افيدوني الي نقل قريب كفالة زوج مواطنة

Question

السلام عليكم و رحمة الله و بركاته
يااخوان الله يسعدكم افيدوني انا سعودية تزوجت من مقيم قبل سنة انعقد قراننا و قبل ٣ اسابيع قدمنا معاملة نقل كفالة زوج مواطنة و قدمت كل الاوراق مانقصت شي و راجعوها معاي و كل حاجة و قالولي بعد اسبوعين راجعينا .. و في ناس قالولي شيكي ع ابشر كل يوم بتتغير المهنة و تنشال الرسوم لكن الى الان ماتغير شي ولا انشالت الرسوم!!!
هل النظام تغير يا اخوان ولا ايش الحكاية؟ لانهم طولوا اذا الموضوع بس اشيك ع ابشر و انتظرها تتغير عشان نروح نطبع الهوية الجديدة .. افيدوني لو في احد نقل كفالة قريب هل النظام تغير ولازم اراجعهم!؟

Comments

السلام عليكم
استفسار بسيط لو سمحتوا لي  ورقة تنازل الكفيل تكون خطيه ولا الكترونيه من ابشر، المهنه سائق خاص كيف تختم من الغرفه التجاريه وانا فردي مو مؤسسة.

Answer 1

انتظري اسبوع زياده وراجعيهم

Comments

تمام ان شاالله.. يعني لو ماتغيرت المهنة في ابشر كل ما دخلنا يكون في مشكلة ولا حاجة؟! ولا الوضع عادي بس لازم اراجعهم و كدا ؟؟

Answer 2

وعليكم السلام , اولا في اوراق للاسف ماهي مكتوبه بالطلبات وحصل الموضوع معايا وجلسنا مستنين وماتغير حاجه , الاوراق الجديده او الاضافيه الي صارو يطلبوها هيا برنت بالمبلغ تبع نقل الكفاله الي سددتيه وبرنت برضو بس خاص فيكي انه ماعليكي مخالفات , تروحي المحلات تبع الخدمات الي قدام الجوازات يدخل على ابشر تبعه ويطبع صفحه المبالغ او الرسوم الموجوده بحسابه في ابشر وانت برضو نفس الشي يدخل ابشر تبعك ويطبع من صفحه المخالفات انه ماعليكي مخالفات وتقدميها وان شاء الله 48 ساعه وهيا متغييره . هي تجربتي الي صارت معايا والكلام هذا ماله اسبوعين .

Comments

ممكن تفيدني الله يجزيك الخير، قدمت على طلب نقل كفالة إلى زوجتي في مكتب العمل من حوالي ٣ أسابيع وراجعتهم اليوم أيضا وافادوني إنها ما خلصت لسة..  كم عادة تاخذ المعاملة في مكتب العمل؟

---

المعامله تتقدم في الجوازات مو مكتب العمل . ليش قدمتو بي مكتب العمل , كل الموضوع الزوجه تروح معاها صور الهويات وخطاب من الكفيل القديم مصدق من الغرفه التجاريه واثبات سداد الرسوم وعدم وجود مخالفات عليها وخلاص وتستنو كم يوم وتشيك في ابشر وتلاقي تحولت كفالتك وتروح تطبع الاقامة الجديده

---

رحنا الجوازات هم اللي وجهونا لمكتب العمل على أساس نرجع لهم بعد ما تنتهي إجراءات مكتب العمل

---

معليش هل في مشكلة مع الكفيل القديم , لو مافي مشكلة مايوجهوك لمكتب العمل , ممكن سوال اي مدينة

---

لا ما فيه مشكلة، المدينة المنورة
جزاك الله خير

---

غريبة الاجراءات كلها بالجوازات تسير , ماله اي صلاح مكتب العمل . تواصل مع حساب الجوازات بتوتر استفسر عن الموضوع لانه بالنهايه انت ماراح تكون مربوط بمكتب العمل . الجوازات راح تغير المهنه لزوج مواطنه وخلاص .

---

استفسار تاني لو تسمح لي، كم رسوم نقل الكفالة؟ هذي تعتبر النقلة الثانية

---

راح تدفع الفين ريال , هذي رسوم نقل الكفاله هلى زوجتك . اول حاجه سدد الف ريال تغيير مهنه وبعدين سدد الف تغيير مهنه يسير بحسابك الفين ريال تبع الرسوم . واطبع ورقه من حسابك تبع ابشر يوضح المبلغ الموجود بالحساب لانهم يطلبوها وورقه بعدم وجود مخالفات من حساب ابشر تبع زوجتك . ورجع الجوازات وخليهم يكملو الاجراءات عندهم.

---

اهلين اخوي Hope77 والله جبت كل دي الاوراق بس المخالفات حقته لان انا مااسوق ولا عندي سيارات باسمي اعطيتهم ورقة تسديد الرسوم و ورقة خلو مخالفات واخدتها من المكاتب حقتهم الي قدامهم بالفعل.. احسهم مررررة طولوا

---

مرحبا , غريب اتاخرو طيب روحي قسم الرجال واسالي وخليهم يشوفو اذا في حاجه ناقصه او تحت الاجراء, اذا تحت الاجراء ان شاء الله مافي مشكله , والله يسهلها عليكم يارب

---

يلا ان شاالله الاحد بروح و اطمنكم المشكلة اني ف الطايف حاليا و مقر شركته القديمة كان بجدة فا كل الاوراق مكتوب عليها جوازات جدة اضطرينا نقدم ف جدة فا الله يسهل لنا الطريق يارب

---

الكفيل القديم بالنسبة لنا ما قال لا بس يمطط من متى وهو النظام معلق السستم داون .. في انه يصدقها من الغرفة التجارية بس اذا كذا عاملين ايش الحل ؟؟