ممكن الاجابة للضرورة

Question

اخي الكريم انا زوج مواطنه سعودية
وقد تقدمت بطلب الاقامة لي و لاولادي وتم تقديم الطلب من حوالي شهرين وقدمنا جميع الاوراق المطلوبه  وسوينا الفحص الطبي وتم دفع الرسوم البالغه 20 الف ريال سعودي لي ولاولادي .. والى الان لم نستلم الاقامة هل من المعقول ان تاخذ الاجراءات لهذه المده ...

Answer 1

رسوم 20 ألف ريال سعودي..؟؟؟؟

ليش إن شاء الله ، وش السالفة..

عموماً لابد أنك ترجع تقدم مرة ثانية ، المعاملات في أخوان كثير أبلغوني أنه معاملاتهم ضاعت ، والجوازات تتهرب بالموضوع بطلب إعادة تقديم معاملات أو يقولون ما وصلنا شيء..

الله يعينك أخوي، لابد من إعادة تقديم المعاملة ، وبإذن الله أسبوع بالكثير تكون جاهزة..

وأنصحك أنه أي شيء يصير معاك ، تروح لمدير الصالة ، وإذا ما ساعدك تروح للعميد أو العقيد اللي مداوم فيهم ، وتشرح له الموضوع ، وإن شاء الله لازم يساعدونك..

نأمل فقط تشرح لنا وش قصة ال 20 ألف هذي..؟؟؟


تحياتي..

Comments

اللي صار اخي الكريم انه بعد ما قدمت جميع الاوراق المطلوبه اوراق نضامية مية بالمية وتم التاكيد عليها انها نضامية اخذ الموضوع معي مده اسبوعين هذا الكلام بعد العيد وبعد كذا طلبو منا نسوي تحليل طبي وسوينا التحليل الطبي وراحت لهم نتائج الفحص الطبي والحمدلله كلها سليمة ... يوم جينا نستخرج بطاقات الاقامة طلبو منا مبلغ 2500 ريال على كل جواز وحنا 8 افراد وانا من بينهم .. جيت على الموظف وقلتله بالنسبه للرسوم في امر ملكي انه حنا معفيين من دفع الرسوم وانه يقول اوكي في قرار مثل هذا وامر ملكي بس للحين مو مبرمج على الكمبيوتر ولازم تدفع لا ورحت للعميد وكلمته وقلته هالكلام ما اعطاني زبدة الموضوع او ما ادري وش قصته ... قال لازم تدفع 20 الف عن كل فرد 2500 ... هذا الكلام كله بالجوازات اللي بالوشم
للعلم اخي انا جيت المملكة من شهر 6 ميلادي على تاشيرة زيارة مرافق لزوجتي والى الان ما صار شي معي .... اخر شي بعد ما دفعنا المبلغ اعطوني استمارة وانه لازم نعبيها جيت وعبيتها وانهم يقولو خلص كذا بتروح على الملز تاخذ لها اجراءات هذا الكلام يوم الخميس الماضي ورحت اليوم اراجعهم وانه يقولو للحين ما جانا شي من الملز راجعنا بعد يوم يومين ... والمشكلة عند اولادي مدارس للحين ماني عارف وش اسوي

Answer 2

اولا ربي يسهل امرك .. وادارة الوافدين اللي في الملز
اي اوراق تتحول لها تاخذ لها من 15 يوم الى 25 يوم
الصبر مفتاح الفرج .. ولكن عندي سؤالين
اذا كانت عن كل واحد من افراد العائله المفروض
2000 ريال قيمة التأشيره مو 2500 ريال
زي المولود اللي خارج المملكه رسوم اصدار اقامته الجديده
2000 ريال رسوم اصدار تأشيره جديده ليش زادو عليكم 500 ريال

الشي الثاني والمهم والأهم كيف دفعت المبلغ
هل عن طريق صراف او عن طريق البنك لوزارة الخارجيه او الماليه
اهم شئ لا يكون دفعتهم كاش ..!!

Comments

الله يجيب اللي فيه الخير......
الدفع كان عن طريق الصراف الراجحي