حاله القيد مغلق

Question

السلام عليكم ورحمه الله تعالى وبركاته.
خطيبتي دخلت على موقع وزارة الداخلية لأول مره وأنا كنت بصيت من يومين ماكان فيه شئ ،عشان تستعلم عن معامله زواجنا ولقت مكتوب " حاله القيد مغلق " إيش يعني حاله القيد مغلق ؟ هل هوا خبر كويس ،ياااااارب .
حد يعرف من فضلكم ،نفسي أعرف إيه إلي حيسير دحين

Answer 1

السلام عليكم ورحمه الله
حالة القيد مغلق يعني انتهت المعاملة من وزارة الداخلية وتحولت إلى الامارة لو كان الخاطب مقيم او الخارجية لو كان غير مقيم.
الان بامكان خطيبتك او حضرتك المهم الطرف السعودي
يتواصل مع وزارة الداخلية على الرقم المجاني، تعطوهم رقم المعاملة، وهما بدورهم يعطونكم رقم الصادر للمعاملة وتاريخها ووين اتصدرت عشان اتابعوها.

الله يسهل امركم يارب وامرنا

Comments

يا أخت اسماء انت بتجاوبي على اساس معاملة مقيم ولكن معاملة الغير مقيم مختلفة تماماً سواءً في سير المعاملة أو في طريقة العقد ، أنا من تجربتي ما وصلتني أي رسالة من أي جهة أنا كنت أتابعها بنفسي الى أن وصلت للسفارة

---

عموماً لا تشيلوا هم اتصلوا عليهم مثل ما قالت اخت اسماء واعطوهم كل البيانات وبإذن الله خير ، اكيد لازم حتلاقوها في اي جهة

---

اخت rudy
اشكرك على الماداخله
انا اجاوب ع اساس يتابع مع خطيبته بشكل صحيح ومن اساس المعاملة وين كانت ومتى وصلت الداخلية، القصة ليست تنافسية على اجوبة....
راجعي اجوبتي بتعرفي مغزى الكلام بين السطور!
لان البنت لا تعرف شي عن المعاملة ويمكن طبعها خجول او ماعندها المعرفة كيف تتعاطى مع معاملتها. وهي لم تتابع المعاملة منذ تقديم المعاملة يعني قرابة السنة...

---

ياربي  مابترد خطيبتي عصبوها الأول قاتلي لما قالولها المعامله باسم تاني ودحين ماترد ومش عارف إيه إلي حصل وأنا في الشغل وما أقدر ادور كتير .
ياربي خير يااااااااااااارب ⁦♥️

---

عزيزتي اسماء لا أقصد المنافسة ابداً ولا شيء من هذا القبيل فهمتيني خطأ ، المقصد فقط ان معاملة الغير مقيم مختلفة تماماً وانا اتكلم من واقع تجربة والأفضل التأكد من المعلومات قبل ذكرها عشان ما تزيد من تشتيت السائل .. كلنا هنا لخدمة بعض بدون مقابل وشكراً لك على ردودك وخدمتك في المنتدى باستمرار الله يجعله في موازين حسناتك

Answer 2

يظهر لي الموضوع بدون اي اجابات ما اعرف هل لديكم نفس المشكلة او لا .. عموماً انت ذكرت سابقاً انكم اخذتوا رقم المعاملة من الشرطة قبل ايام والآن تظهر لكم المعاملة حالتها مغلق في الداخلية ، وبعد كدا ذكرت ان خطيبتك اتصلت على الداخلية والأمارة ويقولو بأن المعاملة غير موجودة عندهم .. الحل خطيبتك تتصل على مرة تانية الداخلية وتعطيهم اسمها ورقم هويتها وليس رقم المعاملة وتسألهم فين راحت المعاملة

Comments

آسف اخ Rudy والله في الشغل ماقدرت ارد عليك
أيوا من عشره أيام كده اعطوها رقم المعامله في الشرطه وقالوها تكون عندك اخبار بعد رمضان انشاء الله .
بعد يومين او ثلاثه مش فاكر بصينا على موقع أبشر عشان نشوف ونستعلم على المعامله ما كان فيه شيء لسه ومن يوم الخميس اضن بصت خطيبتي من جديد وحطت رقم المعامله ولقت مكتوب حاله القيد مغلق ، عشان كده أنا سألت على الموقع استفسر إيش يعني حاله القيد مغلق .
ما اضن إنو فيه غلط أقدر أعطيك رقم المعامله لو لازم وحتى موقع الداخليه إلي كاتبين أن حاله القيد مغلق وكل التفاصيل من تحت
تاريخ القيد 08/01/ 1440
اسم سجل القيد :
اتصالات ديوان الوزارة
الاداره الداخليه المحال إليها :
اداره التدريب. الاداره العامه للتدريب الأمني
والباقي مافيه معلومات  تاريخ الصادر وجه الصادر وكلو فارغ

