معاملة الزواج تحولت من شرطة المدينة المنورة لشرطة الشرقية

Question

المعاملة تحولت من شرطة المدينة المنورة لشرطة الشرقية برقم فيه تقسيم xx/xxxx/xx. كيف المتابعة بهذا الرقم؟ و كيف تتم المتابعة من امارة المدينه المنورة برقم القيد؟ عن طريق الشرقية في رقم قيد و سهلة تتابعه بس المدينة مافيها اي رابط يبين سير المعاملة؟ و اش الأوراق اللي لازم يوفرها الخاطب إذا هو من سكان الشرقية؟ لأنه متطلبات المدينة مختلفة كانت للخاطب فا بعرف اش الأوراق اللي يجهزها و تطلبها الشرطه إذا من سكان الشرقية


جزاكم الله خيراً

Answer 1

هلا اختي/اخوي
معاملتي تشبه معاملتك
انا بجدة وخطيبي بالشرقية
تحولت واخدت تقريبا 10 ايام لوصلت الشرقية
بالاول توصل لمديرية الشرطة بالدمام - تتصل فيهم - تعطيهم رقم صادر المعاملة الي ادوك اياه وتاريخ الصادر - راح يعطوك رقم قيد جديد للمعاملة - وكل 3 ايام اتصل فيهم وتابعها وين صارت لغاية ماتتصدر للحي الي تابع له خطيبك/خطيبتك   
للدمام مثلا 4 اقسام شرطة (شرق، غرب، جنوب، شمال) كل قسم يختص بأحياء معينة
بس تخلص من شرطة الدمام تاخد تقريبا 5 ايام عندهم وبعديتن تتحول برقم جديد
وبعد كذا اتابع مع المكان المحول عليه برقمها الجديد وبعدها راح اظل بشرطة الحي الي تابع له خطيبك/خطيبتك قرابة 5 ايام لتتحول للشؤون الامنية عندهم
بس تكون بذا القسم وقتها يراجع خطيبك/خطيبتك القسم ليعطوه المتطلبات

تو من اسبوع بس وصلت معاملتنا للشرطة الحي اللي ساكن فيه خطيبي

المتطلبات
صورة من جواز السفر
صورة من الاقامة
تعريف راتب
مشهد سكن من العمدة
مشهد زواج(راه يعطوك اياه من الشرطة) وتروح فيه على العمدة
شهادة خلو سوابق من البلد الام
- وراح يعطوك اظرف (للفحص الشامل، للجنائيات) وانت تمشي فيهم بنفسك
وبالنسبة للسموم لتحلص الاوراق المطلوبة اخر شي هيطلبوه منك
هذا اللي صار مع خطيبي

أسال الله ان يوفقكم ويفوقنا ويسهل امركم وامرنا يارب

Comments

الله يعطيكي الف عافية و جزاك الله خير أخت أسماء على الرد. أنا الطرف السعودي و رح اتواصل على مديرية الشرطه بالدمام يوم الأحد بأذن الله. يعني تاخذ 10 أيام لتوصل الشرقية بعدها كمان تأخذ تقريباً اسبوع لتوصل شرطة الحي. الفحص الشامل خلصته لما كنت بالمدينة و عندي ورقة فحص طبي. اللي ناقص عندي مشهد زواج و مشهد سكن من العمدة و اتوقع صحيفة سوابق من الشرطة.

إن شاء الله تتسهل مدري ليش اللفة الطويلة دي. أغلب الأشياء يمدي تصير الكترونية و يطلعوها من عندهم.

---

الله يعافيك يارب
والله من تجربتنا بالمنطقة الشرقية وتجربة المقربين لي
لو كانت المعاملة من البداية بدات بالشرقية هيكون كل شي الكتروني - يعني تجيك رسالةعلى الفون وتنتظر 3 ايام وتروح للمكان المطلوب وهكذا.
الشي الوحيد الالكتروني الي قالوه لخطيبي بس تخلص اوراقك تعال الشؤون الامنية بالاوراق وبنفس الوقت  نرفعلك طلب لتحليل السموم - تروح تدفع وخلال يومين توصلنا النتيجة لعندنا
بس غريبة اخوي مروان انك الطرف السعودي والمعاملة تقدمت من المدينة! اللي اعرفه لازم الطرف السعودي هو الي يقدم من مدينته وتكون المعاملة باسمك وبعدها تروح للمدينة لعند خطيبتك وتخلص امورها هناك.

