معاملة سعودية من اجنبي

Question

السلام عليكم
الله يسعدكم ابي استفسر عن معاملتي
انا من اسبوع قدمت طلب للاماره الكتروني عن طلب الزواج من اجنبي وجتني طلبات واوراق لازم اكملها و اوديها لهم كامله
بس وين م اروح يبون خطاب من الاماره عشان يعطوني الاوراق رحت للاماره ابي خطابات منهم للطلبات اللي عطوني قالو لازم موعد انتظري اتصال من وحده من الموظفات مع انهم ارسلو لي برقم المعامله حقتي ولما ادخل عليها مكتوب مقبوله مبدئي
احد يفيدني الله يسعدكم لو احد صار له كذا متى بيدقون يعطوني موعد وكيف اكمل اوراقي وهل عادي اروح اسوي الفحص قبل الزواج الحين ولا اصبر

Answer 1

السلام عليكم ورحمة الله وبركاته
حابة أسألك... انتي تبع اي إمارة... وايش الأوراق الي طلبوها منك؟؟؟

Comments

انا عن طريق امارة الرياض
طلبو مني اشياء كثيره موجوده بموقعهم
بس وين م اروح لازم خطاب منهم عشان اقدر اخلص اوراقي

Answer 2

جميع الاوراق تحتاج خطاب من الامارة حتى الفحص
شوفي لك لك طريقة تاخذي موعد للامارة
ابحثي في ابشر يمكن فيها مواعيد او عن طريقها المواعيد

Comments

ايه هذي المشكله كل شي يبي خطاب ورحت لهم قالت انتظري اتصال من عندنا نعطيك الموعد لو انه عن طريق موقع قالت روحي

---

الله يعافيكم احد يفيدني

---

انا رحت قدمت الكتروني حلو بعدين عطوني ورقة طلبات رحت للاحوال اجيب برنت قالو لازم خطاب من الاماره وخطيبي راح يجيب شهادة خلو سوابق من هنا قالو لازم خطاب من الاماره رحت للاماره قالو انتظري نتصل عليك نعطيك موعد بعدين تجين ونعطيك خطاب

---

برنت الأحوال المدنية لازم خطاب بضبط
و شهادة خلو سوابق لازم خطاب...

Answer 3

بالتوفيق يا رب
اللي اعرفه هادي الأوراق توفرها الشرطة
مجرد ما تكوني قدمتي اليكتروني رح يعطوكِ رقم إصدار المعاملة للشرطة تاخدي الرقم وتروحي لهم وهما يعطوكي الأوراق مختومة ورقة خلو سوابق وورقة الفحص وورقة البرنت حقت الأحوال
بقية الأوراق حقت عدم اسبقية الزواج حقت العمدة وموافقة ولي الأمر هادولي عادي تعبيهم وبعد ما تعبيها تختميها
ولا تنسي ورقة خلو سوابق من بلد الخاطب الأجنبي لأنها لازم ترسل من بلده وتصدق من السفارة