بكتب لكم تجربتي بالتفصيل وبكل دقة عشان غيري يستفيد ومايتعب مثل ماتعبت وارجوا الدعاء لي بالتوفيق والرزق
1- يذهب الكفيل القديم لإدارة الجوازات ويعمل ورقة تنازل عن مكفوله للكفيل الجديد وضروري يخبرهم بإن الكفيل الجديد هو زوجة المكفول عشان تصير المهنة (زوج مواطنه) وضروري يكون معاه صورة هوية الكفيل الجديد (الزوجة) لانهم بيطلبون اسمه ورقم هويته عشان يكتبونه في اقرار التنازل بعد ذلك يتم ختم الإقرار
2- سداد رسوم بقيمة ٢٠٠٠ ريال في رصيد الجوازات للمكفول ويوجد ملاحظة مهمة انه في حالة قبل السداد للجوازات تظهر خيارات كثيرة ومن ضمنها (نقل خدمات) راح يطلع مبلغ الرسوم ٤٠٠٠ ريال ، لاتسدد ٤٠٠٠ ابداً والحل بكل بساطة وقت السداد تختار من الخيارات (تغيير مهنة) قيمتها ١٠٠٠ ريال ويتم السداد مرتين بحيث يصبح المجموع ٢٠٠٠ ريال
3- تذهب الزوجة (المواطنة) لإدارة الجوازات قسم النساء وتكون معاها الطلبات كاملة وهي : إقرار التنازل اللي سواه الكفيل القديم + إستمارة عامة من مكاتب الخدمات العامة خارج الجوازات وتعبئتها بالبيانات المطلوبة + طباعة أوراق بعدم وجود مخالفات على الكفيل الجديد والمكفول ورصيد سداد الجوازات (المجموع ٣ أوراق) + صورة وأصل من هوية الزوجة (الكفيل الجديد) + هوية الزوج (المكفول) + جواز سفر الزوج (المكفول) + عقد النكاح
4 - بعد التاكد من الطلبات والأوراق في القسم النسائي سوف يتم إرسال الزوج أَو الزوجة أَو كلاهما لقسم الشؤون القانونية لمطابقة الأوراق بالأصول والتأكد النهائي من توفير جميع الطلبات وهذه الخطوة الأخيرة
بعد ٣ أيام إلى اسبوعين سوف يتم تغيير الكفيل والمهنة لزوج مواطنه في ابشر وتوكلنا بعد ذلك يتجه الزوج والزوجه ليتم طباعة الاقامة الجديده وتسليم القديمة
وبالتوفيق للجميع
