معاملتي الان في المحكمة ابغى ينورني

Question

اخواني الاعزاء ابغى احد ينورني انا معاملتي الان في محكمة الاحوال الشخصية صدرت من الامارة كيف طريقة متابعة المعاملة والى الان ما عملت تحاليل ما قبل الزواج وطلبت موعد رفض نتمنى احد يشرح لي الوضع وجزاكم الله خيرا

Comments

اليوم تم الذهاب على محكمة الاحوال الشخصية فى الوروود
وكان الاستقبال عند باب المحكمة الخارجي فى 4 موظفين للاستقبال المعاملات وعند السوال عن معاملة زواج اجبني و سعودية او العكس وعلى  حسب كلام الموظف انو قسم معاملات الزواج لا يوجد فى الفرع و الذهاب الى محكمة الجزائية قبل رد سى مول وعند الذهاب كان الباب مقفل لا يوجد استقبال الا بموعد من ناجز او استفسار عن معاملة الاتصال على رقم / 0122278865
من الساعة 9 الى 10 الصباح ساعة فقط .
من يوميات معاناه الزواج ............
الله يسر امورينا و اموركم جميعا .

---

تم اضافة محمكة الاحوال الشخصية بجده . الي يحتاج ياخذ موعد يقدم ياجماعه . موفقين يارب

---

الله يوفقك ، ايوه زي ما قلت تعيد تسوي التحاليل وتاخذ موعد والله يوفقكم

Answer 1

اذا انت بجدة روح لمحمكة الاحوال الشخصية الي بطريق الملك  , راح تلاقي ورقة على الباب عليها  التفاصيل وحاطين رقم تتصل يرد الموظف تعطية اسمك واسمها يطبعلك ورقة تروح تعمل التحاليل بموجبها بمختبر فحص الزواج , بعد تطلع النتيجه تدخل موقع وزارة العدل , وتدخل الدوائر الانهائيه وتطلب عقد زواج وتعبي البيانات كلها .

Comments

انا معاملتي في محكمة الرياض ما اعرف هل نفس الوضع ولا يختلف شكرا لك على التوضيح يعطيك الف عافية

---

طيب تمام بيكون نفس الاجراء. عندك رقم الموافقه الصادرة من الاماره للمحمكه  تدخل موقع وزارة العدل وتدخل الدوائر الانهائيه منها تدخل لعقود الزواج  راح يطلب منك تعبي بياناتك وبيانات العروس وولي امرها والشهود والتقرير الطبي رقمه وتاريخه وترفع بياناتك. وراح يجيك الرد برساله على جوالك وبعدها تطلع المحكمه تعقد والف مبروك وعقبال الباقيين يارب .

---

انا ما عملت الفحص الطبي لازم اروح عندهم اخذ الخطاب الموجه للمستشفى لعمل الفحوصات

---

استفسار بسيط كيف مشيت المعامله بدون التحاليل الطبية ؟؟. المشكلة يحطوها ببداية التقديم . اذا ماعملتها القاضي راح يطلب منك تروح تعملها يفضل تتوجه للمحكمه وتسالهم.

---

السلام عليكم ...
لو تكرمت انا عندي رقم الموافقه وكل شي تمام الحمد لله ادخل اخذ موعد للعقد من الدوائر الانهائيه ولا موعد من المواعيد الجديده المحكمه الاحوال الشخصيه ؟شوي لخبط
يعطيك العافيه

---

انا دخلت اخذت من الدوائر الانهائية . لانه بالمواعيد تبع ناجز مافيها عقد زواج . وكمان مافيها تعبي البيانات تبع العريس والعروس والشهود والتقرير الطبي . وبالنهايه اذا مشينا على طريقة المحكمه السابقه . اول حاجه تعبي البيانات . طبعا خطيبك يعبيها وراح تجيله مسج على جواله اذا البيانات كامله ومافي نقص . وبعدها اكيد يجيكم الموعد بالتوجه للمحكمه او انه تدخل على ناجز تاخذو موعد للحضور للمحكمه . زمان كان تعبي البيانات وتروحي للمحكمه عشان يطبعولك موعد بعد مايتاكدو من البيانات الي بالسيستم الي دخلتوها .