---

خطيبتك حطت رقم المعاملة في اية موقع ؟

---

في موقع أبشر

---

اتصلت على الأمارة والداخلية وكلهم بيقولو المعاملة مو عندنا ؟

---

ايوا في الداخليه بيقلولها ماعندنا معاملات زواج (مالنا شغل احنا تتصلي علينا روحي انصلي على الاماره مو علينا)بالضبط وبعدين تتصل على الاماره مايردو أو يردو ويسيبو السماعه على جنب وتبقى تستنى

---

غريب جداً ، خلي ولي أمرها يروح الأمارة يسأل

---

أيوا والله مرا غريبه ومش فاهمين ولا وزعلنا حتى مع بعض عشان ما عرفت أتصل عليها وبعدين عصبت وراحت نامت ، وما اتصلت عليهم تاني . وأنا استنى .
الله يهديهم اكيد طاحت على موضف مالوش نفس يشتغل أو يدور .
انشاء الله بكرى تكلمهم من جديد ونشوف أو زي مانصحتني ولي أمرها يروح بنفسو يسأل أنشأ الله .
الحمدلله  على كل حال ولا تعبونا معاهم

---

اخي عبد الواحد الامارة تصدر معاملة برقم صادر لوزارة الداخلية تجي رسالة ع رقم محطوط بالمعاملة انت دق ع وزارة الداخلية برقم مجاني تقلهم عندي معاملة صادرة من امارة كذا يقلك عطني رقم صادر تعطي يعطيك رقم قيد المعاملة بوزارة الداخلية تابعها بالموقع اهم شي تحط التاريخ صح احيانا مكتوب بتاريخ قديم

---

السلام عليكم ورحمه الله تعالى وبركاته
هيا خطيبتي ماجالها رساله على جوالها ولا جوال ولي أمرها رقم القيد إلي عندها الشرطه اعطهولها لما قالولها يحولو المعامله للاماره وبعد من يوم بصت على موقع الداخليه وبالرقم القيد لقت اني حاله القيد مغلق بس لما كلمت الداخليه مش لاقين ويقولولها تراجع الاماره والاماره نفس الشئ ،مش فاهمين إيه إلي حصل . يومين على بعض تكلمهم ومافيش جديد . هل هناك غلط في شئ أو لسه ما وصلت الداخليه مش فاهمين

---

ع كلامك رقم القيد عطوكيا الشرطة قالو حنولها الامارة معناها تروح انت تاخذ الرقم الي عطوكيا الشرطة بوجهك  ع الامارة تستعلم عنها اذا صادرة لداخلية تاخذ رقم القيد دق ع وزارة الداخلية عرقم المجاني

---

السلام عليكم ورحمه الله وبركاته⁦
أيوا بالضبط الشرطه هيأ إلي ودتنا الرقم عشان نتابع الاماره بيه وقالو دحين يرسلو الاماره وانشاء الله بعد رمضان نعطولكم أخبار جديده ،  وبعد اسبوعين يمكن بصينا على موقع أبشر نستعلم كده نشوف وبالرقم إلي عطتنا هوا الشرطه لقينا حاله القيد مغلق .
انشاء الله أقول لخطيبتي تكلم الداخليه والاماىه من جديد ، أصلها والله ما بقت نفسها تكلمهم عشان ما يردو عليها كويس ،
احاول أشوف أخوها يروح بنفسو يراجع الاماره ،المشكل رمضان دحين  ،
انشاء الله يقدر يروح ويقدر يلاقي حد يرد عليه ،ةوانا من هنا في ما أقدر أسوي ولا شئ ، حتى لو كلمتهم أنا ما يرضو يردو عليا ، لأني مو مواطن سعودي .
جزاكم الله خيرا يااااااااااااارب وشكرا

---

يا اخي كريم معاملتك بالامارة مافي  داعي تبص بالداخلية لان رقم معاملة الي عندك تبص فيها ب ابشر يطلعلك معاملة ليست معاملتك اسمع خل احد يروح الامارة يراجعها برقم الي دوكيا الشرطة يتاكد من الاسم بعدها اذا صادرة من الامارة لداخلية يعطوك الامارة رقم صادر تراجع في الداخلية

---

آه طيب عشان كده
يعني المعامله لسه في الاماره عشان كده هما مش لاقينها لا بالرقم ولا باسمها او رقم هويتها ، يعني لما نلاقي حاله القيد مغلق تكون معامله حد تاني مو احنا ،
ياربي  تسهل يارب  مش عارفين والله فين أحنا سنه تقريباً دحين وما خلصت .
شكرا لكم وجازاكم الله خيرا يااااااااااااارب .

---

سنة يجوز جت موافقة انت مو عرفان  خلي البنت تراجع الامارة تسال عن معاملة اتصال ماينفع راجع الامارة احسن

---

طيب أنشأ الله
احاول يااارب  ،اصلها خطيبتي بقت مرررررررا حساسه من الموضوع وماتبغى حتى تتكلم فيه ، بس احاول اكلم اخوها ولي أمرها هوا ،
بقيت خايف ازعجو مسكين وزيد على كده رمضان .
انشاء الله
يااااااااااااارب  
مررررررا شكرااا لكم والله وبارك الله فيك على هاذي المعلومات