السلام عليكم ورحمه الله تعالى وبركاته

Question

السلام عليكم ورحمه تعالى وبركاته
أنا تونسي الأصل وجنسيتي فرنسيه واعيش في فرنسا يعني غير مقيم وخطيبتي سعوديه من المدينة المنورة وتعيش في السعوديه ، ودحين معامله زواجنا بقالها تقريباً سنه واربع شهور او اكثر ولسى مستنين ، آخر طلب من شهرين تقريباً وأول أوراق يطلبوها مني ورقه تثبت إني ماسبق لي الزواج بسعوديه وشهاده في عدم السوابق الجنائية ، وعندنا رقم القيد لأنها تحولت على الاماره ولما نتابع دايما تحت الاجراء  ، مش عارفين إيش نسوي طولت مررررا ، ومش عارفين حتى فين حايكون الزواج هنا في فرنسا أو بالسعوديه ماعندنا اخبار لأي شئ وفاضلبن نستنى .هل حد يعرف من فضلكم كيف يتم الزواج بالضبط بين اجنبي غير مقيم وفين ، ولمتى نفضل نستنى او لو فيه أي شيء نقدر تسويه بدل مانستنى سنتين أو مش عارف كم .
شكرا مسبقا لكل من يقدر يساعدنا ويرشدنا لأننا بجد مش عارفين ولا شئ احنا الاثنين وطالت المده بجد

Comments

العقد يكون في فرنسا لانه الخاطب غير مقيم)
ايش الأوراق الي طلبو غير خلو السوابق و شهادة العزوبه)

---

بس الورقتين دول لدحين ما طلبو مني شئ ثاني غير من الأول طبعاً جواز السفر من أول الطلب .
في فرنسا يكون العقد ، احسن والله ياريت اسهل هنا أضن .
أنا آسف ، (حفض دائم) إيش يعني بالضبط أنا شايف ده مكتوب دحين لما احط رقم القيد في موقع أبشر .
ياريت حد يقدر يساعدني من فضلكم

---

اوراقكم كاملة، يمكن فيه ملاحظات علي الأوراق ولا شي ناقص لازم خطيبتك تراجعهم ولا اتصل جوال و اسألهم)

---

يااااااااااااارب
شكراً على اجابتك انشاء الله تراجعهم اليوم بإذن الله .
لازم هيا إلي تراجعهم ؟ أنا ما أقدر من هنا من فرنسا اكلمهم وأسأل ؟
وايه المراحل إلي تيجي بعدين ؟ الأوراق فيه هيا وفين تروح بعدين ؟ هل للسفاره بباريس ؟ والعقد يكون في فرنسا يعني خطيبتي يدوها أوراق تيجي بيها عشان العقد ( تاخذ فيزا للزواج ) . محنا فاهمين شئ ولدحين بقالنا تقريباً سنتين واحنا نستنى .

---

انشاء الله احاول معاها تسألهم تكلمهم ، أيوا مرررررررا طولو معانا،
سالو أخوها ولي أمرها هوا فين تحبو يكون العقد هوا طلب في السعوديه ، والشرطه ضبعو الأوراق في الأول لمده شهرين مش لاقينهم وبعدين غريبه مره وحده طلعوا عشان اخوها قال انو يشتكي ، حتى التحاليل الأولى خلصت وطلبو منها تجديد التحاليل حقتها ، مرررررررا عذبوها ولما تكلمهم مايلاقو الرقم ، ولا حتى باسمها ، وأنا من هنا مش عارف إيش أسوي .

---

طيب انشاء الله  
احاول لاني والله لسى ماخبرتها انهم كاتبين على أبشر ( حفض دائم ) خايف عليها تنصدم ، عارفها تقوم تعيط وتمرض  ، خبرت اخوانها وقلت لهم هما ، أخوها حا يروح يسأل في الاماره ة، ومستني اتاكد الأول  ، من كم شهر جاتنا قالولنا على على رفض كانت مسكينه مرضت وماتاكل ولا شئ كم يوم فضلت كده .بس احاول أشوف كيف .
 ياريت والله تتواصل معاكي حتى بالجوال تفهميها .
شكرا والله ، يارب تقدر تساعدنا مش عارفين إيش نسوي والله

---

طيب حاضر
خلاص أخذت الرقم
شكرا بس أنا في الدوام دحين اكلمك بعدين ،لعد ساعه ساعه ونصف تقريبا لو ممكن

---

آه آسف خطيبتي قصدك يمكن هيأ إلي ممكن تتواصل معاكي على ده الرقم ما فهمت من الأول

---

ايوة عشان هيا الطرف السعودي)

---

حاولت أقلها ماقدرت ، حاولت المح لها شويه ، قلتلها تكلمك من غير ما أقلها على الرفض ، تقلي لا نستنى ، ختيحي الموافقه قريب انشاء الله
خايفه أحسها
حاير والله

---

الشرطه طالبين ترجمه الأوراق  إلي طلبوها مني اخر مره إلي هيا خلو السوابق وشهاده تثبت عدم زواجي مسبق ب  امراه سعوديه ، أنا بس اديتهم شهاده ميلادي مكتوب فيها كل شئ ،
فين أقدر اترجم الأوراق ديه عشان يقبلوا طبعاً وكيف اختمها وفين ؟ هنا مافيه ختم أوراق ،خصوصا أوراق الدوله ورسميه فيها ختم الدوله مافيها يعني تزوير ولا شئ . وطبعا بقول يكمن فيه مترجمين يشتغلو بس مع السفاره السعوديه او شيء . او مترجم عادي .

Answer 1

ترا رقم المعامله يتغير ولو مهما حطيت الرقم الي معاك حتفضل تحت الاجراء خليها تتصل هيا عليهم وتعطيهم رقم هويتها وهويه ابوها  وتعرف الي صار لازم لازم كل شوي تتصل عليهم  وبعدين تشوف رقم المعلمله الجديد  عشان تعرفو ايش صار

Comments

شكرا على الاجابه
يارب يكون يتغير ، لاني اليوم طلعت على أبشر وكانو كاتبين ( حفض دائم) مرررررررا انصدمت ،يا رب يكون غلط

---

طيب لو سمحتي اذا رجعت المعامله من الداخليه بسبب نواقص هل ممكن انها ترجع تاني وتتأخر !

---

ععادي حبيبتي بتكملو النواقص ويرجعو برجعوها لهم ممكن تتاخر شوي بس  معليه تحمليهم والله انا وزوجي نشفو دمنا بس الحمد لله عدت

---

يعني ترجع نفس المده شهر وعليها ونفس الإجراءات من اول وتالي ):