---

الله يعطيك العافيه ماقصرت طيب بعد ما عبيت البيانات جاك موعد ولا لسة؟ انا الصراحه اخذت موعد من محكمه الاحوال الشخصيه الانهائيات وشرحت الحاله وينتظر الرد وكنت بفكر بعد مايجي رد الموعد اخلي خطيبي يعبي البيانات الثانيه إلى قلت لها ..
الله يسعدك

---

للاسف تعلقت المعامله عشان تحاليلنا عدت عليها اكثر من سته اشهر , بس الحمد لله اخذنا ورقة من المحكمه وعدنا التحاليل وبس تطلع النتائج راح نرفع التقرير الجديد وان شاء الله يجينا الموعد.. اسمعي خليه يدخل يعبي البيانات احسن . لانه  بالنهايه راح يطلبو منه يدخل على الموقع ويقدم طلب زواج . اغنمو الوقت ...

---

ان شاء الله الله يسهلكم ويسهلنا
بالتوفيق

---

السلام عليكم..
في احد من الإخوان اخذ موعد وجاله انا لي ٣ ايام ولسى تحت الدراسه

---

اخذتو موعد عن طريق ناجز ولا دخلتو اخذتو عن طريق الدوائر الانهائيه وعبيتو بياناتكم ؟؟؟

---

عن طريق ناجز الدوائر الانهائيه بحكمه الاحوال الشخصيه بجده

---

طيب الموعد الي تبغي تقدميه لي ايش . عقد زواج ولا تبغي تروحي تستفسري عن المعامله

---

عقد زواج معانا رقم الموافقه والتحاليل كام المفروض نعقد قبل ٣ شهور قبل ما تسير الازمه

---

طيب اعملي نفس الي سويت وراح تجي رساله على جوال خطيبك . ادخلو موقع وزارة العدل بس مو ناجز , ادخلي المحاكم بعدين الدوائر الانهائيه بعدين اختارو خدمة عقد زواج وعبي البيانات تبعه وتبعك وتبع الشهود والتقرير الطبي ورقم الموافقه . وراح تجي رساله على جواله .  وان شاء الله يجيكم موعد انكم تتوجهو للمحكمه تعقدو .

---

نفس وضعي المفروض نعقد برضو من ثلاث اشهر . بس تحاليلنا انتهت ولازم نعيد . تتسهل ان شاء الله . المهم معاملتنا معلقة بالنظام الين نحط تقرير جديد .

---

الحمد لله ع كل حال الموضوع جدا متعب سار لكن الله يفرجها من عنده.
بالله خبرني اذا سار معاك جديد وانا نفس الشي ان شاء الله

---

ان شاء الله , الله يكتبلنا الخير ويفرجها على الجميع  . اكيد راح اخبرك ان شاء الله , وانت جربي الي قلتلك هو خلال 24 او 48 ساعه وان شاء الله اقل راح تجي رساله على جواله .

---

المشكلة تحليلي من الطائف وخطيبتي تحليلها من جدة وتحليلها انتهى في رجب وتحليلي انتهى في أواخر شهر رمضان ورفعت طلب وحطيت رقم التقرير حقي وأنتظر الرد

---

احسن لكم خذو خطاب واحد من محكمه جدة تبع الاحوال الشخصيه وانزل سو التحاليل في المختبر الاقليمي بجدة . الخطاب بوقته يطلع بس اتصل على الرقم 0122278701 راح يرد موظف ياخذ اسمك واسمها ويقلك انتظر عن باب المحمكه دقايق ويعطيك وجري روح عيد التحاليل بالمختبر انت وهيا بيوم واحد . وخلوها معاكم ماتعرف ايش ممكن يقلك الشيخ لما يشوف تحاليلكم منتهيه .

---

ما يردو على الأرقام وذا الرقم كنت اتصل وشكله انلغى اليوم ..
طيب اطلب خطاب حتى لو المعاملة ما وصلت عندهم ؟

---

في رقم ثاني 012278808 . انا اعطاني الخطاب بدون مايتاكد اذا معاملتي وصلت ولا لا , يدوب طلب مني اسمي كامل واسم خطيبي كامل وحطه بخطاب موجه للمختبر وبنفس اليوم رحت وعملت التحاليل . لما توصل المختبر قلهم اعادة تحاليل عشان لايقولولك خذ موعد . للاعادة يقبلو بدون مواعيد . خلي التقرير القديم معاكم .
حاول تروح الساعه ثمنيه وتتصل الصبح اول مايبدا الدوام

---

عندي الرقم كمان بس ما يردو جلست يومين اتصل عليهم بس متى الوقت اللي اتصلتو فيه عشان اعرف ؟

---

السلام عليكم ..
للاسف جاتني اليوم رساله على الجوال بان الموعد لم يتم قبوله والسبب ان الخدمه متوفره الكترونيا مدري ليش قصدهم وايش الحل ع شان نقدر ندخل نعقد

---

قصدك الي قدمتيه عن طريق ناجز بعدين اخترتي المحكمه بعدين مواعيد صح

---

بزبط كذا عملت

---

شوفي كيف شرحت لك فوق , الخدمة موجودة من قبل ناجز , قلتلك تدخلي  موقع وزارة العدل بعدين المحاكم بعدين الانهائات بعدين تدخلي الدخول للخدمة وتلاقي عقد زواج تدخلي تعبي البيانات, هذا الصح هذي الي قلتلك خطيبك راح يجيه رساله على جواله .

