السلام عليكم
اخواني واخواتي ارجو الرد الله يرضى عليكم
انا رفعت معاملة في موقع امارة الرياض والحالة حقت الطلب "قيد التحقيق"
كم بالعادة ياخذ وقت؟ ومتى يرسلون لي رساله نصيه برقم المعاملة لأن الى الان ماجاتني رسالة نصية على جوالي اللي سجلته بالمعاملة
انا ارفقت فقط صورة من بطاقة احوالي وبياناتي كاملة
ورقم المعاملات بالعادة يتكون من اي خانة؟
والسؤال المهم هل صحيح ان المعاملات واقفة هذي الايام؟ لان تخيلو اتصلت على امارة الرياض رد علي شخص باين عليه كبير بالسن
قال لي الان كل شي موقف الين ازمة كورونا تخلص قلت له اخوي بس انتو رجعتو تداومون كيف كذا قال محد يدري متى يكملون المعاملات يمكن يوم يمكن اسبوع يمكن شهر
فأبغا اعرف كلامه صح ولا بس قال لي هذا الكلام عشان يسكتني لأني كنت استفسر عن نفس الاستفسار اللي كتبته بالبدايه و وضح لي ان ماعنده فكرة
هل اقدر اروح الامارة الاسبوع الجاي بما ان الاسبوع الجاي تبدأ دواماتهم؟ اذا بموعد كيف احجز الموعد؟
ارجوكم ساعدوني، يارب قريب اجي ابشركم بانه تم زواجنا بكل يسر
