أنا من جده ورحت مكه ورحت الرياض

Question

لما رحت مكه قالوا ارجعوا جده أما في الرياض استلموا المعاملة في قسم النساء وقالوا تعالوا بعد عشرة أيام استلموا الاقامة جاهزة ثم دخلت قسم الرجال عشان اقول هل اقدر بعد عشرة ايام استلم الاقامة ام لازم الزوجة تحضر قسم النساء قال اصلا مابينقلوا الكفالة في قسم النساء فقط تعديل المهنة الى زوج مواطنة أما الكفالة تنقلها انت غي جده والدليل انهم مااخذوا منك الاقامة والجواز وبعدين رجعنا قسم النساء وقلنالهم هذا الكلام فالموظفة قالت بعد عشرة ايام تعالي استلمي الاقامة جاهزة والكفالة منقولة. بس انا اقول كلام الرجال صح لان ورقة التنازل خلوني اصدقها في الغرفة التجارية في الرياض واخذوا منها صورة ورجعوا الاصل ومستغرب ان الموظفة حتى ماتاكدت ان الرسوم مدفوعة او لا.  اتمنى اللي عنده جواب او تعليق او تجربة يفيدنا ومشكورين مقدما

Answer 1

اخي الكريم
قسم النساء يستلمون المعاملة ويتأكدون من مطابقة توقيع الزوجة وهويتها, ويرسلون المعاملة بالبريد لأدارة الجوازات لتغيير المهنة, وهذا ياخد اسبوعين تقريبا. ممكن متابعة الوضع على نظام ابشر حقة الاهل او حقتك.
عندما ترى ان مهنتك تغيرت لزوج مواطنة يعني تمت اول مرحلة.
المرحلة الثانية, انت تتابع في قسم الرجال, وتحضر جواز السفر وصورة منه والاقامة وصورة منها وعقد النكاح وصورة منه, وصورة عن بطاقة احوال الزوجة, وتكون مسدد رسوم نقل الكفالة, ويكون نموذج نقل الكفالة مكتوب وموقع من الزوجة, وفوق هذا خطاب موافقة نقل الكفالة من الكفيل الحالي مصدق.
اذا الاوراق كاملة سيتم منح بطاقة اقامة جديدة خلال ساعة من الزمن باذن الله

Comments

شكرا على الاجابة استاذ فهد واجابتك تأكد ان الكلام اللي سمعته في قسم الرجال هو الصح

Answer 2

اخي خد أوراقك كلها ولا تستنى ولا ساعة واعمل صورة على كل الورق اللي معاك والساعة السابعة صباحا روح قسم الرجال ادخل على العريف يزيد الحويدر واديه صورة الأوراق ونموذج تعديل المهنة بخلصلك تعديل المهنة ونقل الكفالة وانت واقف
لاتنستنى ولا يوم نصيحة
اهم شي لازم تروح بدري عشان لو أجا العقيد ماراحت يخليلك تدخل اله

Comments

ا على النصيحة اخ ريان بس انا رجعت جده

Answer 3

الحمدلله اليوم رحت جوازات جده وقلت للموظف اني عدلت المهنة الى زوج مواطنة في الرياض بس ابغى أنقل ، ماأظن مرت دقيقة الا والكفالة منقولة ولما رجعت البيت فتحت أبشر ولقيت نفسي في قائمة المكفولين وجيت أسوي تجديد لكن كان مكتوب الجواز منتهي الصلاحية مع انه مو منتهي الصلاحية لكن يبغالي نقل معلومات ، وبعدها رحت الجوازات اللي خلف برج دلة اللي في الرحاب ونقلت معلومات ، وجددت عن طريق أبشر وباقيلي الطباعة حاليا.
بالنسبة للرياض المعاملة كانت في قسم النساء فقط في الجوازات اللي في شارع الملك فهد أخذوا صورة من عقد الزواج وصورة من تنازل الكفيل مصدق من الغرفة التجارية بالرياض شارع الضباب ،شباك خاص بالتصاديق اللي خارج الرياض ولاحظ ان التنازل اللي معايا كان مصدق من جده بس الجوازات يطلبوا تصديق الرياض وأخذوا صورة من الاقامة والأحوال والجواز والورقة اللي تكون أول شي اللي مكتوب فيها نقل كفالة وخروج وعودة ....الخ
واعطونا ورقة خاصة بتعديل المهنة يعني الورقة اللي كنت شايلها من جده مكتوب عليها تغيير كفيل مالها داعي، وكنت لما أشوف نطاق الشركة اللي كنت فيها من موقع وزارة العمل كان يكتبلي على رأس العمل ولكن بعد مااستلموا المعاملة في الرياض ب ثلاثة أو أربعة أيام لقيت مكتوب بدل على رأس العمل كان مكتوب تم نقل خدمته،فعرفت ان المهنة تعدلت وباقي النقل فأخذت أوراق المعاملة اللي كنت صدقتها في جده قبل تقريبا شهر واللي هي صورة من عقد النكاح وصورة الاقامة وصورة الجواز وصورة بطاقة الأحوال وأصل التنازل وورقة باسم مدير الجوازات أقول فيها لامانع لدي من نقل كفالتي على زوجتي وورقة من الزوجة باسم مدير الجوازات تقول فيها لامانع لدي من كفالة زوجي والورقة الأولى اللي فيها نقل كفالة و خروج وعودة ....الخ ودخلت قسم نقل كفالة الأفراد ونقلت الكفالة ،واسف على الاطالة