---

طيب ان شاء الله راح اعمل كذا بس لمن تجي رساله تجي بوقت الموعد إلى نروح فيه المحكمه ولا كيف ؟
الله يسعدك ويسهل امرك

---

زي ماقلتلك انا عملت كل حاجه وعبيت البيانات بس للاسف ماجانا موعد , لانه تحاليلنا عدى عليها سته اشهر وكانت الرساله الي تجي على جوال خطيبي ( طلبكم معلق ) ولما نرجع للطلب الي قدمناه يطلع السبب. بس اذا كل اوراقكم كامله ان شاء الله الرد راح يجي اكيد بالموعد .  توكلي على الله واعملي زي ماقلتلك وراح ان شاء الله تظبط.

---

هل من اخبار . انا قدمت مره ثانيه بعد اعادة التحاليل وجتنا رساله انه راح يردو خلال ثلاث ايام عامل اليوم ثالث يوم , ان شاء الله خير مستنين  خبريني ايش صار معاكي

---

هل قدمتو من خلال ناجز مواعيد ولا من الانهائيات؟

---

من الانهائات . لانه فيها تعبي كل البيانات . اما ناجز مافيه مواعيد لعقود الزواج . انتي ايش عملتي

---

روحو بدون تقديم للمحكمة وعلى مكتب المواقفات يعطوكم موعد للعقد

---

المشكلة مايدخلو احد بدون موعد .ولما اتصلت على 1950 قال لي انتظرو راح يجيكم لنك تدخلو عليه للعقد  , ماعاد في جلست داخل المحكمه مااعرف كلامه صدق ولا بس قالها تصريفه .

---

السلام عليكم..
مدري ايش اللخبطه ذي يحنا قالولنا نأخذ موعد من ناجز المحكمه اللانهائية في الاحوال الشخصيه بجده وبالفعل أخذنا وتوافق عليه موعد الاسبوع الجاي ان شاء الله بعدين نعبي البيانات والشهود ونطبع كل شي وناخذها معانا الموعد العقد .. بس دحين مني عارفه كلام مين الصح أنتم لمن جاتكم رساله الجوال ايش كان محتواها؟

---

توجهت لمحكمة الاحوال الشخصيه اليوم بدون موعد , المهم عند الباب سالوني ايش عندك قلت عقد زواج , دخلوني ورحت مكتب موافقات الزواج طبعا المكتب ملبان معاملات زواج . راح يدور عليها وطلعها وطلب مني التحاليل الاصل وهوية ولي الامر وطبعا صك حصر الورثه عشان الوالد متوفي . واعطاني موعد للعقد يوم الاحد الجاي الحمدلله . وقالي تجي الاحد مع الشهود عشان نعقد . وسلامتكم وعقبال الباقيين يارب الله يوفقكم ويسهل اموركم .

---

الف الف مبروك والله يسهل ويتمم على خير ان شاء الله
يسير ع كذا انا اروح على موعدي ان شاء الله الاسبوع الجاي لأن ورقه التحاليل الاصل وكل شي عندهم

---

الله يبارك فيكي . خلاص مدام سلمتي اوراق التحاليل واعطوكي الموعد خلاص جيبي الشهود واعقدي . الحمدلله على تمام نعمته .

---

الله يتمم على خير ان شاء الله.. طيب كيف المحكمه كانت زحمه واحتاج قبل كم اروح الموعد

---

لا مو زحمه . خليكي قبل موعدك مستنية اقله تقدري تروحي عن الباب تقوليله انه عندكم موعد عشان يدخلك تستني جوا بدل الجلسه بالشمس برا .

---

خلاص ان شاء الله ويوم الاحد طمنيني ايش سار معاك بالتوفيق

---

اكيد ان شاء الله ,

---

كم يوم أخذت التحاليل وطلعت ؟

---

غالبا أسبوعين بزبط وتطلع

---

بشرينا ان شاء الله الامور مشيت تمام

---

الحمد لله , تسهلت اليوم وتممنا اجرارات الزواج وعقدنا بالمحكمه , الحمد لله الاجراءات سهلة . اول ماتوصلو المحكمه يدخلو العريس والعروسه  بس ومعاهم الهويات تبع الشهود , يسجلو البيانات ويعطوكم رقم المكتب تبع الشيخ وتدخلو الشهود بعد كذا الموضوع كل ماياخذ نص ساعه وانتو مخلصين , دعوة من قلبي الله يسهل على كل من قراء وساعد وكتب بالموقع هذا ,الله يسهل اموركم ويجمعكم على خير .

