السلام عليكم و رحمة الله و بركاته
حابة اذكر لكم تفاصيل المعاملة من أمارة الرياض
زواج سعودية من أجنبي مولود بالسعودية.
بالبداية تاريخ ٣-٧-١٤٤٠، ١٠-٣-٢٠١٩
رحت لأمارة الرياض القسم النسوي
و أخذت ورقة الشروط.
و أخذت خطاب للأحوال المدنية عشان البرنت.
الشروط المذكورة لازم تسوون الأوراق كلها بدون استثناء و اهم شيء ورقة خلو السوابق من بلد الخاطب عشان تقدرون تقدمون الطلب.
تاريخ ١-٤-٢٠١٩ ،٢٥-٧-١٤٤٠ قدمت المعاملة للأمارة عند القسم النسوي بعد ما تتأكد الموظفة من الأوراق طلبت مني اسوي فهرسة بالمكتبة اللي موجودة عند الأمارة و بعدها عبيت استمارة الطلب.
بعد كذا وصلتني رسالة فيها رقم المعاملة على جوالي عشان اتابعها عن طريق التلفون أو الموقع.
تاريخ ١٨-٤-٢٠١٩،١٣-٨-٢٠١٩ وصلتني رسالة بالموافقة و ان المعاملة صدرت لمحكمة الأحوال الشخصيه.
اليوم اللي بعده راجعت المحكمة اللي بحي الياسمين و كانت لسى ماوصلت لهم. واحد الموظفين بلغنا انها توصلهم متأخر و بعد كذا تروح لمحكمة الأحوال بشرق الرياض حي السلي.
يعني اذا وصلتكم الرسالة روحوا للمحكمة بعد اسبوع عشان تضمنون ان المعاملة وصلت.
بعد ماوصلت المعاملة المحكمة بشرق الرياض طلبوا من الخاطب انه يختم ورقة خلو السوابق بوزارة العدل بالعليا و راح و ما اخذ الموضوع الا دقايق.
رجعنا لهم بعد كذا و اخذنا خطابات التحاليل
واحد لمستشفى الملك سعود للأمراض الصدرية
و الثاني لمدينة الملك سعود الطبية عشان تحليل الزواج. "التحليل للزوجة و الخاطب كلهم يسوونه"
طبعاً نتيجة الصدرية استلمناها بنفس اليوم
و تحليل الزواج بعد ثلاث ايام.
و بعد ما اخذنا نتيجة التحاليل رحنا للمحكمة و الحمدلله عقدنا النكاح بتاريخ ١٢-٥-٢٠١٩ ٧-٩-١٤٤٠
بدون موعد بس فيه طلب تعبونه عن طريق الموقع
و بعد كذا تدخلون على القاضي مع الشهود عشان العقد.
و بالتوفيق للجميع.
