحمه الله تعالى وبركاته.
خطيبتي دخلت على موقع وزارة الداخلية لأول مره وأنا كنت بصيت من يومين ماكان فيه شئ ،عشان تستعلم عن معامله زواجنا ولقت مكتوب " حاله القيد مغلق " إيش يعني حاله القيد مغلق ؟ هل هوا خبر كويس ،ياااااارب .
حد يعرف من فضلكم ،نفسي أعرف إيه إلي حيسير دحين

Answer 1

السلام عليكم ورحمه الله
حالة القيد مغلق يعني انتهت المعاملة من وزارة الداخلية وتحولت إلى الامارة لو كان الخاطب مقيم او الخارجية لو كان غير مقيم.
الان بامكان خطيبتك او حضرتك المهم الطرف السعودي
يتواصل مع وزارة الداخلية على الرقم المجاني، تعطوهم رقم المعاملة، وهما بدورهم يعطونكم رقم الصادر للمعاملة وتاريخها ووين اتصدرت عشان اتابعوها.

الله يسهل امركم يارب وامرنا

Comments

السلام عليكم ورحمه الله وبركاته
أيوا أنا غير مقيم،انا فرنسي الجنسيه وخطيبتي طبعاً سعوديه من المدينه المنوره ، يعني تحولت إلى الخارجيه دحين صح ؟
هل يعني أنها موافقه أو لسه ؟ وماذا يحصل دحين وايه إلي يطلبوه مننا ؟ وهل أقدر أنا أمامهم من هنا من فرنسا للاستفسار ولا ما يبغون عشان انا مو سعودي .
ياربي آسف ،عارف إني أسأله كتيره بس والله ماني فاهم ولا شيء ومش عارف المراحل الكامله للمعامله . شكراً

---

عليكم السلام ورحمة الله وبركاته
بجاوبك على كل الاسئلة باذن الله
اولا بلغ خطيبك تتصل لوزارة الداخلية على الرقم المجاني (لانها الطرف السعودي لازم فقط هي اللي تستعلم عن المعاملة) وتاخد رقم صادر المعاملة الجديد وتاريخها ووين اتصدرت (اذا تصدرت الى الخارجية يعني الحمدلله رب العالميين موافقة) اذا لا سمح الله تصدرت الى الامارة يعني في نقص بالاوراق) ولازم استكمال النواقص ومن ثم تتحول الى الداخلية مرة اخرى ومن ثم الخارجية.

ان شاء الله اذا تحولت الى الخارجية المعاملة توصل للسفارة من اسبوعين الى ثلاث اسابيع

حتروح للسفارة حيعطوك اوراق لازم تخلصها في نفس الدولة ( تحليل طبي وعقد في المحكمة ) وترجع للسفارة بهذي الأوراق ويتوثق الزواج عندهم باذن الله

رقم الخارجية 0114067777

الله يوفقكم ويفرح قلبكم ويسر امرنا وامركم يااارب

---

يااااااااااااارب
يعني لو تحولت على الخارجيه وبعدين للسفاره السعوديه بباريس ،والسفاره بس يطلبو التحليل الطبي حقي أنا ؟ عشان أنا لدحين ما طلبو مني أوراق خالص ولا ورقه غير جواز السفر من الأول مع بداية المعامله بس .
وخطيبتي كيف تيجي هنا باريس عشان نعقد ؟ فيه أوراق يدوها هيا عشان تسوي الفيزا عشان الزواج ولا كيف تيجي ؟ وهل تيجي وحديها أو لازم ولي أمرها ؟ أو امها ؟
اصل الفيزا لفرنسا مو سهله وخطيبتي ماتشتغل وما عندها راتب أخاف يرفضو الفيزا !!!
ياااربي تتسهل  اصلها طولت وبقينا خايفين كتير كل مره فيه عطله في حاجه عشان كده أسأل . آسف على كل الاساله ديه ، الله يخليكم يآرب ويحميكم ويحقق لكم كل ما تتمنوه ، شكررررررررا ⁦♥️⁩