مشهد الزواج الشرطة يعطوك اياه
ومشهد السكن عند العمده موجود ولاتنسى (خد معاك صورة من فاتورة كهرباء، عقد ايجار او صك ملك)
وللمشهدين تحتاج شهود 2 سعودين معاك

دحين قاللونا ان كوني انا الطرف السعودي وبجدة ف بس تخلص من الدمام هايرجعو كمان يرسلوها لعندي لجدة ومن عندي هتمشي للإدارات المختصة.

يعني المعاملة بس تحويل من جدة للشرقية وارجاعها لجدة تقريبا الشهرين كذا
بجدة اخدت المعاملة اسبوعين وحولوها للشرقية
مدة التحويل 10 ايام
ظلت بمديرية شرطة الدمام 5 ايام
وتحولت بعدها لشرطة الشمال وظلت عندهم قرابة 10 ايام لوصلت للشؤون الامنية عندهم

وبس تخلص اورق خطيبي
راح نرجع نفس المدة تقريبا 25 يوم لتوصل جدة

لاحول ولاقوة الا بالله
الله يسهلها ان شاء الله  وييسر امركم وامرنا

---

أنا من أهل المدينة و كنت موجود وقتها بالمدينة لما قدمت الطلب و عندي سكن هناك. بس المشكلة لما قدمت تعريف راتب العمل وانه بالشرقية قالوا لا نحولها للشرقية لانه مقر عملك بالشرقية. حاولت أكثر من مرة أنه تكمل الأجراءات من المدينة لكن رفضوا و قالوا لازم تتحول للشرقية أو انك تجيب الأوراق المطلوبة منك اللي في الشرقية بطريقتك و ترفقها لنا عشان توفر وقت. رحت لقسم الشرطة قالوا لأ ما نعطيك الأوراق هذه لين ملفك يجي.

أنا في حياتي ما وصلتني رسالة بأي مكان و ما في اي اتصال يجيني. يا انه اروح بنفسي أو احاول بطريقة أو تانية اكلم اشخاص يوصلوا يقولوا فين صارت المعاملة.

المتطلبات بسيطة و سهلة و تخلص في يومين ل3 بالكثير بس العيب الوقت اللي ضايع على ارسالية و انتظار الارسالية و مدة التحويل من مكان لمكان.

هيا تحولت يوم الأثنين مو دا اللي قبله.

إن شاء الله تتحول طوالي على المكان الرئيسي بدون الحاجة للتحويل من مركز شرطة لمديرية لشرطة اللي فيها مكان الطرف التاني.

المعاملة باسمي بس هي اللي توقفت عليه لما شافوا تعريف الراتب من الشرقية قالوا اجل لا نحولها للشرقية بعدين ترجع تاني للمدينة

---

الله يصلح الحال
عشان تعريف راتب يسوو الهرجة ذي
اضاعة وقت منجد بارسال وتحويل
بس ان شاء الله تتسهل على اهون سبب

اللي فهمته منهم
ان مديرية شرطة الدمام هو المكان الرئيسي بالشرقية لاستقبال معاملات الزواج ومن عندهم يحولوها لشرطة الحي الي تابع له الخطيبة او الخاطب

ولما تواصلت مع شرطة الحي الي تابع له خطيبي
مدير الشؤون الامنية يقولي مقدمين متاخرين خلصت السنة! قلت وش لنا بالمدارس حنا؟ مافي تأخير ولا شي
كل شي مقدر ومكتوب
احسهم غير عن الغربية في التعامل مانقول الا الله يصلح الحال يااارب

تواصل معاهم والله يكتبلك اللي فيه الخير وتتيسر معاملتكم وتتحول بسرعة

الله يوفقكم ويسهل امركم وامرنا يارب

---

أي و الله للأسف الأوراق كلها مكتملة و وراني هيا اللي في شرطة المدينة المنورة قدامي. ما كان أخذت يوم لو أعطاني هيا و سلمتها لهم بس الحمد لله على كل حال.

