تصريح زواج مبتعثة سعودية من غير سعودي

Question

انا قدمت على التصريح والمعاملة الان بشرطة جدة ولكن حفظت الان لاني ابتعثت
علما اني قدمت عليها قبل ابتعاثي وسفري بشهر تقريبا علما بان حالتي الاجتماعية مطلقة وعمري ٢٥
والخاطب غير سعودي غير مقيم ومش في بلد الابتعاث
يا جماعة اش الحل وين اروح ومن اكلم
يعني المبتعثين مالهم طريقة يقدمو فيها؟؟ ولا كيف
ارجوكم ساعدوني

Comments

سافري انتي ووالدك وخطيبك للخارج وسوي العقد هناك وانتهى الموضوع

Answer 1

روحي لمكتب شئون المبتعثين بالسفاره .. ويارب تفرج ..

Comments

انا كلمت القنصلية الي ولايتي تابعة ليها وقالي مالنا صلاح من الداخلية
ولما كلمت السفارة قالولي مالنا صلاح ولايتك مو تابعة لينا
وفي الشرطة الاوراق معلقة وانا في اخر الدنيا وبرضه يحفظو الاوراق ومالهم صلاح
ليش مافي خطوات واضحة وثابتة والله حرام كذا

Answer 2

أختي الكريمة الله يحفظك....أنتي تعتبري مبتعثة من ساعة صدور قرار الإبتعاث...فلو كنتي تأجلي شوية صدور قرارك إلى أن على الأقل تعدي من الداخلية ....عموما ..ما فهمت كلمة غير مقيم ..إيش تقصدي بيها..يعني مو بالسعودية جالس...فهميني عشان اقدر اساعدك إن شاء الله..

Comments

ايوا اخوي يعني مش مقيم بالسعودية = مو عايش بالسعودية
يا ريت اخوي لو تقدر تفيدني او تساعدني

Answer 3

زوجتي وقعت تعهد في المباحث إنها ما تكون مبتعثة قبل ما تجي الموافقة، أتوقع شرط من الشروط، الله ييسرلك

Comments

انا عارفة بس انا قدمت من فترة وما كنت متأكدة من سفري
وحتى لو اجلت السفر مو ضامنتهم لانه مالهم وقت ممكن يخلوني انتظر اكتر من سنة فوق الوقت الي انتظرته
الشي التاني انا مقتنعة بشي في معظم الدوائر الي عندنا لو عندك واسطة تكسر الشروط حتى لو كانت مستحيلة
اكيد حاجة تحرق القلب

Answer 4

زواج السعودية من غير سعودي يتطلب تواجد الغير سعودي في السعودية لمدة لا تقل عن خمسة إلى عشرة سنوات ، ولازم يكون يعمل في وظيفة..

هذه هي أحد الشروط الرئيسية في موقع الإمارة..

تحياتي..

Comments

معليش اخوي هالمعلومة غلط ولا تطبق بالواقع رغم انها مكتوبة
لاني انا قدمت بنفسي ومعاملتي كانت ماشية ووقفوها بسبب السفر
وسالت هل ينفع بالامارة قبل لا اقدم وقالولي مقيم او مو مقيم في تقديم بس للي مش مقيم حتروح معاملته لوزارة الخارجية
معليش لازم اعلق عشان ممكن احد ياخذ بكلامك وما يقدم بس انا صاحبة تجربة ومتأكدة

---

أنا لما طلع قرار الموافقة على زواجي من زوجتي السعودية كان لي في السعودية فقط 3 سنوات