تسجيل زوج مواطنة في التأمينات ومكتب العمل والجوازات

Question

سلام عليكم... متزوج من 5 سنوات ومهنتي حتى الآن مهندس ميكانيكي وما نقلت كفالتي على زوجتي حتى الآن... الآن استفسرت من الشركة بخصوص النقل على زوجتي، أفادوني ما يصير تشتغل معنا وكفالتك على زوجتك لأننا ما نقدر نسجلك في التأمينات وكذا مكان ثاني (صراحة ماني ملم بالمواضيع هذي) ، بس هذا اللي فهمت منه...
ممكن أحد يفيدنا بالتفصيل عملية نقل الكفالة في الجوازات وبعدها مكتب العمل والتأمينات و هيئة المهندسين وأي منشأة اخرى تحتاج بيانات المقيم...

Answer 1

المفروض تتسجل عادي بس ماتنحسب في التامينات
بمعنى تنحسب بصفر يعني لانت وافد ولانت سعودي

Comments

معليش ما فهمتك.... تتسجل فين قصدك ( العمل او التأمينات) وهل التسجيل هنا يتم بعد نقل الكفالة في الجوازات؟؟

---

انت الان اصلا مسجل في التامينات الاجتماعية لان الشركة اللي انت تعمل بها الان اكيد ضايفاك من اول
نقل كفالتك على زوجتك مايغير في الامر شي المفروض بالنسبة لهم

Answer 2

طالما انك تشتغل عندهم حاليا بهنتك الحاليه معناها غير مسعوده
واذا نقلت عل زوجتك تقدر تشتغل عندهم بشكل نظامي افضل من داحين
هم شكلهم ما يبغوك تنقل وتقعد تحت رحمتهم.  سامحني فالتعبير

Answer 3

عادي تتسجل بالتامينات بوافد خاص بواحد سعودي في مهنة غير موطنه وتشتغل زيك زي السعودي بس كما ذكر الاخ بركات شكل الشركة يبغون تكون ع كفالتهم

Comments

ابو يوسف معد في وافد خاص اول كانت في ايقونه حقت وافد خاص فالتامينات الاجتماعيه وشالوها مدري عاد كيف الحين احس معد يحتسب زوج المواطنه في اي شي ابدا

---

عزيزي انا موظف في شركة  من زمان لما تزوجت ونقلت كفاله ع زوجتي الشركة طلبت مني صورة الهويه لزوجتي وصورة هويتي مع العقد وسجلوني وافد خاص وللحين مسجل معهم بواحد سعودي وجاني مكتب العمل وشاف الهويه ما تكلم بشي .
وكمان زميلي ملك ع بنت خاله سعوديه  ونقل عليها ع نهاية شعبان وسجلوه بالتامينات بوحد سعودي في مهنة غير موطنه
انا في شركة مجالها واسع قد يكون فيها شوية خلاف عندما تكون شركة عندها عدة مجالات من شركة مجالها واحد هنا تفرق بمهنة زوج مواطنه
ملاحظه زميلي عندما نقل كفالة راح سال في مكتب العمل ع وضع زوج مواطنة افاده مكتب العمل يشتغل عادي بمهنة غير موطنه وينحسب بواحد سعودي في المهن الغير موطنه

تحياتي لك

---

الله يسعدك ويجزاك خير ابو يوسف وينور دربك ياخي والله من يوم ما دخلت المنتدى ذا انت ماشاء الله انشط واحد وتحاول توجه الناس باللي تقدر عليه .. الله يرحم الام اللي جابتك والاب اللي رباك

---

وش هي شركة هذي الي انت فيها عشان اقدم هل راتب كويس ممكن اجابة بعد اذنك

---

ويسعدك يارب ويحفظ لك كل غالي عليك اخويا alking
بالنسبه لردي بالمنتدى بالشي القليل عن الشي الذي مريت فيه وافيد غيري بالذي ما يعرفه

---

اخي الفاضلsamealanze انا لي بالشركة بما يقارب ال8 السنين ما توظفت عندهم بمهنة زوج مواطنه بس الذي ابغا اوضحه لك انهم اعطوني تنازل ونقلت ع زوجتي واستمريت معهم بواحد سعودي ومسجل معهم بالتامينات بمهنة غير موطنه تحياتي لك

---

الظاهر هذا اللي صاير ولا النظام واضح  إنه يحتسب سعودي في مهنة غير مسعودة أو موطنة ... بس في ناس عندهم حب استعباد زي اللي عندنا في الموارد البشرية  بمعنى إنك مقيم وتكون على كفالة الشركة يعني إنت تحت رحمتهم وتصرفهم وما يبغوا الميزة هذي عليك تروح... لو كان في نظام إنه ما يقدر يمنعك تنقل على كفالة زوجتك وقتها ما حيتنعتو ويتعذروا...
على العموم الشركة هيا اللي تدفع وما فرق معها ولا فرقت معانا :) إلين ما الله يفرجها