بخصوص تصديق العمدة مشهد عدم أسبقية الزواج من سعودية

Question

السلام عليكم اليوم رحت و اعطوني ورقة الطلبات بمحافظة جدة
خطيبي مولود ومقيم بالسعودية ولكنه بالرياض وانا قدمت اوراقي بمحافظة جدة بما اني من سكانها
فهل الان التصديق يعمله من عنده بالرياض عادي ولا يجي يسويها بجدة؟
+ صحيفة خلو سوابق من القنصلية الفلسطنية مطلوب تكون مصدقة من وزارة الخارجية بجدة هل تاخذ وقت؟
الموظفة مرة ما كانت متعاونة معنا لدرجة خفت اقولها شي لانو واضح كانت تبغا تعقدها لي الله لا يسامحها بس

Answer 1

صحيفة خلو السوابق لازم من بلده وليست القنصليه
ترا ترا ياخذوها وتعلق المعامله وبعدين يقولون لكم ماجبتوا خلو السوابق من بلده وتتصدق من الخارجيه السعوديه وبرضو تاكدي من هالشي

التصديق على مشهد الزواج مايفرق من الرياض او جده خليها بالرياض افضل ويرسلها لك وتقدميها مع الاوراق

Comments

هو وثيقة مصرية مو جواز فلسطيني فما يقدر من ياخذها من بلده عشان كدا مكتوب من القنصلية الفلسطينية

Answer 2

وعليكم السلام .. شوفي بالنسبة للأوراق هم رح يرسلونها هناك للرياض عشان هو يستكمل باقيي الإجراءات دام انه ساكن بالرياض بس ذا بعد لما تخلصي اوراقك انتي وتسلميها لهم .. بس صراحة انا نفس الحالة وتاخرت .. تاخذ وقت لين توصل هناك .. شوفي هو لو يقدر يجي يكملها بس لازم ما تعلمينهم انه بالرياض وبالنسبة لمشهد السكن يحاول يطلع له مشهد انه من جدة بس شغله بالرياض .. الزبدة يبيلها لف ودوران شوي .. انتي استخيري اذا يجي يسويها عندك او يكملها عنده ..

Comments

طيب اهله بجدة بس المشكلة بالعنوان الوطني انه مكتوب ساكن الرياض مثلا اخليه يضيف نفسه لسكن والده بجدة؟
هو مو مشكلة يقدر ينزل بس عادي مثلا هو ساكن بالرياض بس يجي يسويها بجدة؟ خصوصا التصديق اما الباقي عادي يقدر ينزل عشانها

---

عشان كذا اقلك لو حابة يسويها عندك .. لازم الشرطة ما يعرفوا انه هو ساكن بالرياض لانه لو قلتي لهم انه بالرياض رح يقولولك لازم نرسل له هناك يكملها.. فخليه على اساس انه هو من جدة زيك ويكمل اجراءاته عندك.. ويجيب تعريف سكن اللي هو عنوان بيت اهله ويختمها من العمدة .. بالنسبة لللتصديق ما عندي فكرة بس دام انه بيكمل على اساس انه من جدة فإن شاء الله ما فيها مشاكل .

---

يعطيك العافية بس ماهو مطلوب مشهد سكن بس مطلوب تصديق عدم اسبقية زواج ، ولانها مطلوبة من العمدة بس خلاص بخليه يسويها من جدة عشان ماحد يعقدها بالشرطة