هل استطيع عقد قراني من اجنبي غير مقيم داخل المملكه؟

Question

انا سعوديه وتقدمت بطلب زواج من اجنبي غير مقيم بالسعوديه..
اريد ان يتم الزواج داخل المملكه!
قمت برفع ارراق الزواج ورفع  نتائج فحص ماقبل الزواج لي وللخاطب لانه كان متواجد زياره بالسعوديه.
الان هو في بلده مقيم وننتظر الرد على الطلب..
قرأت في احد المقالات ان عقد الزواج من اجنبي غير مقيم يتم خارج المملكه بالرغم من اني طلبت ان يتم الزواج هنا بالسعوديه.. ارجو افادتي لمن مر بنفس التجربه وتم عقد قرانهم داخل المملكه.. مع العلم الخاطب ليس مقيم ولا يحمل اقامه داخل المملكه.

Answer 1

يا رب احد يفيدك انا كمان مهتمه في الموضوع

Answer 2

انا لما رحت قدمت اوراقي سألتني الموظفة اذا ابغا الزواج داخل او خارج المملكة وانا اخترت خارج المملكة في الدولة اللي خطيبي مقيم فيها وفعلاً راحت المعاملة للسفارة هناك ، بس سمعت الآن انو حالياً ما عاد في غير عقد خارج المملكة الا لبعض الحالات المستثناة ، بس انت روحي مركز الشرطة والأمارة واسأليهم لأنو القرارت كل يومين بتتغير ومن امارة لأمارة يختلف واحياناً بتلاقي الموظفين بيتصرفوا من عندهم .. ولكن لو قالو لك مافي الا خارج المملكة فالموضوع بسيط لا تشيلي هم انا مجربة ، روحي اعقدي هناك وارجعي ويجي هوا زيارة واعملي حفل الملكة والزواج .. الله ييسر لك أمرك

Comments

تسلمي والله عالرد .. انا كمان سالتني وقلتلها بالمملكه لان اهلي واهلو هنا، هوا يبغا هنا عشان اهلو يكونو معاه. وحسيت انو كل الناس تفتي في الاماره والشرطه .. بس الرد لما جاكي من الاماره واللا من الداخليه؟ وكم المده لما جاتك الموافقه؟ ايش كان خط سير المعامله بعد ماسلمتي اوراقك للشرطه والمده في كل مكان راحتلو المعامله؟

---

ما فهمت سؤالك عن اية رد اللي جاني من الأمارة او الداخلية ؟

سير المعاملة كان من الشرطة إلى أمارة مكة ومن الأمارة للداخلية ومن الداخلية لوزارة الخارجية ومنها للسفارة السعودية في أنقرة وانا سافرت لهناك واستلمتها من السفارة .. المعاملة كلها من وقت ما سلمتها الشرطة الى ما وصلت للسفارة أخدت شهرين ونص ، والله ما افتكر كم أخدت في كل قسم

اذا الموظفة سألتك وقلتيلها هنا وسجلت في الأوراق انو العقد هنا فالمفروض خلاص ما يتغير وانو يتم داخل السعودية بس اجراءات المعاملة حتكون طويلة أطول من لما تطلبي العقد في الخارج ، أنا وقت ما سألت قالوا مو أقل من ٥ شهور وممكن أكتر

---

الله يسعدك ويوفقك يارب، ويسهلها علينا اجمعين.
الرد اللي اقصد من الاماره او الداخليه.. اللي هي الموفقه.. يعني قرار الموافقه على الزواج صدر من الاماره او من الداخليه.
ماقصرتي والله عالرد كفيتي ووفيتي الله يديك العافيه .

---

آمين يارب واياك .. قرار الموافقة صدر من الداخلية وطالما خطيبك غير مقيم فأكيد الموافقة حتصدر من هناك ولو عقدك داخل السعودية حترجع للأمارة لو عقدك في الخارج حتترسل لوزارة الخارجية ومنها للسفارة .

---

شكرا مره عالرد.. في سؤال ثاني .. ايش الطلبات اللي طلبتها السفاره من الخاطب؟ لانو كل ما اسأل في الشرطه تقول مالنا دخل فيه السفاره حتطلب منو طلبات واجرأت يسويها.. طبعا بس اخدو مني صوره جواز السفر و خطاب خلو سوابق من بلده مترجم..