---

بخصوص الاوراق الي راح يطلبوك توفرها امانة ماعندي فكرة عنها بس لو كنت مقيم بالسعودية هيطلبوا منك الاتي
صورة من الاقامة سارية المفعول
صورة من جواز السفر ساري المفعول
تعريف بالراتب مصدق من الغرفة التجارية
شهادة خلو سوابق من بلدك الاصلي
كرت بصمات جنائيه من البلد المقيم حاليا
فحص الشامل (المقصود فيه فحص السموم)
فحص ماقبل الزواج
مشهد سكن مختوم من عمده الحي بحضور 2 شهود
مشهد بانك لم يسبق لك الزواج من سعودية من قبل

طبعا كونك انت مقيم بفرنسا السفارة هتديك اوراق موجهه للاماكن المطلوبة باسم السفارة. فلا تشيل هم النقطة هذه لان السفارة هي الي بتوجهك.

اذا هي عند تقيدم المعاملة طلبت الزواج بالخارج فا لازم هي تسافر مع ولي امرها. لا يوجد زواج بدون موافقة ولي الامر وحضوره. مالم يكن بالاتفاق بين اهلك واهلها بان يوكل شخص في فرنسا لتزويجها بالنيابة عنه ويعمل وكالة بذلك ولكن يجب (اتاكد من هذه الخطوة قبل البدء فيها) من قبل السفارة والخارجية اذا يقبلوا بالوكالة للتزويج.

اجراءات فيزة شنغن سهلة للسعوديين وليست معقدة. لتسهيل الحصول عليها اعتقد السفارة او الخارجية ممكن تعطيها خطاب موجهه للقنصلية الفرنسية بالرياض او جدة لستهيل اعطائها الفيزا لغرض الزواج مع تحديد مدة اقامتها بفرنسا يعني سوا مفردة او متعددة و سواء شهر ولا عدة اشهر. والفيز انواع منها سياحة ومنها عمل ومنها تجارة ومنها اقامة وهذه الفيز تحتاج لوجود رصيد مالي بحسابها ولو لزم الامر لكشف حساب ليس بمشكلة.

بامكانك ان تقترح لها ان تودع بحسابها مايعادل 20 الف ريال بامكانها ان تودع هذه المبالغ من مهرها او من رواتب المقربين لها . وعند الايداع تطلب كشف حساب بنكي بنفس اللحظة (كشف حساب 6 شهور) ومن ثم تسحب المبلغ مرة اخرى وتعطي كل شخص فلوسه.


وكذا حصلت على كشف الحساب الي يثبت انها قادره انها تسافر ماديا
بعد كذا تزور القنصلية الفرنسية:
- عندها خطاب السفارة او الخارجية
- كشف حساب
- اعمل لها حجز مبدئي من booking بالمدة التي ستكون بها. واطبع حجز الفندق (ومن ثم الغيه عادي)
- عمل حجز غير مؤكد للتذاكر (يعني بامكانك سؤال مكتب للسفريات ان يعمل حجز مبدئي للاطلاع عليه فقط) يعني لا داعي للدفع.
- جواز سفرها ساري المفعول.
- صور شخصية
وبس على كدا
بامكانها تاخد الفيزا من 14 الى 21 يوم حسب عمل القنصلية

وبس تستلم الفيزا هي وابوها ماعليك سوا ان تحجز لها تذكره هي وولي امرها او هم يحجزو تذاكر حس ماهم متفق بينكم.

