شرط العمر غير مطابق وانا عمري ٢٨ سنه

Question

السلام عليكم
اخواني واخواتي ساعدوني الله يرضى عليكم
انا سعودية
جيت بقدم على معاملة زواج من اجنبي مقيم، على موقع امارة الرياض
 وحطيت جميع بياناتي عمري ٢٨ سنه  هم طلبو بياناتي انا فقط
يوم سويت ارسال قال شرط العمر غير مطابق! انا مواليد ١٤١٣ ورفضوه وبالغلط وانا اعدل بالتواريخ حطيت ١٤٤٠ مانتبهت ولما رفعتها رفعو الطلب مرتين
هل هذا الشي ممكن يأثر؟ مو انا بالاخير راح ارفع اوراقي لما ينادوني ويشوفو عمري وكل شي واصلا عمري مناسب ليش كذا قاعد يصير؟
الله يرضى عليكم ايش الحل كيف ممكن اقدم ايش اسوي؟ الان فتحو الدنيا بس ماني عارفه وين اتوجه
الله يفرجها عليكم احتاج احد يرشدني

Answer 1

الله يسر لك امرك اختي، اسمعي البيانات الخاطئة عادي تتعدل و لا تشيلين هم. كثير أخطأ صارت لناس اما في اسم او عمر او  غيره. باقلك طريقتي، انا رفعت معروض للامارة موضح فيه طلبي و لاسباب للزواج من خارج المملكة، الامارة حولت المعاملة للشرطة (قسم الزواج) و بعدين الشرطة  طلبو مني اوراق مثل الهوية و اثبات سكن و تحاليل وبيانات الطرف الاخر .... الخ.  كان فيه أخطأ في معاملتي و رجعوها و تعدلت و ثم ارسلوها،  لوزارة الداخلية
بالتوفيق يارب لكم

Comments

اللهم امين الله يسعدك
اخوي طيب بسالك انت قدمت الكتروني بنفس طريقتي بالبداية وبعدين رسلوا لك رسالة نصية؟ ولا المعروض رحت بنفسك للامارة ورسلته

---

لا يدوي، شفت ناس تعاني من الالكتروني مادري ليه. بالنسبه لي يدوي افضل.