---

التحاليل ترا ماتاخذ الفترة الطويله , شوف , خلى اسبوع يعدي من يوم عملتها وراجعهم ماتعرف يمكن خلصت , تراها ماتاخذ اربع ايام وتخلص . لو اتصلت راح يقولو لك ماخلصت بدون ماياخذو اي بياناتت . روح وباذن الله تحصلها مخصله .

---

ماشاء الله تبارك الله الف الف مبروك الله يتمم لك على خير ويجعلها زواجه السعاده .. انا اعطوني موعد الخميس ان شاء الله الساعه ١ الظهر عندي سؤال بالنسبه لشهود عادي يكون أب خطيبي شاهد ولا لازم من اهلي ؟

---

الله يبارك بعمرك .اللهم امين .لا عادي الشهود تبعي كانو من برا عيلتي ما قال الشيخ حاجه . بس يقولو حسب المذكرة تبع المحمكه انه لايجب اي يكونو من الابناء او احد الوالدين او الزوجين . ماعرف يمكن قصدهم بالقضايا الثانيه اما الزواج اظن عادي ابو زوجك . الله يسهلك ان شاء الله . ويجمعكم على خير .

---

الله يسعدك يارب ماقصرتي طيب آخر سؤال:) اذا موعدي ان شاء الله ١ الظهر كم لازم اكون موجوده في المحكمه هل زحمه عند الباب ولا الامور طبيعيه

---

الزحمه موجودة  بس ماراح يدخلو احد على الفاضي يعني يادوب انتي وهو وولي امرك بعدين متى ماخلص التسجيل يقلك دخلو الشهود واطلعو للشيخ .بس حاولي تجي قبل الموعد بي نص ساعه او اكثر حتى  لانه الموظف الي راح يسجل بياناتكم قبل تدخلو للشيخ تاخذ وقت لانه مسكين مافي غيره وتخيلي كل المعاملات على دماغه . يعني راح يسجل كل معامله قبل تطلع للشيخ . احنا جينا بدري ودخلنا وطبعا جلسنا نستنى يخلص ثلاث معاملات قبلنا وياخذ البيانات من الناس وعلى بال يدور المعاملات الي مسجله مواعيد تاخذ وقت دخلنا للشيخ قريب الساعه 11 واحنا موعدنا كان عشره وربع

---

الله يسعد قلبك حقيقي ما قصرتي خلاص ان شاء الله حكون هناك قبلها بساعه كذا افضل .. ولمن تجي ندخل نوريهم مسج الموعد حق ناجز ولا كيف .. بالتوفيق يارب

---

ايوة وريهم هو. انا كان موعدي اخذته من جوا المحكمه فما كان عندي اي رساله ولا اي حاجه بس اول ماوصلت قلتلهم عندنا عقد زواج وكانو مسجلين اسماء الي عندهم مواعيد عند الامن , اول ماتجي تدخلي. يشيكو على الاسماء ويدخلوكم.

---

حلو بس دحين بداءت اقلق شوي انا ما اخذت من المحكمه الموعد اخذت من من ناجز مدري اسمي حيكون موجود بره ولا كيف

---

اذا قلقتي روحي المحكمه وراح يدخلوكي واستفسري من الموظف في قسم الموافقات  . راح يدخلوكي بس قوليلهم انه عقد زواج  وكذا تطمني . ماتعرفي يمكن يقلك جيبي شهودك وتخلصي قبل الخميس.

---

والله فكره برضو طيب اروح لحالي مايحتاج موعد ولا ولي ولا حاجه واروح الساعه كم ؟

---

روحي جربي . بدون موعد زي ماعملت الاربعاء الي فات  , لقيت المعامله تبعي واعطوني موعد على اليوم .

---

ان شاء الله شكرا لكي ماقصرتي

---

اختي عندي سؤال بالنسبه لابلكشن حق طلب زواج من الانهائيات اليوم عملو خطيبي وجالو نفس المسج ان راح يتم الرد عليه بعد ٣ ايام عمل !! هل هاذا الابلكشن مهم وهل تم الرد عليكم

---

السلام عليكم . بالنسبة للرساله بالفعل بعد ثالث يوم راح يجيه رساله فيها لنك يدخل على اللنك راح تطلع له تذكرة مراجعه للمحكمه عشان العقد , بس انا بالوقت الي خطيبي جته الرساله كنا قد رحنا المحكمه واخذت موعد من عندهم , اذا تبغي تسرعي الامور روحي المحكمه وخذي موعد منهم . او اقله روحي تاكدي من موعدك الخميس .