ربي يسعدكم ويهنيكم
اتمنى اني قدرت افدتك بالشي البسيط
ولا تنسوا الاستغفار وان شاء الله ميسرة باذن الله تعالى
دعواتك لي بظهر الغيب

---

يااااااااااااارب ⁦♥️⁩
والله مرررررررا شكررررررررا علو جواباتك الواضحه والي تفتح الطريق تحسها ، عشان تحس بالخبره والثقه في الكلام الي بترسليه ،ياااااارب  عشان والله بقينا خايفين احنا الاثنين وابتدينا نفكر في طرق تانيه للزواج مع موافقه أهلها طبعاً وولي أمرها إلي هوا اخوها دحين عشان أبوها الله يرحمو وامها خالتي طبعا هوا موافق .
بالنسبة للزواج اضن لو هوا قدام السلطات الفرنسيه مو لازم ولي أمرها ،عشان هنا مايطلبو لأنها بالغ في العمر 32 سنه ،هنا يطلبو بس أوراق من السفاره أوراق الموافقه والعزوبيه والقدرة على الزواج يعني .
مررررررا شكررررررررا على التوضيحات إلي اديتهالي ،وربي انشاء الله يفرح قلبك دايما ويعطيك كل ماتتمناه يااااااااااااارب ⁦♥️⁩ يااااااااااااارب ⁦♥️⁩
فعلا احس براحه تانيه من ايجاباتك واحس بالأمل أكثر .
الحمدلله

---

يااااااااااااارب ⁦♥️⁩
والله مرررررررا شكررررررررا علو جواباتك الواضحه والي تفتح الطريق تحسها ، عشان تحس بالخبره والثقه في الكلام الي بترسليه ،ياااااارب  عشان والله بقينا خايفين احنا الاثنين وابتدينا نفكر في طرق تانيه للزواج مع موافقه أهلها طبعاً وولي أمرها إلي هوا اخوها دحين عشان أبوها الله يرحمو وامها خالتي طبعا هوا موافق .
بالنسبة للزواج اضن لو هوا قدام السلطات الفرنسيه مو لازم ولي أمرها ،عشان هنا مايطلبو لأنها بالغ في العمر 32 سنه ،هنا يطلبو بس أوراق من السفاره أوراق الموافقه والعزوبيه والقدرة على الزواج يعني .
مررررررا شكررررررررا على التوضيحات إلي اديتهالي ،وربي انشاء الله يفرح قلبك دايما ويعطيك كل ماتتمناه يااااااااااااارب ⁦♥️⁩ يااااااااااااارب ⁦♥️⁩
فعلا احس براحه تانيه من ايجاباتك واحس بالأمل أكثر .
الحمدلله
الله يسهل لينا كلنا يااااااااااااارب ⁦♥️⁩

---

أسال الله بمنه وكرمه ان يوفقكم اخي عبدالواحد ويفرح قلبك وقلب العروسه
و يسهل امركم يارب ويفرجها عليكم وعلينا عاااجلا غير اجل
اكثرو من الاستغفار والصلاة والسلام على رسول الله

---

الله يكرمك يا أختي اسماء يااااااااااااارب ويحقق لك امانيك ويجعل أيامك مليانه سعاده وافراح يااااااااااااارب
شكررررررررا يا اختي اسماء والله من القلب

---

لا شكر على شي اقل من واجب
كلنا اخوان واخوات بالموقع اخي عبدالواحد

بارك الله فيك على الدعوة الطيبة
تحياتي لك
سلام عليكم

---

بارك الله فيك يا أختي سهام وانشاء الله ،اعطيكي اخبار على المراحل الجايه بإذن الله .
في امان الله

---

الأخت اسماء جزاها الله خير شرحت شرح كافي ولكن هي ذكرت انها تحتاج ولي امرها ولكن خطيبتك ما تحتاج لولي أمرها عشان تعقد في فرنسا النظام هناك مختلف عن السعودية ، ومو مطلوب منك حالياً أي اوراق ، انتو حتعقدوا في فرنسا عقد رسمي موثق في فرنسا والعقد في فرنسا انت اكيد عارف ايش يتطلب من اوراق وتحليل طبي بالإضافة الى ورقة الموافقة من السفارة،  وبعد كدا تاخدوا هذا العقد وتروحوا للسفارة توثقو العقد ، حيطلبوا منك الطلبات اللي ذكرتها أسماء ولكن بعد العقد وقت اصدار اقامتك كزوج مواطنة قبل العقد لا يوجد اي طلبات من السفارة السعودية ..