المشكلة في عشوائية في ده الكلام. في ناس أخذوا الأوراق هذه و مشوها من المدينة و هما من برا. و الشخص اللي ماسك المعاملة بالمدينة يقلي خذ الأوراق من هناك و ارسلها ليا احطها في الملف. طيب اعطيني الأوراق من عندك و اسويها يقلي لا جيبها مكتب من شرطة الشرقية.

إن شاء الله توصل الأسبوع ده و اخلصها في يومين بالكثير. الفحص الطبي اللي يطول منتهي عندي و ما اتوقع انه لازم اسوي فحص سموم لأنه خلصت الفحوصات الطبية في المدينة. و يقلي حاول تاخذ الملف منهم و ترسله ليا يكون اسرع. طيب لو رفضوا و يبغوا يمشوها صادر و وارد و خرابيط رح تقعد شهر تاني.

المشكلة الكل واحد يفتي و كل واحد مو فاهم و يعمل اللي براسه عشان كدا العشوائية في القرار حاصلة.

آمين إن شاء الله يا رب نسمع بكتابة عقدكم قريب و تبشرونا و عقبالنا احنا.

---

انا بجدة ماعطوني مجال للاخذ والعطى من عرفوا ان الخاطب برا جدة بس تعاملهم معايا كويس من بداية تسجيل المعاملة

وكلامك صحيح في ناس من برا وتمشي امورهم بس مانقول الا قدر الله وماشاء فعل اكيد كلو خيره من رب العالمين

فحص السموم فقط للخاطب الاجنبي
اذا فحصك منتهي هيدوك خطاب للمستشفى وتخلصو بنفسك
خطيبي حتى سجل المعاملة بالمستشفى  وقبل التسجيل سألوه ليش جايب الورقة بنفسك؟ المفروض في مندوب يجي من الشرطة او بالبريد! قالهم مدري هما عطوني الظرف. المهم بعد كل ذا اعطوه محاظرة انو لازم ياخد موعد للتحليل ومو يجي كذا. المهم بعد الاخذ معاهم عمل التحليل بنفس اليوم وعطوه موعد بعد 10 ايام ل 14 يوم.

بخصوص تاخد الملف منهم مااعتقد انه مسموح الكلام ذا لان زي ماقلت في صادر وفيه وارد ومن الهرجه ذي، بس حاول معاهم ليش لا
لان تحويل معاملة بالشرطة الرئيسية والحي اخذت معانا 15 يوم
والارسالية اخدت 10 ايام
يعني 25 يوم كذا

اهم شي مايضيعوا شي بالملف او ينقصوا شي من الورق
لان بظل المعاملة رايحه جايه وخد على مضيعة وقت

انا بشوف القصة مو افتاء، القصة تكمن بالتعامل الالكتروني، مازلنا بالبريد ونتعامل بالورق
ايش يضر لو القصة تصوير اسكان وارسال؟ او فاكس حتى؟
وفرنا مصاريف بريد! مصايف مندوب توصيل! ووقت اقل!

اللهم امين يبشرنا واياكم خير يارب

---

لا صراحة موضوع الفحص الطبي بالمدينة كان سريع و ما احتجنا لا موعد و لا شئ. الأوراق اخذناه و سوينا فحص الدم و بعدها باسبوعين سوينا فحص الجلدية و الباطنة و النفسية. النفسية فحصها بأي وقت.

إن شاء الله يا رب تتسهل على خير. اول ما توصلني اجيب اكلم العمدة و اجيب الشهود و يا ريت العمدة يكون فاضي بعد العشا و ما يداوم الصباح احسن له عشان رمضان دحين.

ممكن بالله تعطيني رقم التواصل على مديرية الشرطة بالدمام

هل هوا نفس ده الرقم:
0138320000

عشان اتأكد منهم بكره بأذن الله.

يعطيكي الف عافية و ما قصرتي

---

نعم هذا الرقم نفسه
ومكانهم مقابل مول اللولو وجنب امارة الشرقية

الله يعافيك
ويارب ييسر امركم وامرنا اللهم امين