---

الله المستعان ع اللخبطه هههه والله اليوم كنت ناويه اروح لكن جاني شغل كثيير من الصباح طيب الموعد إلى حاكم ع اللينك كان بعيد ولا ؟

---

ماكان فيه موعد . مجرد مذكور فيه  البيانات التالية

نوع الخدمه , رقم الطلب , المحكمه, مقدم الطلب , متطلبات الخدمه

1- حضور اطراف العقد
2-احضار اصل او صورة صك الطلاق او الخلع او فسخ النكاح للمطلقه او المفسوخ عقدها
3- احضار اصل صك الولايه في حال احد الاطراف قاصر عقلا
4- احضار اصل صك حصر الورثه في حال والد الزوجه متوفي
5- احضار شاهدين يحملان اصل الهويه الوطنيه او الاقامه. ون لايكون الشاهد من الابناء او الوالدين او الزوجين
6- اذا كان احد طرفي الزواج سعودي فيكون خاضع للائحه زواج السعودي بغير السعودي بقرار وزير الداخليه
7- اذا كانت الوثائق صادرة من خارج المملكه فتصدق من وزارتي العدل والخارجيه.

---

الله يسعدك حقيقي ماقصرتي قبل شوي رحت المحكمه زي ماقولتيلي والحمد لله الامور تمام واخذت الموعد يوم الخميس الساعه ١١ ان شاء الله والموظف قلبي كتب اسمي عند الاستقبال حيكون موجود مدري اي استقبال قصده بس الحمد لله أخذنا موعد

---

مبروك مقدما . والله يتمم لكم على خير , قصده الطاوله الي على اليمين اول ماتدخلي حاطين عليها امن , راح يشوف اسمك ويدخلك وبعدين لما تدخلي بالوجه في موظف يدخل البيانات ويعطيكم رقم مكتب الشيخ تطلعو له بالدور الاول .

---

مساء الخير يا اخوان انا اخدت خطاب الموافقه ودخلت موقع وزارة العدل من يومين وجاتني الرساله انو الرد حيكون خلال 3 ايام  هل يحتاج اروح او استنى؟

---

وعليكم السلام لا افضل روح بنفسك المحكمه خذ موعد للعقد

---

الحمد لله تم عقد أمس في المحكمه .. جزاكم الله خير والله يسهل الباقين.
الان الخطوه إلى بعدها هل لازم اروح الاحوال اسجل حاجه ولا ايش الطريقه ؟

---

الف مبروك . ايوه تدخل على ابشر وتاخذي موعد بالاحوال راح تلاقي بالخيارات تسجيل زواج مواطنه من مقيم , اظن كذا مكتوبه شوفي الطلبات , وخذي الموعد . الله يعينك جدة مافي مواعيد بسهوله .

---

الحمد لله تم العقد اليوم

---

ماشاء الله تبارك الرحمن , الف مبروك الحمد لله على كل شي كان مشوار وانتظار مو طبيعي .عقبال الباقيين يارب  ان شاء الله تتسهل لهم

---

الف مبررووك ماشاء الله وش الخطوات الاخيره كانت

---

كيف سويتو التحاليل ؟

---

كيف سويتو التخاليل؟؟

Answer 2

خذ موعد في محمكه الاحوال الشخصية او محكمة الدوائر الانهائيه موعد مراجعه او شوف وش المواعيد المتاحه
وراجعهم برقم معاملتك فراح يعطونك  رقم المعامله الجديد وخطاب عمل تحليل الزواج
وتقدم الطلب بالموقع

Comments

بكرة اتوقع تقدر تراجعهم بعد رفع الحظر الكلي
وحاول بالاتصال عليهم يعني لازم تجرب كل الوسائل هم ماراح يتابعوا وراك لازم  انت تجرب كل الطرق

---

انا اخذت موعد في نظام ناجز ولم يتم الموافقة عليه رفضوا الموعد

---

الاتصال ما فيه فايدة موظفين خدمة المستفيدين ما عندهم اي صلاحية والغالب يقولوا لك ما نقدر نخدمك

---

خذ موعد بهوية الزوجه وبياناتها

---

ان شاء الله اجرب بهوية خطيبتي وينجح الامر يعطيك الف عافية