حالة القيد مغلق في الداخلية يعني اتحولت للخارجية بالموافقة وخلال شهر تكون وصلت للسفارة في باريس ..

بالنسبة لخطيبتك وسفرها لباريس هذا هيا ترتبله وماله اي اوراق غير فيزة الشنغن السياحية وتقدر تطلعها من اي مكتب سياحي مضمون في حدود ١٢٠٠ ريال تقريباً مو أكثر ..

الله يتمم أموركم على خير

---

يااااااااااااارب ⁦♥️⁩
جزاك الله خيرا يا اخ والله مررررا شكررررررررا ليكم على إلي نتعملوه معايا والتوضيحات إلي بتدوهالي مش عارف كيف اشكرك غير اني ربنا يعطيكم كل ماتتمنوه يااااااااااااارب  ويسعدكم أنتم واهلكم وكل الناس إلي بتحبونها  .
يعني اني خطيبتي دحين لازم تتصل علي الداخليه عشان تعرف رقم الصادر الجديد وتاريخها ومكان التصدير ،
عشان بتسالني ايش أقل لهم ايش اسالهم ، متردده وأنا مش عارف اساعدها نفسي أقدر أنا أكلمهم  هيا طلبت مني اكلمهم انا بس ما يرضون لازم الطرف السعودي إلي يتصل .

---

نعم خطيبتك لازم تتصل على الداخلية وتقلهم عندي معاملة بهذا الرقم وأبغا أعرف وضعها واذا اتحولت للخارجية حيعطوها رقم وبعد كدا حتتواصل مع الخارجية ومع السفارة الين ما تعرف انها وصلت للسفارة ، وبعد كدا كل شي سهل بإذن الله ما تشيلو هم

---

آسف يا اخ Rudy بالنسبة للفيزا عندك فكره على المكاتب السياحية إلي تقدر تسوي لها الفيزا في المدينة المنورة ، وهل المكتب السياحي هوا إلي يسوي كل أجراءت الفيزا بدلها ولا لازم هيا تروح السفارة الفرنسيه بجده عشان تسوي الفيزا بنفسها ؟
معليش عارف أسأل كتير أسأله عشان والله تعذبنا أنا وخطيبتي المده ديه كلها سنه واحنا بنستنى المعامله تخلص ونتزوج .ولسه

---

ما أعرف مكاتب في المدينة لأني مو منها ، واللي اعرفه المكتب السياحي يسوي كل شي بس الخطوة الأخيرة أظن هيا لازم تروح للسفارة عشان البصمة ، خليها تبحث على مكتب سياحي مضمون وتتصل عليهم تسألهم عن التفاصيل

---

مافي مشكلة يا أخي اي شي حابب تستفسر عنه اسأل نحن هنا كلنا عشان نساعد بعض بلي نعرفه

---

جزاك الله خيرا يا اخي والله يعطيك الصحه والعافيه والسعادة والهناء أنت واهلك وناسك ياااارب العالمين.

---

آسف مره تانيه كنت بتكلم مع خطيبتي على الجوال وكان اخوها الكبير وولي أمرها جنبها ولسه بيقلها انو طلب أن الزواج يكون في السعوديه ،عشان لما سألوه أول ما صب أوراق المعامله .
إيش أسوي دحين ياربي  
كلو تغير صح ؟
مش عارف ليه ماخبرنا انو طلب زواج في المدينه المنوره .

