التقديم على معاملة الزواج من اجنبي اول خطوه ايش؟

Question

الله يرضالي عليكم جاوبوني
انا في الرياض اول شي
هل فيه احد فيكم قدم على معاملة زواج الكتروني؟  كيف؟
دخلت موقع امارة الرياض مافي شي للتقديم

https://www.moi.gov.sa/wps/portal/Home/emirates/riyadh/contents/!ut/p/z1/rZJNc4IwEIb_ih56dLKQIHCMOgWqdUYsIrkwEaKllQ8xattf39hxxkOrtGNzSjK7777P7iKG5ogVfJ-tuMzKgq_VO2LdGDxCXI3oQ-fR7wOd9I0pGXsAuo7Cr4C-Q11ijgCskWOAR93AtycYA8WI_SYfLhwKTfkzxBBLClnJZxStRCFqvr6D06WVlIUUhWzx-g5Ezmsut62qLhOR7mqx_ekvxnEqlmu-kzGvj9pVkqUoWph2aitDZGkYNghhE91cktTomomlL84cl42y65hTVe2hCVZNI3vZbBhVyEeyN4nm_84cHqmv-Bhq3wLooAeU4ok9NDwNRuQUcG0rmvoRqX6a5xKW0zOUh9mAar6L4R6jcJ-JAwqKss7Vnk7_MCq3SX1GblBvkNZukK7yIMgt_N5xws6r7370xh2nv7AOT7Td_gSirPA2/dz/d5/L2dBISEvZ0FBIS9nQSEh/

وكيف سالفة ولي الامر ايش المطلوب من ابويا يسوي
ابغا بالترتيب لو سمحتم والله مره ضايعه وتايهه قد مااقرا مني فاهمة شيء وانا اهلي معتمدين عليا بكل شي ابغا احد يفهمني اول حاجه اسويها ايش
اروح الامارة بنفسي واقولهم ابغا اتزوج اجنبي ايش الاشياء المطلوبه؟ ولا ايش اسوي
انا اسفة على التوتر بس الصدق اني جالسة اكتب الموضوع هذا وانا ابكي لاني تايهة واهلي معتمدين علي بكل شيء يقولون انتي علمينا واحس فيه ثقل مو طبيعي علي لان ماعرف حتى وش اول خطوه احط رجلي عليها وش اسوي اول شي اكلم مين وارفع عند مين
علما اني موظفة وهو موظف وكلنا بالرياض
ساعدوني الله يدخلكم الجنة من غير حساب ابغا اول خطوه من الصفر ايش المفروض اسوي اروح اقدم على الامارة ارفع طلب الكتروني ولا استنى تفتح الدنيا واروح اقدم ولاا ايش اسوي؟ المعذرة اذا كلامي ملخبط لكن والله من كثر مابحثت ودورت ولا فهمت ماعرفت ايش اسوي

الله يفرجها على كل شخص حاول يساعدني ويرشدني

Comments

انا دخلت الحين اشوف لك لقيت اماره الرياض فيها طلب اكتروني للزواج
ادخلي اماره الرياض الرئيسيه ، بعدين الخدمات الاكترونيه بعدين طلب زواج سعوديه من غير سعودي وبعدين حطي مستخدم جديد وسجلي بياناتك  وتابعي المعامله اكترونيا بس

---

وخليك دقيييقه كل البيانات صحيحه وحطي رقم جوالك بدال رقم ابوك ، بعدين يجيك تم تقديم المعامله ، ويصير تتابعيها كل فتره ادخلي وتشوفين انها راحت للشرطه يقولون لك اتحولت للشرطه وروحي للشرطه قسم النساء وتعطيك الاوراق المطلوبه تعبيتها وتقولك كل التفاصيل

---

ارفعي الطلب اكترونيا اسرع واسهللل لك وما يحتاجون ولي امرك ابداً الا في نهايه المعامله وانتي لا تشيلي هم اي شي، امشي خطوه خطوه