---

طيب مافي مشكلة انو العقد يتم في المدينة ، هنا بس الوضع حيختلف والأوراق المطلوبة منك كمان ، خلاص هيا تتصل عالداخلية وتسألهم وتشوف ايش يقولو لها

---

وفي احتمال انو حتى لو هو طلب العقد في المدينة ممكن الداخلية ترفض ويسير العقد في فرنسا فما تشيل هم سواءً كدا أو كدا تتسهل بإذن الله

والآن قرأت كلامك في الردود السابقة ، بالنسبة للفيزا الفرنسية او الشنغن مافيها صعوبة للسعوديين أبداً ولا يحصل رفض إلا في حالات قليلة جداً جداً ، وحتى لو غير موظفة وما عندها رصيد في حسابها هذي موضوعها بسيط لو خطيبتك بحثت في النت حتلاقي اقتراحات وحلول كثيرة

---

يااااااااااااارب
هيا دحين حتكلم الداخليه تسألهم أنشأ الله خير يااااااااااااارب  
وبعدين على الفيزا  كيف تدور ،قصدك تدور على مكتب سياحي أو على ايه عشان تعرف تدور بس انشاء الله يكون عندها رصيد طبعا على حسابها ده مش مشكل ، بس إلي أخاف منو الرفض ، بس حضرتك وكل الناس بتقلي صح انو الفيزا مو صعبه للسعوديين ،يااارب ماتتعقك بعدين يااارب  .

---

الله يطمن بالكم يارب اخ عبدالواحد
بخصوص الفيزا فيها تعمل زي ماقلتلك ببداية تعليقي( تجميع الاوراق المطلوبة لتقدم على فيزا لغرض الزواج)  او تختصر وتروح لاي مكتب سفريات او موقع اسمه الفيفا للتاشيرات وهما يمشولها بالمطلوب. الفيفا لهم اكثر من مكتب بالسعودية. اعمل بحث بجوجل بتلاقي موقعهم. تعطيها الرقم لتتواصل معاهم وتشوف الرسوم والاجراءات. حتى بموقعهم عند اختيار البلد المعني تطلع لها الاوراق المطلوبة باللازم توفرها عند التقديم عن طريقهم او عن طريق السفارة. موضوع الشنغن سهل جدا لا داعي للقلق. وعطيتك اقتراح لو صعب لو احتاجت لكشف حساب بامكانها ان تعمله بكل سهولة. فالموضوع كله مجرد وقت واجراء روتيني بسيط ولكن بطيء.

ولكن دام العقد داخلي ماتحتاج خطيبتك لفيزا الان

الله يسهل امركم

---

الله يطمن قلبك يااااااااااااارب وجازاك الله خيرا يااااااااااااارب با اخي
لا انشاء الله بالنسبه للفيزا والموعد كل مايخص السفاره الفرنسيه مو مشكل بالنسبالي أنا اخذلها الموعد وكلو ديه حاجات سهله الموعد يدوه على الموقع حق السفارة الفرنسية عارف ويدو طبعاً لستا للأوراق المطلوبه إلي لازم تتجهز لما تروح الموعد تأخذها معاها .ده سهل .
دحين هيا تكلمهم مستني تقلي إيش قالو لها واخبر من حضرتك .
مررررررا شكرااا كمان مره على كل ايجابتكم ، أنشأ الله خير يااااااااااااارب وربي يسهل لينا كلنا يااااااااااااارب

---

0118179965
الرقم المباشر النسائي بوزارة الخارجية
لو ماردو الرقم المجاني عندها هذا الرقم
الله يطمن بالكم ويفرحكم

---

هيا تكلم الداخليه مو الخارجيه دحين صح والرقم إلي شفناه هوا 8001245555

---

نعم الداخلية
ونعم الرقم صحيح وهو مجاني
والرقم الي عطيتك اياه القسم النسائي ايضا بالداخلية قسم المعاملات

---

آه طيب يعني تقدر تتصل بالرقم ده ،انا مستني ماترد عليا لسه مش عارف .طيب يا أخ Rudy أنا أرسلها دحين الرقم ده يمكن احسن . يمكن الرقم التاني ما يرد

---

الله يسهل امركم

---

الله يخليك ياارب ويسهل علينا كلنا يااااااااااااارب . مرررررررا شكررررررررا يا اخrudy

---

اخيرا وردو عليها  وزاره الداخليه بيقولولها المعامله مو عندنا  ودحين اتصلت بالاماره وتقلي قالولها المعامله باسم حد تاني

---

بس تتصل عليهم تعطيهم رقم المعاملة
وتعطيهم اسمها او اسم ولي امرها ورقم الهوية الخاصة فيها وفي ولي امرها
لان المعاملة تسجل باسم الطرف السعودي فقط.

لان هم يسألوها المعاملة باسم مين؟
ف ممكن هي مش منتبه من البداية مين قدم المعاملة وباسم مين

ف عادي ترد عليهم
يا باسمي او باسم ولي امري، راح اديكي الاسمين واراقام الهويات.
وعندي رقم الماملة وطالع بالموقع مغلق، ف لو سمحتي ابغي رقم صادر المعاملة بتاريخها ووين اتصدرت.

دور الامارة يجي بعد ماتاخد هي رقم صادر المعاملة الجديد


خليها ترجع تتصل فيهم
وان شاء الله خير

اذا عطتهم بياناتها وبيان ولي امرها ورقم المعاملة وطلع غلط
يعني من الاساس الرقم الي انتو بتابعوه غلط من البداية
لازم تتأكدو من رقم المعاملة
واسالها عند تقديم المعاملة رقمك او رقم اخوك الي تسجل بالمعاملة؟
لان بس تطلع من الداخلية هاينرسل رسالة بالموبايل للرقم المسجل عندهم برقم صادر المعاملة والتاريخ

اذا كان رقم المعاملة غلط من البداية
لازم تتبعوا المعاملة وين كانت اخر مرة قبل الداخلية وكيف عرفتو انها راحت الداخلية
عن طريق الرسائل ولا التليفون

---

طالما الأمارة قالولها المعاملة باسم احد تاني هذا يعني انو المعاملة مو عندهم ، خليها ترجع تتصل على الداخلية وتقلهم انو المعاملة حالتها مغلق وتسألهم المعاملة لفين راحت عشان تتابعها اذا ما اعطوها اي تفاصيل يسير تتصل على الخارجية وعلى السفارة في باريس ، وطالما انها مو في الأمارة ولا في الداخلية فأغلب الظن انها راحت للخارجية ، ولو راحت للخارجية فأظن العقد سيتم في باريس

عموماً لا تشتتوا نفسكم كتير ، خليها تتواصل وتشوف فين راحت وايش الخطوة اللي بعدها

---

الرقم اللي خطيبتك أدخلته في الموقع وطلع لها حالة القيد مغلق مين اعطاها هذا الرقم ؟ وهل أخذته قريب او من شهور طويلة ؟

---

يا أخت اسماء انت بتجاوبي على اساس معاملة مقيم ولكن معاملة الغير مقيم مختلفة تماماً سواءً في سير المعاملة أو في طريقة العقد ، أنا من تجربتي ما وصلتني أي رسالة من أي جهة أنا كنت أتابعها بنفسي الى أن وصلت للسفارة

---

عموماً لا تشيلوا هم اتصلوا عليهم مثل ما قالت اخت اسماء واعطوهم كل البيانات وبإذن الله خير ، اكيد لازم حتلاقوها في اي جهة

---

اخت rudy
اشكرك على الماداخله
انا اجاوب ع اساس يتابع مع خطيبته بشكل صحيح ومن اساس المعاملة وين كانت ومتى وصلت الداخلية، القصة ليست تنافسية على اجوبة....
راجعي اجوبتي بتعرفي مغزى الكلام بين السطور!
لان البنت لا تعرف شي عن المعاملة ويمكن طبعها خجول او ماعندها المعرفة كيف تتعاطى مع معاملتها. وهي لم تتابع المعاملة منذ تقديم المعاملة يعني قرابة السنة...