---

الله يسعدك يا امنية ويفرجها عليك ويريح بالك ايه لقيت الي تقولين عليه
طيب متى راح يحتاجون ابوي؟ متى ابوي يصير المفروض يكون متواجد لاني عايشه بمدينة وابوي بمدينة ثانيه وشايفه الاوضاع كيف كل شيء مقفل الان

---

يعني مايحتاج ابوي يكتب خطاب انه موافق ومن هذا الكلام المكتوب بالموقع؟

---

لا ياعمري ما يحتاج ابوك الورقه دام التقديم اكترونيا ،، وابوك تحتاجينه في اخر خطوه لما تروحي الشرطه و تاخذي الاوراق من عندهم وتعطي الي تخص خطيبك يكمل اشياءه و كذا وانتي تكملي اوراقك ويصير وقتها ابوك يختم على ورقه من عنده الحي ، يعني يقر انه موافق على زواجك ويختمها من عمده الحي الي انتي ساكنه فيه وهذي بتتسهل لك ان شاء الله ، انتي لا تشيلي هم اصلا الشرطه غالبا ما بتعطيك الاوراق الا بعد الازمه عشان فيها تحاليل والاحوال وهذي كلها موقفه حاليا ، ادعي لي بالله من قلبببببك لا تنسيييني ❤️❤️❤️

---

لما تقدمي المعامله يجيك رقم المعامله احفظييه عندك ممممهم عشان تشوفي المعامله فين وصلت

---

هذي تقريبا طلبات الشرطه /
أول زيارة لقسم الشرطة:
١- يكون معاك صورة لهوية الخاطب ( إثبات انه بيشتغل)
٢- يكون عندك صورة من شهادة الميلاد اذا كان مواليد السعودية

قسم الزواج في ٣ مكاتب انت وحظك معاملتك تكون مع أيت وحدة هناك، صدقيني اهم شي التعامل الكويس والكلمة والدعوة الحلوة للموظفة وكل امورك تمشي ان شاءالله
————————————————————
للمخطوبة:
١- صورة للهوية الوطنية مع احضار الاصل للمطابقة
٢- برنت من الاحوال المدنية -احجزي موعد-
( تتاكدي انو كل بياناتك عندهم صحيحة، تقدري تعدلي عليهم لو في شي غلط)
‎٣- رح تعطيك ورقة بموافقة ولي الامر على الزواج  ويختم من عمده الحي
‎٤- ربه منزل رح تعطيك ورقة انك ربه منزل مع ٢ شهود وتروحوا عند عمده الحي يشهدو ويوقعوا ويختم عليها عمده الحي
—————————————————————

‎٥- الفحص الطبي الاصل و صوره منه للمطابقة





‎الخاطب:
‎١- صورة للهوية الوطنية مع الاصل. ( اذا كانت التاريخ يلي في البطاقة مو نفس السنة يطبع من موقع ابشر اثبات انها مجددة)
‎٢- صورة لجواز السفر مع الاصل
‎٣- كرت الادلة الجنائية
‎٤- مشهد مصدق من العمدة ان لم يسبق له الزواج من سعودية
‎٥-تعريف بالراتب مصدق من الغرفة التجارية
‎٦- خلو سوابق من البلد الام

---

بحق هذا اليوم الفضيل يا امنيه الله يجبر بخاطرك ويريح بالك ويعطيك حتى يرضيك ويسخرلك الارض ومن عليها في كل امور حياتك، ماعرف كيف اشكرك لكن تذكري دايما انك ماراح تغيبي من دعواتي باذن واحد احد.. الله يسعدك الله يسعدك زي مانورتيني وانا بعز الحاجة

---

اميييين يارب والله اني مبسووططه بهالدعوات

---

امنية الله يسعدك بسألك
ابوي ساكن بمدينة غير مدينتي هل فيه طريقه مثلا يكتب خطاب الموافقة ويرسله وانا اوديه العمدة او هو بمدينته يكتب الخطاب ويختمه من عند العمدة بمدينته ويرسله لي؟

Answer 1

الاخت امنيه جاوبتك بالتوفيق يارب