---

ياربي  مابترد خطيبتي عصبوها الأول قاتلي لما قالولها المعامله باسم تاني ودحين ماترد ومش عارف إيه إلي حصل وأنا في الشغل وما أقدر ادور كتير .
ياربي خير يااااااااااااارب ⁦♥️

---

عزيزتي اسماء لا أقصد المنافسة ابداً ولا شيء من هذا القبيل فهمتيني خطأ ، المقصد فقط ان معاملة الغير مقيم مختلفة تماماً وانا اتكلم من واقع تجربة والأفضل التأكد من المعلومات قبل ذكرها عشان ما تزيد من تشتيت السائل .. كلنا هنا لخدمة بعض بدون مقابل وشكراً لك على ردودك وخدمتك في المنتدى باستمرار الله يجعله في موازين حسناتك

Answer 2

يظهر لي الموضوع بدون اي اجابات ما اعرف هل لديكم نفس المشكلة او لا .. عموماً انت ذكرت سابقاً انكم اخذتوا رقم المعاملة من الشرطة قبل ايام والآن تظهر لكم المعاملة حالتها مغلق في الداخلية ، وبعد كدا ذكرت ان خطيبتك اتصلت على الداخلية والأمارة ويقولو بأن المعاملة غير موجودة عندهم .. الحل خطيبتك تتصل على مرة تانية الداخلية وتعطيهم اسمها ورقم هويتها وليس رقم المعاملة وتسألهم فين راحت المعاملة

Comments

السلام عليكم ورحمه الله وبركاته⁦
أيوا بالضبط الشرطه هيأ إلي ودتنا الرقم عشان نتابع الاماره بيه وقالو دحين يرسلو الاماره وانشاء الله بعد رمضان نعطولكم أخبار جديده ،  وبعد اسبوعين يمكن بصينا على موقع أبشر نستعلم كده نشوف وبالرقم إلي عطتنا هوا الشرطه لقينا حاله القيد مغلق .
انشاء الله أقول لخطيبتي تكلم الداخليه والاماىه من جديد ، أصلها والله ما بقت نفسها تكلمهم عشان ما يردو عليها كويس ،
احاول أشوف أخوها يروح بنفسو يراجع الاماره ،المشكل رمضان دحين  ،
انشاء الله يقدر يروح ويقدر يلاقي حد يرد عليه ،ةوانا من هنا في ما أقدر أسوي ولا شئ ، حتى لو كلمتهم أنا ما يرضو يردو عليا ، لأني مو مواطن سعودي .
جزاكم الله خيرا يااااااااااااارب وشكرا

---

يا اخي كريم معاملتك بالامارة مافي  داعي تبص بالداخلية لان رقم معاملة الي عندك تبص فيها ب ابشر يطلعلك معاملة ليست معاملتك اسمع خل احد يروح الامارة يراجعها برقم الي دوكيا الشرطة يتاكد من الاسم بعدها اذا صادرة من الامارة لداخلية يعطوك الامارة رقم صادر تراجع في الداخلية

---

آه طيب عشان كده
يعني المعامله لسه في الاماره عشان كده هما مش لاقينها لا بالرقم ولا باسمها او رقم هويتها ، يعني لما نلاقي حاله القيد مغلق تكون معامله حد تاني مو احنا ،
ياربي  تسهل يارب  مش عارفين والله فين أحنا سنه تقريباً دحين وما خلصت .
شكرا لكم وجازاكم الله خيرا يااااااااااااارب .

---

سنة يجوز جت موافقة انت مو عرفان  خلي البنت تراجع الامارة تسال عن معاملة اتصال ماينفع راجع الامارة احسن

---

طيب أنشأ الله
احاول يااارب  ،اصلها خطيبتي بقت مرررررررا حساسه من الموضوع وماتبغى حتى تتكلم فيه ، بس احاول اكلم اخوها ولي أمرها هوا ،
بقيت خايف ازعجو مسكين وزيد على كده رمضان .
انشاء الله
يااااااااااااارب  
مررررررا شكرااا لكم والله وبارك الله فيك على هاذي المعلومات